Talan Towers

Уикипедия — ашық энциклопедиясынан алынған мәлімет
Навигацияға өту Іздеуге өту
Talan Towers
Ғимараттың үлкен жетістігі

Қазақстандағы алғашқы "жасыл" ғимарат

Жалпы мәлімет
Түрі

көп салалы

Орналасуы

 Қазақстан, Астана

Құрылысы басталды

маусым 2013

Ашылған уақыты

~2016

Биіктігі

145 м (бизнес орталық)
119 м (мейманхана)

Техникалық сипаттамасы
Қабаттар саны

30 (бизнес орталық)
25 (мейманхана)

Ғимараттың ішкі ауданы

37 000 м² (бизнес орталық)
23 000 м² (мейманхана)

Дизайны мен құрылымы
Сәулетшісі

SOM (Skidmore, Owings & Merrill LLP)

Картада орналасуы
Talan Towers (Қазақстан)
Talan Towers

Координаттар: 51°07′29″ с. е. 71°25′55″ ш. б. / 51.12472° с. е. 71.43194° ш. б. / 51.12472; 71.43194 (G) (O) (Я)

Talan Towers — Қазақстанның Астана қаласында орналасқан қоғамдық- іскерлік кешен. Кешен подиумнан және ішінде кеңселер, сауда орындары, қонақ үй мен тұрғын жайлары бар екі зәулім ғимараттан тұрады. 30 қабатты Talan Towers Offices зәулім ғимаратында бизнес орталық, ал 25 қабатты ғимаратта The Ritz-Carlton, Astana қонақ үйі мен резиденциялар орналасқан. Екі ғимарат өзара сауда галереясымен қосылған. Жалпы аумағы — 106 194 м². Қазақстанның «Верный Капитал» компаниялар тобының тапсырысы бойынша салынып, 2017 жылы ашылған.

2018 жылғы наурызда жоба LEED GOLD сертификатын алды.

Тарихы[өңдеу | қайнарын өңдеу]

Talan Towers көпфункциялы кешенінің құрылысына дайындық жұмыстары 2012 жылы басталды.[1] 2013 жылдың 18 маусымында іргетасы қаланды.[2][3] Құрылыс жұмыстары екі кезеңмен жүргізілді: бірінші кезеңі 2016 жылы күзде, ал екіншісі — 2017 жылы көктемде аяқталды. 2017 жылдың 3 маусымында The Ritz-Carlton, Astana қонақ үйінің ғимараты ашылды.[4][5] Ал 2017 жылдың қыркүйегінде Talan Towers Offices бизнес орталығының зәулім ғимараты ашылды.[6][7]

2018 жылдың 15 наурызында Talan Towers LEED халықаралық сертификатын GOLD санаты бойынша алды.[8][9]

2019 жылдың қыркүйегінде Talan Towers Executive Hub кеңселік кеңістігінің тұсаукесері болып өтті.[10] Кейінірек, тағы осы айда Talan Gallery атты үш қабатты сауда галереясы ашылды. Ол Talan Towers сәулеттік кешенінің бір бөлігі болып табылады.[11]

2019 жылдың 13 қарашасында Talan Towers ғимараттарында Tesla Supercharger зарядтау қондырғылары орнатылды. Бұл Tesla компаниясының ТМД аумағындағы ресми түрде ұсынылған ең бірінші зарядтау қондырғылары.[12]

Сәулеті мен дизайны[өңдеу | қайнарын өңдеу]

Жобаны жүзеге асыруға 100 шақты компания қатысты, олардың арасында дизайнерлік бюролар, кеңесшілер мен мердігерлер бар. Құрылыс жұмыстарына қатысушыларды үйлестірумен АҚШ-тың Turner International компаниясы айналысты. Talan Towers ғимараттарының сәулетттік концепциясын АҚШ-тың SOM (Skidmore, Owings & Merrill) компаниясы жасады, ол Біріккен Араб Әмірліктеріндегі Бурдж-Халифа, АҚШ-тағы John Hancock Center, Трамп-тауэр, сондай-ақ World Trade Center және Freedom Tower зәулім ғимараттарының жобасын жасаған. Ғимараттарды тұрғызумен Renaissance, Metal Yapi, KONE, KUKBO, «Энергопроект» және «Элит Констракшн» құрылыс компаниялары айналысты. Кешен нысандарының дизайнын жасауға бірден бірнеше компания атсалысты: Pringle Brandon Perkins + Will, Callison и Richmond International. Talan Towers ғимараттарының ішкі әрлеу жұмыстарына Италия, Испания, Бельгия, Германия, Қытай, Түркия мен Үндістанның карьерлерінен әкелінген табиғи тастардың 56 түрі пайдаланылды. Олардың арасында юра дәуірінің «Лаймстоун» тастары, Sahara Noir, Perlato Bianco, Bianco Carrara, Crema Marfi және Calacatta мәрмәр тастары бар.

