Леди Гага

Уикипедия — ашық энциклопедиясынан алынған мәлімет
(Lady Gaga бетінен бағытталды)
Навигацияға өту Іздеуге өту
Леди Гага
Lady Gaga
Сурет
Негізгі ақпарат
Толық аты

Стефани Джоанн Анджелина Джерманотта

Туған күні

28 наурыз 1986 (1986-03-28) (37 жас)

Туған жері

Нью-Йорк[1], АҚШ

Белсенділік жылдары

2005 — осы уақытқа дейін

Мемлекет

 АҚШ

Мамандықтары

Әннің авторы
әнші
биші
диджей

Жанрлары

поп, электропоп

Қызметтес болған

Colby O`Donis, Бейонсе, Flo Rida, RedOne, Джастин Тимберлейк, Space Cowboy, Tony Bennett, The Lonely Island, Wale, Akon

Лейблдері
ladygaga.com  (ағыл.)

Сте́фани Джоа́нн Анджели́на Джермано́тта (ағылш. Stefani Joanne Angelina Germanotta[2], 1986 жылдың 28 наурызында дүниеге келген.[3]), Леди Гага лақап есімімен әйгілі (ағылш. Lady Gaga) — америкалық әнші, биші, диджей, сазгер.

5 Грэмми сыйлығы, 30 MTV сыйлығы, Эмми сыйлығының иегері, Мадоннаның, Майкл Джексонның глэм-рок, диско, электро, R&B әсері біріккен би поп-әуенің орындаушы [4]. Леди Гага Twitter әлеуметтік желісінде фоллоуерлері, яки оқырмандары ең көп аккаунт иесі болып табылады. 22.12.2012 жағдайы бойынша оның 32 337 675 оқырманы болған.[5]

Оның The Fame (2008) атанған дебюттік альбомі халықаралық хитке айналды. Ондағы «Just Dance» синглы 2008 жылдың жазында АҚШ пен Канада хит-парадында алдыңғы орындарды иеленді. Ал 2009 жылдың 11 қаңтарында Ұлыбританияда бірінші орынға көтерілді.[6]. 2011 жылдың қарашасында Леди Гага синглдары мен альбомдарының сатылуы 100 миллионнан асып түсті.[7]. Леди Гага (Стефани Джерманотта) есімі Джоанны Стефани Джерманотта әпкесінің құрметіне қойылған.

Өмірбаяны[өңдеу | қайнарын өңдеу]

Стефани Джоанн Анджелина Джерманотта Нью-Йоркте дүниеге келген [1], итальяндық Джозеф (Джузеппе) және Синтия Джерманоттаның жанұясында тұңғышы болған[8]. Стефаниде Натали есімді кіші сіңлісі бар. Балалық шағынан бастап әуенмен шұғылданған, ал 4 жасында өздігінен фортепианода ойнауды үйренді. Көп кешікпей Майкл Джексон мен Синди Лаупердің өлеңдерін таспалы үнжазбаға жаза бастады. Әуенге деген құштарлығы оған бір жағынан ата-анасынан берілді:

Әкем Нью-Джерсиде дүниеге келген, жағажайлық клубтардағы ансамблдерде ойнады. Бір сөзбен айтқанда, Брюс Спрингстинтей болғысы келді. Сондықтан әуен менің бойымда дарыған, мені ата-анам еңбекқор етіп өсірді. Мен қорқу дегенді білмейтін қыз болып өстім. Өмірде қанша сүрінсем де, қайта аяғымды нық бастым.

— Lady GaGa "Mail" газетіне сұхбат беруінде[9]

Кейбір қыздар маған қастықпен қарады. Олар мені күлкі қылды, өйткені мен барлығынан өзгеше болып киіндім және әлдеқашан топтарда өнерімді көрсетіп жүрдім. Олар менің бұл нәрсеге неге сонша құштарлы екендігімді түсіне алмады. Кейде маған бар назар аударылатын, өйткені мен әрбір кештің жұлдызы болатынмын.

