HSBC

Уикипедия — ашық энциклопедиясынан алынған мәлімет
Jump to navigation Jump to search
HSBC Holdings
Түрі

Көпшілік компания

Компанияның ұраны

"The Worlds Local Bank"

Құрылған жылы

1865

Орналасқан жері

 Ұлыбритания, Лондон

Басты адамдары

Стюарт Гулливер (атқарушы директор), Дуглас Флинт (директорлар кеңесінің төрағасы)

Саласы

Қаржы және сақтандыру

Операциялық кірісі

$45.215 млрд (2012)

Таза табыс

$16.944 млрд (2012)

Қызметкерлер саны

300000 (2012)

Сайты

www.kz.hsbc.com
www.hsbc.com  (ағыл.)

HSBC Holdings plc — әлемдегі ең ірі қаржы конгломераттарының бірі. Forbes журналының рейтингі бойынша, 2011 жылы компания капитализациясы бойынша Еуропада бірінші, ал әлемде екінші орында тұр.[1].

Штаб-пәтері — Лондон қаласында орналасқан.

Тарихы[өңдеу]

1865 жылы Гонконгта, Қытай және Еуропа арасындағы сауданы қаржыландыру үшін құрылған. Алғашқы кезде Hongkong and Shanghai Banking Corporation деп аталған. Ағылшын Midland банкін сатып алғаннан кейін, компанияның штаб-пәтері Лондон қаласына көшті.

Меншіктенушілер және басшылығы[өңдеу]

HSBC акцияларының көпшілігі еркін айналымда. Банкінің нарықтық капитализациясы 2008 жылдың 5 желтоқсанына қарай $123,9 миллиардты құрды. Банк директорлары кеңесінің төрағасы — Дуглас Флинт (Douglas Flint). Атқарушы директор — Стюарт Гулливер (Stuart Gulliver).

Қызметі[өңдеу]

Лондондағы Canary Wharf іскер кварталындағы банк штаб-пәтерінің ғимараты.

HSBC Еуропа, Азия-Тынық мұхит аймағы, Солтүстік және Оңтүстік Америка елдерінде, Таяу Шығыста және Африкада (барлығы әлемнің 85 елінде) өз қызметін көрсетеді. Банк - активтерді басқару, есептi операциялар, жобалық қаржыландыру сияқты, банктiк қызметінiң барлық бағыттарында жұмыс істейді Қызметкерлердің жалпы саны — 300 мың адам (2012 жыл).

2008 жылдың 30 маусымына қарай компанияның активтері $2,547 трлн құрады, капитал — $134 млрд, 2008 жылдың бірінші жарты жылында таза табысы — $8,3 млрд.

2007 жылдың басына қарай HSBC капиталдың көлемі бойынша ($87,8 млрд) әлемде 3-ші орынды иемденді және 5-ші — активтер бойынша ($1,9 трлн). 2005 жылыдың нәтижесі бойынша түскен түсім $61,7 млрд құрады.

2008 жылдың сәуірінде Forbes журналының рейтингі бойынша — әлемнің ең ірі 2000 компаниялар тізімінде (The Global 2000), HSBC Holding 1-ші орынды иемденді. Бес жылдың ішінде компанияның табысы 26 % өсті, HSBC Holdings активтері $2,3 трлн құрайды.

2010 жылы Global Finance журналымен жарияланған әлемнің ең сенімді 50 банктерінің тізімінде, HSBC 19-шы орынға орналасты — британдық банктерінің ішінде ең жоғарғы көрсетілген нәтиже.

Дереккөздер[өңдеу]

  1. The Global 2000's Top 25

Сыртқы сілтемелер[өңдеу]

Ортаққорда бұған қатысты медиа санаты бар: HSBC