Til-Qural

Уикипедия — ашық энциклопедиясынан алынған мәлімет
Навигацияға өту Іздеуге өту
Tilqural.kz
URL

https://tilqural.kz/

Сайттың түрі

тіл үйренуге арналған онлайн сервис

Тіл(дер)і

қазақ, орыс, ағылшын

Иесі

Тіл саясаты комитеті
"Тіл-Қазына" орталығында әзірленді

Авторы

Жоба жетекшісі: Мөлдір Бақытқызы

Ашылған уақыты

2019

Тіл-Құрал (Til-Qural) – ойын тәсілдерін қолдана отырып, қазақ тілін үйренуге және қолдануға арналған тегін платформа. Жобаны "Тіл-Қазына" компаниясы әзірледі, 2019 жылы іске қосылды. Сервис тіркелгеннен кейін tilqural.kz веб-порталда, iOS, Android операциялық жүйелері бар мобильді қосымшаларда қолжетімді.

Оқыту әдістемесі:[өңдеу | қайнарын өңдеу]

Tilqural қазақ тілін өз бетінше үйренудің 5 деңгейінен тұрады:

  • А1-қарапайым деңгей;
  • А2-базалық деңгей;
  • В1-орта деңгей;
  • В2-ортадан жоғары деңгей;
  • С1-жоғары деңгей.

Әр деңгейде бірнеше тақырыптық сабақтар бар. Пайдаланушы әр тақырыптық сабақты жаңа сөздерді үйренуден бастайды. Әрі қарай пайдаланушы үйренген сөздерін тыңдап, оқып, жаза алады. Және сөйлеуді бекіту үшін жаттығуларды орындайды. Сондай-ақ әр сабақта пайдаланушы жаттығулардың көмегімен жаңа сөздерді бекітеді. Жеке кабинетте пайдаланушыға оқу барысы көрсетілген журнал қолжетімді.

Tilqural қолданушыға қызық материалдар арқылы қазақ тілін үйретеді:

  • бейнероликтер – орыс тіліндегі субтитрі бар қазақ тіліндегі фильмдер мен мультфильмдерден үзінділер;
  • мәтіндер – қазақша мәтіннің дыбысталуы және мәтіннің орысша аудармасы бар қазақстандық және шетелдік шығармалардан үзінділер;
  • қазақ тіліндегі фразалардың аудио дыбысталуы және орыс тіліне аудармасы бар тақырыптық фразалар (70 санат);
  • сабақтардан алынған сөздердің тақырыптық сөздігі.

Сондай-ақ пайдаланушылар қазақ тілін өз бетінше үйренуге арналған түрлі оқулықтарды pdf форматында жүктей алады.

Tilqural сервисінде өз курстарын, топтарын құруға және курсқа басқа қатысушыларды шақыруға мүмкіндік бар.

Tilqural-да тіл үйренудің барлық функциялары тегін.

Тағы қараңыз:[өңдеу | қайнарын өңдеу]