Sum 41

Sum 41(«сам фоти-уан» деп оқылады) – Эйджакс қаласының канадалық панк-рок-тобы. Ресми түрде топ 1996 жылы ашылған. Қазіргі топ құрамына Дерик Уибли (вокал, ырғақты гитара, пернелі), Джейсон МакКэслин (бас-гитара, бэк-вокал), Том Такер (соло-гитара, бэк-вокал, пернелі), Дэйв Бэкш (соло-гитара, бэк-вокал) және Фрэнк Зуммо (дағыра, бэк-вокал) кіреді. 2013 жылы сәуірде Стив Джож атты дағырашы топтағы мансабын тоқтатты, 2015 жылы жазда топқа жаңа қатысушы ретінде Фрэнк Зуммо келді. Топ жақында топ құрамына Зуммоның орнына Goldfinger тобының Даррин Пфайфер атты қатысушысы келеді деп айтып кеткен.

Топ 1999 жылы Island Records лейблымен келісімшартқа отырғалы бері 5 студиялық альбомын, 3 концерт альбомын, 2 концерт DVD-ін және 15-тен астам сингл шығарды. Альбомдардың жиынтық сатылымы 10 млн көшірмені құрады. Қазірде "All Killer No Filler" топтың ең сәтті шығарылған альбомы болып табылады. Альбом Канадада үш рет, АҚШ-та бір рет платиналық атанды. «In Too Deep» синглы Billboard чартында 10-орынға тоқталды.