Сипаттамалары[өңдеу | қайнарын өңдеу]

Talan Towers кешені өзара сауда галереясымен қосылған екі зәулім ғимараттан тұрады. — 106 194 м².

Talan Towers Offices[өңдеу | қайнарын өңдеу]

Talan Towers Offices аталатын бірінші ғимараттың биіктігі 145 м және 30 қабаттан тұрады. Бизнес орталықтың жалпы аумағы 31 908,3 м2. Talan Towers Offices ғимаратында жылуды сақтайтын жасыл шатыр технологиясы, су үнемдеу және тамшылатып суару, жасыл желекті суару үшін жаңбыр суын қайталап пайдалану жүйелері, күн қуатымен жұмыс істейтін батареялар қолданылады. Сонымен қатар құрылыс жұмыстары кезінде ғимарат ішіндегі температура мен жарықты оңтайландыруға арналған қуат үнемдеуші әйнек пайдаланылған.

The Ritz-Carlton, Astana[өңдеу | қайнарын өңдеу]

Екінші зәулім ғимарат — The Ritz-Carlton, Astana қонақ үйі 25 қабатты мұнараның 17 қабатын иемденеді және 157 бөлмеден, Mokki және Selfie Astana мейрамханаларынан, Mokki Cafe, Өzen лобби-лаунж, The Ritz-Carlton SPA, Astana және аумағы 1400 м² астам мәжіліс залдарынан тұрады. The Ritz-Carlton, Astana ғимаратының жоғарғы жеті қабатын The Ritz-Carlton Residences, Astana атты 27 резиденция иемденіп жатыр

Паркинг[өңдеу | қайнарын өңдеу]

Talan Towers ғимараттарында екі қабатты автотұрағы бар және олар 550 орынға есептелген.

Фотогалерея[өңдеу | қайнарын өңдеу]

Тағы қараңыз[өңдеу | қайнарын өңдеу]

Дереккөздер[өңдеу | қайнарын өңдеу]

  1. Ерлан Оспанов о Talan Towers: Мы пожертвовали своими амбициями ради удобства будущих посетителей (6 июля 2017). Тексерілді, 30 сәуір 2020.
  2. Софья Пашкова В Астане построят первый «зеленый» многофункциональный комплекс премиум-класса. Vласть (18 Июня 2013). Тексерілді, 30 сәуір 2020.
  3. В Астане заложен первый камень в строительство первого в Казахстане «зеленого» комплекса, Казинформ (18 Июня 2013). Тексерілді 30 сәуірдің 2020.
  4. В Астане открылся первый отель The Ritz-Carlton. GQ (12 июля 2017). Тексерілді, 30 сәуір 2020.
  5. В Астане открылся отель The Ritz-Carlton. Vogue (24 ИЮЛЯ 2017). Тексерілді, 30 сәуір 2020.
  6. Ailana Auari Презентация “зеленого” бизнес-центра “Talan Towers” в Астане. Medium (3 октября 2017). Тексерілді, 30 сәуір 2020.
  7. Офисное здание Talan Towers: когда ценят не только технологии, но и атмосферу (29 сентября 2017). Тексерілді, 30 сәуір 2020.
  8. Talan Towers получил международный сертификат LEED в категории GOLD (26 Апреля 2018). Тексерілді, 30 сәуір 2020.
  9. Первое LEED Gold-здание в Казахстане. Forbes Kazakhstan (02 мая 2018). Тексерілді, 30 сәуір 2020.
  10. Капсула сна, фитнес-зона, климат-контроль и лаунж. Офис, в котором хочется жить. Tengrinews.kz (23 сентября 2019). Тексерілді, 30 сәуір 2020.
  11. Talan Gallery открылось в Нур-Султане. Курсив (1 ноября 2019). Тексерілді, 1 мамыр 2020.
  12. В столичном Talan Towers презентовали шесть сверхбыстрых зарядных станций TESLA. Esquire Kazakhstan (18 НОЯБРЯ 2019). Тексерілді, 30 сәуір 2020.

Сілтемелер[өңдеу | қайнарын өңдеу]