Jibek Joly TV (бұрынғы атаулары CaspioNet, Qazaq TV) — Қазақстан Республикасы Президенті телерадиокешенінің ақпараттық-танымдық телеарнасы. Тәулік бойы екі нұсқада ұлттық (Jibek Joly брендімен) қазақ және орыс тілінде және халықаралық (Jibek Joly World брендімен) қазақ, орыс, ағылшын, қырғыз және өзбек тілдерінде хабар таратады. Хабар тарату Астана қаласынан HDTV стандартында, 16:9 форматында "Қазмедиа орталығынан" жүргізіледі.
«Jibek Joly TV» телеарнасын Еуропа, Орталық Азия, Таяу Шығыс және Африканың солтүстік бөлігінің тұрғындары көре алады. Көрермендер саны 99 миллионға жуық.[1]
Jibek Joly TV телеарнасы CaspioNet деген атаумен өзінің ақпараттық қызметін 25 қазан 2005 жылы бастады. «Jibek Joly TV» арнасының көрермендері Қазақстандағы саясат, экономика, спорт, мәдениет туралы мәлімет біле алады.[1]