Мазмұнға өту

Tyler, the Creator

Уикипедия — ашық энциклопедиясынан алынған мәлімет

Та́йлер Гре́гори Око́нма (ағылш. Tyler Gregory Okonma; туған күні – 6 наурыз 1991 жыл), Tyler, The Creator(ағылш. – «Тайлер, Жаратушы», орысша айтылуы – Та́йлер зэ креэ́йтор) лақап атымен танымал – американдық хип-хоп орындаушы және музыкалық продюсер. Ол өзінің эклектикалық шығармашылығының арқасында өз буынының поп-мәдениетіндегі ең ықпалды тұлғаларының бірі болып саналады. Рэпердің алғашқы шығарылымдары хорроркор жанрының әсерімен қараңғы дыбыстық стильге ие болғанымен, кейінірек ол джаз бен соулдан шабыт алған жеңіл музыка бағытында жұмыс істей бастады.

Оконма 2000-жылдардың соңында Odd Future музыкалық ұжымының жетекшісі ретінде кеңінен танылды. Тайлер өзінің алғашқы Bastard[ағылш.] микстейпін 2009 жылы шығарды және хорроркордан шабыттанған ауыр дыбыстық стилі мен қатыгез, трансгрессивті мәтіндерінің арқасында музыкалық баспасөздің назарын өзіне аударды. Оның алғашқы студиялық альбомы Goblin (2011) рэперді мейнстримге алып шықты, бұған Yonkers[ағылш.] синглының танымалдығы да әсер етті. Бұл бейнебаянды рэпер Канье Уэст байқап, оны «2011 жылдың үздік клипі» деп атады.

Екінші альбомынан бастап (Wolf[ағылш.], 2013) Тайлер хорроркордан алшақтап, баламалы дыбыстық бағытқа көшті. Оның үшінші Cherry Bomb (2015) альбомы мелодикалық және джаз элементтерін көбірек қамтыды, бұл үрдіс оның кейінгі дискографиясында да сақталды. Flower Boy (2017), Igor (2019) және Call Me If You Get Lost(2021) альбомдары сыншылардың жоғары бағасына ие болды. Соңғы екі альбом да Billboard 200-де бірінші орыннан дебют жасап, сәйкесінше 62-ші және 64-ші «Грэмми» марапаттарында «Үздік рэп альбомы» атағын жеңіп алды. 28 қазанда 2024 жылы Chromakopia альбомы жарық көрді.

Музыкалық мансабынан бөлек, Оконма Golf Wang және Le Fleur киім брендтерінің негізін қалады, сондай-ақ Lacoste, Converse және Louis Vuitton брендтерімен серіктестік орнатты. Тайлер 2012 жылдан бері жыл сайын өтетін Camp Flog Gnaw Carnival[ағылш.] музыкалық фестивалінің негізін қалаушы болып табылады.

Ерте өмірі және білімі

[өңдеу | дереккөзін өңдеу]

Тайлер Грегори Оконма 1991 жылы 6 наурызда Калифорния штатының Хоторн қаласында дүниеге келген. Оның әкесі – игбо текті нигериялық, ал анасы – афроамерикалық және ақ нәсілді канадалықтардың аралас ұрпағы. Ол ешқашан әкесін кездестірмеген және балалық шағын Хоторнда өткізіп, 17 жасында Ладера-Хайтсқа[ағылш.] қоныс аударды.

Жеті жасында ол CD қаптамаларынан мұқабаларды алып, өз ойындағы альбомдарына мұқаба жасап, әндердің ұзақтығын белгілейтін, бірақ әлі музыка жазуды білмейтін. 14 жасында өз бетінше фортепианода ойнауды үйренді. Ол 12 жылдық мектеп оқуында Лос-Анджелес пен Сакраментоның әртүрлі аймақтарындағы 12 түрлі мектепте білім алды.

Сегізінші сыныпта Тайлер драма үйірмесіне қабылданғанымен, тым құмарлығы үшін одан шығарылды. Тоғызыншы сыныпта ол музыкалық ансамбль класына қосылғысы келді, бірақ ноталарды оқи алмауына байланысты оған рұқсат берілмеді. Тайлер FedEx-те екі аптаға жетпейтін уақыт жұмыс істеді, ал Starbucks-те екі жылдан астам қызмет атқарды. Ол өз сахналық лақап атын MySpace-те шығармашылық жұмыстарын жариялау үшін қолданған парақшасынан алды.

Мансабы

[өңдеу | дереккөзін өңдеу]

Тайлер 2007 жылы Odd Future баламалы хип-хоп ұжымының тең құрылтайшысы атанды, онымен бірге Hodgy[ағылш.], Left Brain және Casey Veggies[ағылш.] жұмыс істеді. Олар 2008 жылдың қарашасында өздерінің алғашқы The Odd Future Tape микстейпін дербес шығарды. 2009 жылы 25 желтоқсанда Тайлер өзінің алғашқы жеке микстейпі Bastard[ағылш.] альбомын шығарды. Бұл микстейп 2010 жылдың ең үздік альбомдарының ішінде Pitchfork Media-ның нұсқасы бойынша 32-ші орынды иеленді.

