1-дәрежелі флот флагманы

1-дәрежелі флот флагманы
	1-дәрежелі флот флагманы
	орыс. Флагман флота 1-го ранга
	Жеңдегі айырым белгісі
Мемлекеті	КСРО
Құрылды	22 қыркүйек 1935
Таратылды	7 мамыр 1940
Кіші шен	2-дәрежелі флот флагманы
Аналогы	1-дәрежелі командарм

1-дәрежелі флот флагманы (орыс. Флагман флота 1-го ранга) — КСРО Жұмысшы-Шаруа Қызыл Әскеріндегі Теңіз күштерінің (КСРО ЖШҚӘ ТК) әскери атағы.

Тарихы

КСРО ОАК мен КСРО ХКК 1935 жылғы 22 қыркүйектегі қаулысымен енгізілді^[1], ал КСРО ЖШҚӘ теңіз күштері үшін КСРО халық комиссарлары кеңесінің 1935 жылғы 22 қыркүйектегі № 2591 қаулысымен бекітіліп, КСРО қорғаныс халық комиссарының 1935 жылғы 26 қыркүйектегі № 144 бұйрығымен жарияланды. 1-дәрежелі флот флагманы атағы 1940 жылы 7 мамырда КСРО Жоғарғы Кеңесі төралқасының «Әскери-теңіз флотының жоғарғы қолбасшылық құрамы әскери атақтарын белгілеу туралы» Жарлығымен бекітілген жаңа атақтардың енгізілуіне байланысты жойылды.

КСРО ОАК мен ХКК 1937 жылғы 30 желтоқсандағы № 120/2204: «КСРО әскери-теңіз күштері халық комиссариатының құрылуы туралы» (Қорғаныс халық комиссарының 1938 жылғы 8 қаңтардағы № 5 бұйрығымен жарияланған) қаулысынан кейін, 1938 жылдан бастап КСРО ЖШҚӘ Теңіз күштері КСРО ӘТК деп атала бастады. 1939 жылдың аяғында бұл атау түпкілікті бекітілді: КСР Одағы Әскери-теңіз күштері (КСРО ӘТК). Мысалы: ӘТК ХК 22.10.1939 жылғы № 431 бұйрығымен «КСР Одағы Әскери-теңіз күштерінің үздігі» төсбелгісімен марапаттау туралы ереже бекітті және төсбелгі құрылған сәттен бастап «ӘТК үздігі» деген жазумен жасалды.