Ernie Bot
| Ernie Bot | |
 | |
| Авторы | |
|---|---|
| Ашылған уақыты | |
| Қазіргі статусы |
жұмыс істеп тұр |
Ernie Bot (толық атауы — Enhanced Representation through Knowledge Integration)[1] — Baidu компаниясының жасанды интеллектке негізделген чат-бот қызметі. Жобаның әзірленуі 2019 жылдан бері жүргізіліп келеді. Қызметтің негізінде «Ernie 3.0-Titan» атты үлкен тілдік модель жатыр.
Тарихы
Чат-бот 2023 жылғы 17 наурызда жария етілді.[2][3][4] Бастапқыда оның ашық түрде таныстырылуы жоспарланған, алайда іс-шара ақырында жабық форматта өтті. Қоғамға боттың алдын ала жазылған жауаптары көрсетілген бейнероликтер ғана ұсынылды.[5]
2023 жылғы 25 маусымда Baidu чат-боттың базалық моделін 3.5-нұсқаға жаңартқанын хабарлады. Компанияның мәліметінше, қызмет бета-тестілеу барысында жоғары нәтиже көрсетіп, «кешенді бағалау бойынша» ChatGPT 3.5-тен озық болған.[6]
2023 жылғы қазанда Baidu World 2023 конференциясы барысында чат-боттың жаңа нұсқасы — Ernie 4.0 таныстырылды. Baidu бас директоры Робин Лидің айтуынша, бұл құрал «түсіну, генерациялау, пайымдау және есте сақтау көрсеткіштері айтарлықтай жақсарған толық жаңартудан өтті».[7][8]
Реакция
Baidu компаниясының нейрожелінің тікелей көрсетілімін өткізуден бас тартуынан кейін компания акциялары 10 %-ға төмендеді.[5] Алайда өнімнің қолжетімділігі кеңейген соң, оң пікірлер пайда бола бастады. Сервисті Citigroup және Bank of America мамандары сынақтан өткізді. Citigroup сарапшылары Ernie-дің жетілмеген тұстары болғанымен, ол күрделі және тіпті абсурд сұрақтарға жауап бере алғанын атап өтті. Bank of America аналитиктері де нейрожелінің бірқатар функцияларын сынап, чат-боттың жұмыс нәтижесіне қанағаттанған. Қарапайым пайдаланушылардың пікірінше, ChatGPT-мен салыстырғанда Ernie кейбір тапсырмаларды жақсы орындаса, кейбірінде әлсіздеу. Мысалы, ол қытай тілінен ағылшын тіліне аударуда жақсы нәтиже көрсеткенімен, ағылшын тілінен қытай тіліне аударуда төмен нәтиже көрсетті. Сондай-ақ ол бағдарламалық код жазуда америкалық баламасынан қалып қойды. Сервиске қатысты оң бағалардың көбеюінен кейін Baidu акциялары 14 %-дан астамға өсті.[9][10]
Дереккөздер
- ↑ Yang, Zeyi Chinese tech giant Baidu just released its answer to ChatGPT (16 наурыз 2023).
- ↑ Huang Baidu’s ChatGPT Rival Launches to Mixed Reviews.
- ↑ China's ChatGPT Black Market Is Thriving.
- ↑ Baidu Soars After Analysts Give Ernie A Thumbs-up After Test-run (17 наурыз 2023).
- ↑ a b Baidu отказалась от публичного запуска своего аналога ChatGPT и провела закрытую демонстрацию.
- ↑ Китайский чат-бот Ernie Bot опередил ChatGPT по комплексным оценкам (27 маусым 2023).
- ↑ "Китайская Google" создала аналог GPT-4 (18 қазан 2023).
- ↑ ERNIE от Baidu работает не хуже ChatGPT (18 қазан 2023).
- ↑ Китайский ИИ-бот Baidu Ernie получил положительные отзывы критиков — он хорошо переводит текст и отвечает на вопросы (орыс.) (17 марта 2023).
- ↑ Baidu Soars After Analysts Give Ernie a Thumbs-Up After Test-Run (ағыл.) (17 March 2023).