— Lady GaGa[9]

Орта мектепті бітірген соң Стефани Нью-Йорк университетіне (Tisch School of the Arts) оқуға түседі. 14  жасында ол Bitter End деп аталатын Нью-Йорк клубының сахнасында ән айтып жүрді. Сондай-ақ Regis High School Repertory мектебіндегі (оның ролінің бірі – «Ревизор» комедиясындағы Анна Андреевна ролі) театрлық сахнасында және Regis Jazz Band ансамблеясы құрамында ойнады. Он бес жасында Стефани Нью-Йорктік даунтаунда Mackin Pulsifer және SGBand топтарымен көріне бастады. Осы жерде өзін қоршаған музыканттардың ықпалымен ол «андерграундтық рок-н-роллде арандатушылық іс әрекеттер» жасауды шешеді. Клубтарда Стефани өзіне назар аударту үшін жылтырақтары бар бикини мен мини-шортыларда сахнаға шықты, шашқа арналған лакті өртеп жіберді және қатысып отырғандарды қорқытты.[10].

«Менің үстімде қабылан түс түрлерінің үйлесімі, шашым Эми Уайнхаустың шашындай болды, мен өлең айтып, фортепианода ойнадым, ал шаштарымның арасында орхидеялар болды», - деп ол есіне түсіреді.[9]. Стефанидің әкесі қызмет аясы бойынша антрепренёр, қызының Төмеңгі Ист-Сайд клубындағы трансвеститтермен және бишілермен бірге бурлеск-шоуға барып жүргендігін естіп ұятқа қалған. «Әкем бірнеше айлар бойы менің көзіме қараудан қашқақтаған», - дейді Стефани.[10]. Сол жылдары Леди Гаганың «фэшн-иконаларының» қатарында Пегги Банди және Донателла Версаче болған.[10].

Леди Гаганың ертеректегі қойылымдарының бірі

Музыкалық мансаптың басталуы[өңдеу | қайнарын өңдеу]

2006 жылы Стефани музыкалық продюсер Роб Фьюзаримен бірге жұмыс жасай бастайды. Онымен бірге бірнеше өлең жазады: олар Стефанидің репертуарына енеді және даунтаун клубтарында атағы шығады: «Beautiful, Dirty, Rich», «Dirty Ice Cream», «Disco Heaven». Осы кезде ол бірінші рет Lady GaGa (Queen-нің «Radio Ga Ga» атты өлеңінен) лақап атын қолданады. Роб Фьюзари оны: «бұл Фредди Меркьюри қолданған қисаюы мен тұру қалпына ұқсас», - дейді.[10]. Өзінің бірінші келісім-шартын Леди Гага Def Jam – мен жасасады, бірақ оны 9  айдан соң жоғалтады. Бір жылдан кейін оны музыкалық функционер Винсент Херберт байқайды, ал 2008 жылы Interscope Records лейблына бастапқыда өлеңдердің авторы ретінде жаздырады. Lady GaGa материалдарын Ферги, Pussycat Dolls, Бритни Спирс и New Kids on the Block секілді орындаушылар қолданған. Кейіннен Pussycat Dolls – пен ынтымақтастықта болу ол үшін қандай маңызда болғандығы туралы сұраққа ол: «Әрине, біріншіден маған іш киім киген қыздар өте қатты ұнайды...» - деп жауап қайтарды. <Одан басқа,> оларға арнап әуендерді жазу жұмыстары авторлық салада біліктілігімді шыңдауға себепші болды.[11].

Леди Гаганың вокалдық және театралдық көрсеткіштері әсер еткендердің қатарында репер Эйкон да болды. Ол Леди Гаганың демо-таспасын тыңдай отырып, оны Kon Live Records лейбліне жаздырды. «Бір жағынан ол маған барлық жұмысты шайнап бергендей болды, екінші жағынан аяғымнан тік тұруға көмек берді»»[11], — деп айтты ол кейіннен.