2011 жылдың 11 ақпанында Тайлер Yonkers[ағылш.] әніне музыкалық бейнебаян шығарды. Бұл видео бірнеше интернет-басылымдардың назарын аударды. Әннің үшінші шумағы бар ұзартылған нұсқасы iTunes-те қолжетімді болды. MTV Video Music Awards 2011 марапатында Тайлер Yonkers әнімен «Үздік жаңа орындаушы» атағын жеңіп алды.

2011 жылдың басында Тайлер музыка индустриясының бірнеше өкілдерінің, соның ішінде Стив Рифкинд[ағылш.], Джимми Айовайн[ағылш.], Рик Росс және Jay-Z-дің назарын аудартты. Odd Future ұжымы 2011 жылдың сәуірінде Red Distribution/Sony-мен келісімшартқа отырды.

Тайлердің дебюттік студиялық альбомы Goblin 2011 жылдың 10 мамырында жарық көрді. Ол Late Night with Jimmy Fallon[ағылш.] шоуында Hodgy Beats-пен бірге алғаш рет телеарнада өнер көрсетті. mtvU Woodie Awards 2011 шарасында Yonkers және Sandwitches әндерін орындады, оған Odd Future-дың басқа да мүшелері қосылды.

2011 жылдың басында Тайлер Formspring парақшасында өзінің екінші альбомының атауы Wolf[ағылш.] болатынын және 2012 жылдың мамырында шығатынын жариялады. Сол жылы Odd Future өздерінің Loiter Squad[ағылш.] атты телешоуын бастамақ болды. 2011 жылдың 8 қыркүйегінде шоу 15 минуттық тікелей эфирлік бағдарлама ретінде бекітілді. Оны Dickhouse Productions продюсерлік серіктестігі өндіруді жоспарлады.

Жеке өмірі

[өңдеу | дереккөзін өңдеу]

Оконма өзін атеист ретінде сипаттаған және оның Bastard пен Goblin[1][2] альбомдарында айқын дінге қарсы мәтіндер кездеседі.

Ол 2002 жылдан бері скейтбордингпен айналысып, BMX велосипедтерін жинаумен әуестенеді [3][4][5][6].

Оның жыныстық бағдарына қатысты көптеген пікірталастар болды. Ол ән мәтіндері мен сұхбаттарында бірнеше рет бір жынысты қарым-қатынастарға сілтемелер жасаған.[7][8][9]

Оконма астмамен ауырады[10]. Ол сахнада ингалятор пайдаланған бірнеше рет байқалған[11].

Дереккөздер

[өңдеу | дереккөзін өңдеу]
  1. ↑ Tyler, The Creator’s Religion and Political Views (ағылш. мақаладан). hollowverse.com. Қол жеткізген күні: 18 ақпан, 2020. 2019 жылы 25 шілде архивтелген .
  2. ↑ Tyler, The Creator Shares His Thoughts on Religion (27 желтоқсан, 2014)(ағылш. мақаладан). Қол жеткізген күні: 18 ақпан, 2020. 9 қараша, 2020 жылы архивтелген
  3. ↑ HipHopDX- https://hiphopdx.com. Tyler, The Creator Talks Skateboarding With Tony Hawk. HipHopDX (28 қаңтар, 2012)(ағылш. мақаладан). Қол жеткізілген күні: 18 ақпан, 2020. 2020 жылы 27 қаңтар архивтелген.
  4. ↑ Tony Hawk interviews Tyler The Creator of Odd Future - Dissent TV. YouTube (ағылш.). Қол жеткізген күні: 18 ақпан 2020. 11 ақпан 2021 жылы архивтелген.
  5. ↑ Big Willie Style, yeah / Nigga one wheel, one wheel, one wheel / Nigga one wheel, I fishtail downhill, yeah / I rose my rate, brand new brakes / Why I name it Slater? Ask my date (ағылш.). Genius. Қол жеткізген күні: 18 ақпан 2020
  6. ↑ Tyler, The Creator (Ft. Frank Ocean) – Slater (ағылш.). Қол жеткізген күні: 18 ақпан 2020. 9 ақпан 2021 жылы архивтелген
  7. ↑ Tyler the Creator has been 'coming out' as gay or bisexual for years and no-one cared (ағылш.). The Independent (11 шілде 2017). Қол жеткізілген күні: 18 ақпан 2020. 5 маусым 2020 жылы архивтелген.
  8. ↑ Daisy Murray. Tyler The Creator Is The Latest Male Celebrity To Reveal He's Bisexual (ағылш.). ELLE (17 тамыз 2017). Қол жеткізілген күні: 18 ақпан 2020. 1 ақпан 2018 жылы архивтелген.
  9. ↑ Tyler the Creator Likes Girls But 'Ends Up F**king Their Brother' (ағылш.). www.out.com (20 қараша 2019). Қол жеткізілген күні: 18 ақпан 2020. 26 қаңтар 2021 жылы архивтелген.
  10. ↑ Punk'd (Season 9) | Ep. 4 | Tyler, The Creator | MTV. web.archive.org (22 сәуір 2012)(ағылш.). Қол жеткізу күні: 18 маусым 2021. 22 сәуір 2012 жылы архивтелген.
  11. ↑ Tyler, The Creator - EARFQUAKE / NEW MAGIC WAND (Live at the 2020 GRAMMYs)(ағылш.). Қол жеткізген күні: 18 маусым 2021. 15 маусым 2021 жылы архивтелген.
«https://kk.wikipedia.org/w/index.php?title=Tyler,_the_Creator&oldid=3453900» бетінен алынған