Termincom
Навигацияға өту
Іздеуге өту
| Termincom.kz | |
| URL | |
|---|---|
| Сайттың түрі |
ақпараттық-анықтамалық жүйе |
| Тіл(дер)і |
қазақ, орыс |
| Иесі |
Тіл саясаты комитеті
|
| Ашылған уақыты |
2016 |
Termincom — қазақ терминологиясы жайлы толық мәлімет беретін сайт. Сайт Қазақстан Республикасы Үкіметінің жанындағы терминологиялық комиссия бекіткен терминдерді пайдалану үшін, салааралық терминологиялық қорды біріздендіру және жетілдіру үшін пайдаланылады. Сайт 2016 жылы 20 қазаннан бастап іске қосылған.
Сайт құрылымы[өңдеу | қайнарын өңдеу]
- Термин;
- Алаң;
- Мақалалар;
- Кітаптар;
- Библиография;
- Тұлға&Терминология;
- Мектеп терминологиясы;
- Авторизация және тіркеу жүйесі;
- Жеке кабинет және пайдаланушылар.
Сайттың мүмкіндігі[өңдеу | қайнарын өңдеу]
- қазақ немесе орыс тілінде енгізілген терминдердің автоматты түрде аудармасын көрсетеді;
- терминнің қай салаға тиесілі екендігі және қай жылы бекітілгендігі туралы ақпарат береді;
- Қазақстан Республикасы Үкіметінің жанындағы Республикалық терминологиялық комиссия мүшелері бекітуге ұсынылатын терминдерді сайттың Алаң бөлімінде талқылайды, дауыс береді, пікір қалдырады, ұсыныстарын береді;
- Алаңнан кейін Комиссия отырысында талқыланған терминдер шешім шыққаннан кейін «Termincom.kz» сайтының «Термин» бөлімінде жарияланады.
Сайтты пайдаланушылардың мүмкіндігі[өңдеу | қайнарын өңдеу]
- Іздеген термині туралы ақпарат ала алады (қай салаға тиесілі, бекітілген не бекітілмеген термин екендігі, бекітілген жылы және т.б.);
- термин жайында ұсыныс беріп, сауал жолдай алады;
- белгілі терминолог ғалымдардың, сала мамандарының бейнедәрістерін тыңдап, мақалаларын оқи алады;
- сайттағы терминологиялық еңбектер мен сөздіктердің электронды нұсқасын оқи алады.
Соңғы өнімді нәтиже[өңдеу | қайнарын өңдеу]
- Қазіргі уақытта сайт қорында 379465 термин бар, 31611 термин Республикалық терминология комиссиясында бекітілген. (Ескерту: сандық мәлімет 2022 жылғы 13 қаңтардағы күн бойынша);
- Мектеп терминологиясы бөлімінде 2254 термин сынып және пән бойынша жинақталған;
- «Termincom.kz» сайтының iOS және Android жүйелеріне арналған мобильді қосымшасы бар.