Сол күндері Леди Гага перформанс-әртіс Lady Starlight – пен таңысады. Аталған тұлғаның кейбір идеяларын Леди Гага өзінің сахналық бет-бейнесің жасау кезінде қолданды. Дуэт атап айтқанда, «Lady GaGa and The Starlight Revue» жобасы (1970 жылдар стиліндегі ретро-варьете) секілді ынтымақтастыққа бел буған. Онда Леди Гага синтезаторда ойнайды. Дәл осы күндері Леди Гага кейін әйгілі болған қағиданы құрды: «Менің барлық өлеңдерім көйлектерге сараланып жазылады». «Көйлек бұл жерде өзіндік бір метафора: менің айтқым келгенді бұл – әрбір өлеңімнің барлығына сараланып тұрғаны, яғни, менің қиялымда толық аудио- және визуалды әшекейлеу құрылады» [11], — деп түсіндірді ол.

2008: The Fame[өңдеу | қайнарын өңдеу]

Жаңа жұлдыздың The Fame альбомы 2008 жылы жарыққа шығады. Осы альбомінің арқасында танымал шет елдерге танымал бола бастады. Альбомның ең алғашқы синглы Just Dance әні. Ол 2008 жылдың сегізізнші сәуірінде жарыққа шықты. Және тағы да басқа Poker Face, Paparazzi, LoveGame синглдары бар. Бір жағынан, Гаганың The Fame эрасындағы стилі қазіргісінен қатты өзгеше деуге болады.

Леди Гага клавитарада Money Honey әнін Лондондағы The Fame Ball атты турнесінде орындауда.

The Fame Monster[өңдеу | қайнарын өңдеу]

Кейінірек 2009 жылы эпатажды жұлдыздың тағы бір альбомы The Fame Monster шықты. The Fame Monster сөзі атақ монстры немесе атақ құбыжығы дегенді білдіреді. Мұнысымен Леди Гага өзінің атақты қатты көксейтінін айтқысы келді. Бұл альбомды Гаганың жанкүйерлері The Fame альбомының жалғасы ғана болады деп күткен болатын. Бірақ негізінде бұл тіптен өзгеше альбом болып шықты. Альбомның алғашқы синглы Bad Romance әні болды. Ол Канада мен Бельгиядағы чартта бірінші орынға иеленді. Альбомның екінші синглы Telephone әні еді. Бұл ән Бейонсе әншісімен дуэт ретінде шықты.

Жеке өмірі[өңдеу | қайнарын өңдеу]

2015 жылы 14 ақпанда, Әулие Валентин күні Леди Гага сүйіктісінің Тейлор Киннидің ұсынысын қабылдады. Екеуі 2011 жылы You and I бейнебаянның түсірілімінде танысқан. 2016 жылы шілдеде екеуі айырылысқанын Гага жариялаған. 2017 жылдың ақпанында Леди Гага өзінің агенті Кристиан Кариномен жүріп жатқаны белгілі болды.

Дереккөздер[өңдеу | қайнарын өңдеу]

  1. a b «Lady Gaga: ready for her close-up », Times Online (22.2.09)  (ағыл.). В интервью Джея Лено бағдарламасында Нью-Йорк штатындағы Йонкерс қаласында дүниеге келгендігі туралы өсек жоққа шығарды.
  2. Lady Gaga. Viewable presentation  (ағыл.). — www.docstoc.com. Тексерілді, 13 қараша 2009.
  3. Lady GaGa — Biography  (ағыл.) Мұрағатталған 6 мамырдың 2015 жылы.
  4. Jason Birchmeier Lady Gaga. allmusic.com. Тексерілді, 13 қараша 2009.
  5. [1]
  6. Lady gaga  (ағыл.). — www.chartstats.com. Басты дереккөзінен мұрағатталған 30 маусым 2012. Тексерілді, 13 қараша 2009.
  7. Kot, Greg Album review: Lady Gaga, 'Born This Way'. Chicago Tribune (20 мамыр 2011). Тексерілді, 28 шілде 2011.
  8. Where are Lady Gaga's parents from?  (ағыл.). — www.chacha.com. Тексерілді, 13 қараша 2009.
  9. a b c Why the world is going gaga for electro-pop diva Stefani
  10. a b c d Биография на официальном сайте  (ағыл.) Мұрағатталған 3 ақпанның 2009 жылы.
  11. a b c Lady Gaga interview Мұрағатталған 8 шілденің 2012 жылы.