1941-1945 жж. Ұлы Отан соғысындағы Жеңіске 20 жыл мерейтойлық медалі
| «1941-1945 жж. Ұлы Отан соғысындағы Жеңіске 20 жыл» мерейтойлық медал | |
|---|---|
  | |
| Шынайы атауы | орыс. Юбилейная медаль «Двадцать лет Победы в Великой Отечественной войне 1941—1945 гг.» |
| Мемлекет |  КСРО
|
| Жағдайы | берілмейді |
| Негізделді | 7 мамыр 1965 жыл |
| Барынша ұсынылған | шамамен 16 399 550 |
| Жоғары марапаты | «1941-1945 жж. Ұлы Отан соғысында Германияны жеңгені үшін» медалі |
| Төменгі марапаты | «1941-1945 жж. Ұлы Отан соғысындағы Жеңіске 30 жыл» мерейтойлық медалі |
| Jubilee Medal "Twenty Years of Victory in the Great Patriotic War 1941–1945" Ортаққорда | |
«1941-1945 жж. Ұлы Отан соғысындағы Жеңіске 20 жыл» мерейтойлық медал (орыс. Юбилейная медаль «Двадцать лет Победы в Великой Отечественной войне 1941—1945 гг.») — КСРО Жоғарғы Кеңесі төралқасы 1965 жылғы 7 мамырдағы Жарлығымен 1941-1945 жылдардағы Ұлы Отан соғысында фашистік Германияны жеңгенінің 20 жылдығына орай құрылған. Медал сызбасының авторлары — суретшілер В. А. Ермаков (аверс) және Ю. А. Лукьянов (реверс) болды[1].
Медал ережелері
[өңдеу | қайнарын өңдеу]«1941-1945 жж. Ұлы Отан соғысындағы Жеңіске 20 жыл» мерейтойлық медалі 1941-1945 жылдардағы Ұлы Отан соғысында КСРО Қарулы Күштерінің қатарында қатысқан барлық әскери қызметшілер мен өз еркімен қатысушылар құрамасы, Ұлы Отан соғысының партизандарына, КСРО Қарулы Күштерінің барлық жеке құрамалары (1965 жылы 9 мамырда Кеңес Әскері, Әскери-теңіз флоты, КСРО Министрлер Кеңесі қарамағындағы Мемлекеттік қауіпсіздік комитетінің әскерлері мен органдарының, одақтық республикалардың ішкі әскерлерінің, қоғамдық тәртіптегі ішкі және конвойлық күзеттің кадрларында болған адамдарға), сондай-ақ «1941-1945 жылдардағы Ұлы Отан соғысында Германияны жеңгені үшін» медалімен марапатталған басқа адамдарға берілді.
Мерейтойлық медалмен марапаттау 1941-1945 жылдардағы Ұлы Отан соғысы кезінде Қиыр Шығыста КСРО-ның мемлекеттік шекарасын күзеткен және бұрын «1941-1945 жылдардағы Ұлы Отан соғысында Германияны жеңгені үшін» медалімен марапатталмаған Кеңес Әскерінің, Тынық мұхиты флотының және Амур өзені әскери флотилиясының бөліктері мен құрамаларының әскери қызметкерлері мен өз еркімен қатысушылар құрамаларына, 1941-1945 жылдардағы Ұлы Отан соғысы кезінде уақытша басып алынған аумақта нацистік басқыншыларға қарсы астыртын әрекеттерге қатысқандарға да қолданылды.
«1941-1945 жж. Ұлы Отан соғысындағы Жеңіске 20 жыл» мерейтойлық медалі кеуденің сол жағына тағылады және егер КСРО ордендері мен басқа да медалдары болса, «1941-1945 жылдардағы Ұлы Отан соғысында Германияны жеңгені үшін» медалінен кейін тұрады.
1995 жылдың 1 қаңтарындағы жағдай бойынша шамамен 16 399 550 адам «1941-1945 жж. Ұлы Отан соғысындағы Жеңіске 20 жыл» мерейтойлық медалімен марапатталды.
Медалдің сипаттамасы
[өңдеу | қайнарын өңдеу]
«1941-1945 жж. Ұлы Отан соғысындағы Жеңіске 20 жыл» медалі дөңгелек пішінді, диаметрі 32 мм, жезден жасалды.
Медалдың бет жағында екі айқасқан лавр бұтақтарының үстінде кеңес жауынгер-азат етушіге арналған ескерткіштің (Берлиндегі Трептовер саябағында қойылған, мүсінші Е. В. Вучетич) бейнесі мен «1945-1965» деген жазу жазылған.
Медалдың артқы жағында: айналдыра — «1941-1945 жж. Ұлы Отан соғысындағы Жеңіске 20 жыл» (орыс. «Двадцать лет Победы в Великой Отечественной войне 1941—1945 гг.») деген жазулар, медалдың ортасында шашыраңқы сәулелер аясында «XX» рим цифры және жұлдызша орналасқан.
Медалдың шеттері ернеумен жиектелген. Медалдағы бейнелер мен жазулар шығыңқы.
Медаль құлақша мен шығыршық арқылы ені 24 мм жібек қатқыл таспамен тысталған бесбұрышты тағанға жалғанады. Таспада кезектесіп тұратын қызыл, жасыл және қара түсті — үш бойлық жолақ орналасқан. Қара жолақтан кейін таспаның шеті жіңішке жасыл жолақпен жиектелген.
Тағы қараңыз
[өңдеу | қайнарын өңдеу]Әдебиет
[өңдеу | қайнарын өңдеу]- Володин А. Н., Мерлай Н. М. Медали СССР — СПб.: Печатный двор, 1997. — Б. 102—103. — ISBN 5-7062-0111-0.
- Колесников Г. А., Рожков А. М. Ордена и медали СССР — Минск: Народная асвета, 1986. — Б. 88—89.