Sgt. Pepper’s Lonely Hearts Club Band

	Sgt. Pepper’s Lonely Hearts Club Band
The Beatles Студиялық альбом
Шығарылған күні	1967
Жазылған күні	1966 — 1967
Жазылған орны	Abbey Road Studios
Жанры	Психоделиялық рок; Арт-рок; Поп-рок
Ұзақтығы	39:52
Продюсері	Джордж Мартин
Ел	Ұлыбритания
Өлеңдердің тілі	Ағылшын
Лейблі	Parlophone (Ұлыбритания); Capitol Records (АҚШ)
Кәсіби пікірлер
	AllMusic ; Rolling Stone ; Pitchfork 10/10; The Daily Telegraph ;
The Beatles хронологиясы

Sgt. Pepper’s Lonely Hearts Club Band — британдық The Beatles рок тобының сегізінші студиялық альбомы. Альбом 1967 жылы 26 мамырда Ұлыбританияда және 1967 жылы 2 маусымда АҚШ-та Parlophone және Capitol Records лейблдері арқылы жарық көрген. Sgt. Pepper барлық уақыттағы ең көп сатылған және ең танымал музыкалық альбомдардың бірі болып саналады; ол психоделиялық рок пен концептуалды альбом жанрларының дамуына зор үлес қосып, музыка индустриясында нағыз мәдени төңкеріс жасады.

Сыншылар бұл туындыны ән жазу, продюсерлік жұмыс және графикалық дизайн саласындағы жаңашыл тәсілдері үшін жоғары бағалады. Сонымен қатар альбом поп-музыка мен жоғары өнер арасындағы мәдени шекараны жойып, жастар мен контркультура өкілдерінің мүдделерін айқын көрсете білді.

«Sgt. Pepper»-дің жарық көруі бұқаралық мәдениеттегі шешуші сәт болып, «альбомдар дәуірі» мен «махаббат жазының» (Summer of Love) басталуына негіз болды. Альбомға деген зор ілтипат поп-музыканың мәдени мәртебесін бекітіп, жанрдың жеке өнер түрі ретінде танылуын қамтамасыз етті. Атлант мұхитының екі жағында да бірдей трек-листпен шыққан The Beatles алғашқы альбомы ретінде ол британдық Record Retailer чартында 27 апта, ал америкалық Billboard тізімінде 15 апта бойы көш бастады.

1968 жылы бұл жазба төрт «Грэмми» сыйлығын, соның ішінде «Жыл альбомы» номинациясын жеңіп алып, бұл санатта топ жарған алғашқы рок-альбом атанды. 2003 жылы «мәдени, тарихи немесе эстетикалық маңыздылығы» үшін «Sgt. Pepper» АҚШ-тың Ұлттық дыбыс жазу тізіліміне енгізілді.

Ол музыка индустриясындағы ең үздік альбом атағы үшін өткізілген бірнеше сауалнамада (сыншылар және қарапайым әуесқойлар арасында да) көш бастады. Олардың қатарында Rolling Stone бойынша «Барлық уақыттың 500 ұлы альбомы», «Барлық уақыттың 1000 үздік альбомы» және «Мыңжылдық музыкасы» сияқты беделді тізімдер бар. 2017 жылғы жағдай бойынша «Sgt. Pepper» тиражы 32 миллионнан астам дананы құрады. Ол барлық уақыттағы ең көп сатылған альбомдардың бірі болып қала береді және елу жыл өтсе де Ұлыбританиядағы ең жоғары тиражға ие туынды мәртебесін сақтап тұр.

2017 жылы альбомның дыбысы қайта өңделген материалдардан тұратын кеңейтілген мерейтойлық басылымы жарық көрді.

Әндер тізімі

Барлық әндердің авторлары — Леннон — Маккартни, тек «Within You Without You» әнінің авторы — Джордж Харрисон. Тректердің ұзақтығы мен негізгі вокалдар Марк Льюисон мен Иэн Макдональдтың деректері бойынша берілген.

Бірінші жағы
№	Атауы	Негізгі вокал	Ұзақтығы
1.	«Sgt. Pepper's Lonely Hearts Club Band»	Маккартни	2:00
2.	«With a Little Help from My Friends»	Старр	2:42
3.	«Lucy in the Sky with Diamonds»	Леннон	3:28
4.	«Getting Better»	Маккартни	2:48
5.	«Fixing a Hole»	Маккартни	2:36
6.	«She's Leaving Home»	Маккартни, Леннонмен бірге	3:25
7.	«Being for the Benefit of Mr. Kite!»	Леннон	2:37
19:36

Екінші жағы
№	Атауы	Негізгі вокал	Ұзақтығы
1.	«Within You Without You»	Харрисон	5:05
2.	«When I'm Sixty-Four»	Маккартни	2:37
3.	«Lovely Rita»	Маккартни	2:42
4.	«Good Morning Good Morning»	Леннон	2:42
5.	«Sgt. Pepper's Lonely Hearts Club Band (Reprise)»	Леннон, Маккартни, Харрисон және Старр	1:18
6.	«A Day in the Life»	Леннон, Маккартнимен бірге	5:38
20:02

