KAZ Minerals

KAZ Minerals PLC
Түрі	қоғамдық компания
Биржадағы листингі	KASE: GB_KZMS LSE: KAZ
Құрылды	2014
Орналасуы	Ұлыбритания: Лондон  Қазақстан: Алматы
Басты адамдары	Олег Новачук (директорлар кеңесінің төрағасы), Эндрю Саузам (басқарма төрағасы)
Саласы	тау-кен өндірісі
Өнімі	мыс, мырыш, күміс, алтын
Айналым	▲ $2,355 млн (2020)
Операциялық кірісі	▲ $1,005 млн (2020)
Таза табыс	▲ $639 млн (2020)
Қызметкерлер саны	▲ 15 000 адам (2021)
Сайты	kazminerals.com

KAZ Minerals (KASE: GB_KZMS) — Қазақстанда қазіргі заманғы аз шығынды тау-кен өндірістерін дамытуға бағдарланған мыс өндіруші компания. Топтың акциялары Лондон және Қазақстан қор биржаларында бағаланады. Компания Шығыс Қазақстан облысында жұмыс істеп тұрған үш кеніш пен екі байыту фабрикасына, Қырғызстандағы Бозымшақ мыс кен орнына және үш өсу жобасына ие: Бозшакөл, Ақтоғай және Көксай.

Тарихы

Топ өз қызметін 1930 жылдары Қазақстанда мыс өндіруші кәсіпорын ретінде бастаған болатын. 1991 жылы Қазақстан тәуелсіздік алғаннан кейін Топ жекешелендіріліп, ал 2005 жылы Лондон қор биржасында тіркелген болатын. 2014 жылы қайта ұйымдастырылғаннан кейін Топ атауы KAZ Minerals деп ауыстырылып, қазіргі кезде Қазақстанның ең ірі мыс өндіруші кәсіпорындарының біріне айналды. KAZ Minerals акциялары биржада бағаланған кезде ең жоғары өсу қарқынына қол жеткізіп, әлем бойынша шығыны ең аз мыс өндіруші кәсіпорындардың біріне айналды. 2021 жылдың сәуір айында Топты Nova Resources BV компаниясы сатып алды, ал 2021 жылғы 11 мамырда Топ Лондон және Қазақстан қор биржаларының тізілімінен шығарылды.