Cartoon Network

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Cartoon Network

Cartoon Network (ағылш. Cartoon Network – мультфильмдер желісі) — Turner Broadcasting System-нің қолдауымен құрылған ірі кабельді арна. Hanna-Barbera және Warner Bros. студияларының телехикаяларын эфирге шығарып тұрады. Time Warner Inc. компаниясына тиесілі.

Шығу тарихы[өңдеу]

1980 жылы Turner Broadcasting атты ірі компанияның қожайыны Тэд Тернер, MGM және Warner Bros.-тың 1948 жылғы мульфильмдер қорын сатып алған болатын. Ал 1990 жылы ол Hanna-Barbera Productions анимациялық студиясын сатып алды. Алғашында бұл арнада ескі мультфильмдер беріліп отырған.

Кейінірек, 1995 жылы студиялардың бірінде арнаға жеке жаңа анимациялық мультфильмдер шығарыла бастады. 1996 жылы фирманы Time Warner иелік етті, нәтижесінде арна Warner Bros.-тың 50-80 жылдар аралығындағы барлық мультфильмдер қорын шығаруға мүмкіндік алды. 2001 жылдың 2 қыркүйегінде ересектер аудиториясын қамтитын adult swim атты алғашқы мультфильмдер блогы құрылды.

Қазіргі таңда Cartoon Network ірі мульт-каналдардың біріне жатады. Эфирге жоғары дәлдікті 1080i форматында таратылады. Time Warner. корпорациясының бір бөлігіне кіреді.

Бұл арна әйгілі телемагнат Тэд Тернердің арқасында пайда болған. Тэд Тернердің 300 млн доллар қаражатын ол кезде әлі ешкім бағалай қоймаған мультфильмдерге жұмсағанын естіген талай адам оның бұл ұтымды қадамын түсінбестен сынға алған болатын.

Бірақ сол мультфильмдерді қаржылай қолдау нәтижесінде өткен ғасырдың аяғына қарай бұл сала 2 млрд. доллар пайда әкелді.

Телеарна мультипликациялар кейіпкерлерінің өзіндік үйіне айналды. Cartoon Network тәулік бойына көрермендерін өзінің «Dexter's Laboratory», The Powerpuff Girls, «Johnny Bravo», «Cow & Chicken», «Ed, Edd n Eddy» және «Samurai Jack» атты танымал шоуларымен демалдырып қана қоймай, The Cramp Twins, Skatoony, The Vbirds сынды анимацияның сапалы ең жаңа үлгілерін тамашалауға мүмкіндік береді. Қазіргі таңда арнаның 10 000-нан асатын танымал мультипликациялық фильмдер коллекциясы бар. Cartoon Network арнасы алғашқы хабарын 1993 жылдың 17 қыркүйегінде Еуропада бес тілде тарата бастаған еді. Cartoon-ның қатарына 2000 жылдың мамыр айында Великобританияда, Hanna-Barbera-ның классикалық танымал мультфильмдерін көрсететін Boomerang атты жаңа арна қосылды. Ал 2003 жылдың қыркүйегінде олардың қатарын Toonami атты ұл балаларға арналған тағы бір арна толықтырды. Cartoon Network әлемнің 22-ден астам тілінде трансляцияланады. Еуропа, Таяу Шығыс және Африканың спутниктік платформалары арқылы таралады. Бұл арнаны әлемнің 160 еліндегі 200 млн-нан астам жанұялар көреді.

Cartoon Network өз арнасының үздіксіз тіршілігін қамтамасыз ету үшін ірі маркетингтік жүмыстар атқарады. Мысалы, компания білімі, нашар тұрмыс, қоршаған ортаны қорғау, өнерді дамыту мәселелері бойынша көптеген қайырымдылық іс-шараларға ат салысып тұрды. Cartoon-ның бағдарламалық саясаты Hanna-Barbera, Warner Bros., MGM сынды әлемдік танымал топтармен бірлесіп жұмыс атқаруға бағытталған. Hanna-Barbera-мен бірлесе отырып Cartoon Network «Dino», «The Powerpuff Girls», «Yuckie Duck» секілді ұтымды анимациялық персонаждар жасады. Сонымен қатар, аудиториясын кеңейту мақсатында [cartoonnetwork.com] http://cartoonnetwork.com веб-сайтын жүргізіп отыр. Бертін келе сайт Ресейдің 670 000-нан астам адамы тіркелген танымал [tvidi.ru] http://tvidi.ru интернет-порталымен бірлесіп, интерактивті жоба ұйымдастырды. Бұл жоба арқылы ресейлік тұтынушылар арнаны тікелей тамашалап, танымдық сайыстарына қатысуға мүмкіндік алады.

Твиди.рудың бас директоры Олег Ульянский: «Менің балаларым Cartoon-ның мультфильмдерін көріп өсті. Сонымен қоса, осы мультфильмдердің арқасында олар ағылшын тілін үйренді, себебі «Samurai Jack», «Ed, Edd n Eddy» және «Корова в городе» мультфильмдерін ағылшын тілінде тамашалады. Осындай каналмен бірлесіп жұмыс атқару және өскелең ұрпақ үшін Cartoon Network-тың кейіпкерлерін жаңашалау мен үшін үлкен абырой» дейді.

Логотипі[өңдеу]

Телеканал 2 логотип ауыстырған болатын. Бертін келе үшінші логотипке ауысты.

  1. 1992 жылдың 1 қазанынан 2004 жылдың 13 маусымына дейінгі бірінші логотипі
  2. 2004 жылдың 14 маусымынан 2010 жылдың 31 наурызына дейінгі үшінші логотипі
  3. 2010 жылдың сәуірінен басталған жаңа логотипі.

Түсініктемелер[өңдеу]

  • Қазақ телевизиясы энциклопедиясы, 2-том.