Жазбаға қатысқандар

The Beatles

Джон Леннон – негізгі, гармониялық және қосалқы вокал; ритм-гитара, акустикалық және соло-гитара; Хаммонд органы, соңғы пианинодағы ми-мажор (E) аккорды; ерін гармоникасы, таспалық ілмектер, дыбыстық эффектілер, тарақ пен жұқа қағаз; қол шапалақтау, тамбурин, маракастар, «Fixing a Hole» әніндегі бас-гитара.
Пол Маккартни – негізгі, гармониялық және қосалқы вокал; бас-гитара және соло-гитара; пианино, рояль, Lowrey және Хаммонд органдары; қол шапалақтау; вокализдер, дыбыстық эффектілер, тарақ пен жұқа қағаз.
Джордж Харрисон – гармониялық және қосалқы вокал; соло-гитара, ритм-гитара және акустикалық гитара; ситар, тамбура, свармандал;^[4] ерін гармоникасы, тарақ пен жұқа қағаз; қол шапалақтау, тамбурин, маракастар; «Within You Without You» әніндегі негізгі вокал.
Ринго Старр – соқпалы аспаптар, конга, тамбурин, маракас, қол шапалақтау, Түтікшелі қоңыраулар; «With a Little Help from My Friends» және «Sgt. Pepper's Lonely Hearts Club Band (Reprise)» әндеріндегі негізгі вокал;^[5] ерін гармоникасы, тарақ пен жұқа қағаз; соңғы пианинодағы ми-мажор (E) аккорды.

Қосымша музыканттар мен өндіріс

Sounds Inc. – «Good Morning Good Morning» әніндегі саксофондар, тромбондар және француз горны (валторна).
Нил Аспиналл – тамбура, ерін гармоникасы.
Джефф Эмерик – дыбыс инженері; таспалық ілмектер, дыбыстық эффектілер.
Мэл Эванс – кері санақ, ерін гармоникасы, оятқыш сағат, соңғы пианинодағы ми-мажор (E) аккорды.
Джордж Мартин – продюсер, дыбыс режиссері; таспалық ілмектер, дыбыстық эффектілер; «Fixing a Hole» әніндегі клавесин, фисгармония, Lowrey органы, металлофон және Меллотрон («Being for the Benefit of Mr. Kite!» әнінде), «With a Little Help from My Friends» әніндегі Хаммонд органы, «Getting Better» әніндегі пианино, «Lovely Rita» әніндегі пианино солосы; соңғы фисгармония аккорды.

Сессиялық музыканттар

«Sgt. Pepper's Lonely Hearts Club Band» әніндегі төрт француз горны (валторна): Нил Сандерс, Джеймс У. Бак, Джон Берден, Тони Рэндалл (аранжировкасы мен дирижерлығы: Мартин және Маккартни).
«She's Leaving Home» әніндегі арфа (Шейла Бромберг) және ішекті аспаптар секциясы (аранжировкасы: Майк Линдер, дирижерлығы: Мартин).
«Within You Without You» әнінде: Табла (Натвар Сони), Дилруба (Анна Джоши және Амрит Гаджжар) және тамбура (Буддхадев Кансара). Сондай-ақ сегіз скрипка және төрт виолончель (аранжировкасы мен дирижерлығы: Харрисон және Мартин).
«When I'm Sixty-Four» әніндегі кларнет триосы: Роберт Бернс, Генри Маккензи, Фрэнк Рейди (аранжировкасы мен дирижерлығы: Мартин және Маккартни).
«Good Morning Good Morning» әніндегі саксофондар (аранжировкасы мен дирижерлығы: Мартин және Леннон).
«A Day in the Life» әніндегі қырық адамнан тұратын оркестр (ішекті, мысты үрмелі, ағаш үрмелі және соқпалы аспаптар); аранжировкасы: Мартин, Леннон және Маккартни; дирижерлығы: Мартин және Маккартни.

Сертификаттау

Ел	Мәртебесі	Сатылымы
Аустралия^[6]	4× Платиналы	280,000^
Аргентина^[7]	2× Платиналы	120,000^
Аргентина^[7] (1987 жылғы қайта басылымы)	3× Платиналы	180,000^
Бразилия^[8]	Алтын	290,000^[9]
Ұлыбритания^[10]	18× Платиналы	5,400,000‡
Германия^[11]	Платиналы	500,000^
Дания^[12]	3× Платиналы	60,000‡
Канада^[13]	8× Платиналы	800,000^
Италия^[14] (2009 жылғы қайта басылымы)	Платиналы	50,000‡
Жаңа Зеландия^[15]	6× Платиналы	90,000^
АҚШ^[16]	11× Платиналы	11,000,000^
Франция^[17]	Алтын	100,000*
Жапония	—	208,000
Жалпы сатылымы
Ел	Мәртебесі	Сатылымы
Әлем бойынша	—	32,000,000^[18]
* сатылым деректері тек сертификаттауға негізделгенін білдіреді ^ жөнелтілім деректері тек сертификаттауға негізделгенін білдіреді ‡ сатылым+стриминг деректері тек сертификаттауға негізделгенін білдіреді