Yuri on Ice

Уикипедия — ашық энциклопедиясынан алынған мәлімет
Jump to navigation Jump to search

Yuri!!! on Ice (яп. ユーリ!!! on Ice Юри он Айсу, букв. «Юри на льду») — мәнерлеп сырғанау жайлы аниме, хикая. Режиссёрі Саё Ямамото, сценариін жазған Мицуро Кубо, кейіпкерлердің дизайнына жауапты болған Тадаси Хирамацу, музыкасы Таро Умэбаяси и Таку Мацусиба, хореографияны қойған Кэндзи Миямото. Алғаш көрсетілімі 6 қазанда 2016 жылы болды.

Жанр комедия, драма, сёнен-ай
Режиссёр Саё Ямамото
Сценарист Мицуро Кубо
Студия МАРРА
Тележүйе TV Asahi, BS Asahi, STS, NCC
Көрсетілім мерзімі 06/10/16-22/12/16
Ұзақтығы 24 минут
Серия 12

Cюжет[өңдеу]

Оқиға Жапонияның басты үміткері саналған, бірақ соңғы мәнерлеп сырғанаудан гран при жарысында жеңіліске ұшыраған Юри Кацуки жайлы баяндалады. Бозбала бес жыл болмаған Кюсюдағы үйіне оралады да, аралас сезімдерге тап болады. Мәнерлеп сырғанауды тастау дұрыс па немесе ары қарай спортпен шұғылдана беру керек пе деген ойлар арасында шешім қабылдай алмай жатады. Бұл сұраққа жауап іздеймін деп, отбасының жеке ыстық бұлақтарына аттанады және жұмыспен өз ойын алаңдатады. Біраз уақыттан соң кенеттен оның үйіне бүкіл әлемге танымал мәнерлеп сырғанаушы Виктор Никифоров келеді. Ол Юридің өзінің соңғы чемпионатында орындаған программасын қайталап жасаған бейнебаянды көріп, Юридің оқытушысы болуды шешім қабылдайды. Виктормен бірге Юри алдағы Гран-при чемпионатында 15 жасар ресейлік Юрий Плисецкийді жеңіп шығуды талап етеді.

Кейіпкерлер[өңдеу]

Басты кеіпкерлер[өңдеу]

Юри Кацуки (яп. 勝生勇利 Кацуки Ю:ри) — 23 жасар жапондық, табиғатынан қорқақтау, шошқа етін жақсы көретін әрі оңай салмақ қосатын Жапонияның ерлер арасындағы жалғыз мәнерлеп срығанау бойынша басты үміткері. Сырғанаушы ретінде басты өзгешеліктері оның ырғақтылығында және бірегей қойылымдарында. Юри өте талпынысты, еңбекқор, төзімшіл. Бірақ үлкен қысым түсірілгенде, маңызды сәттерде бәлеге ұшырауы әбден мүмкін.

Виктор Никифоров (яп. ヴィクトル・ニキフォロフ Викутору Никифорофу) — 27 жасар ресейлік, аты аңызға айналған спортшы, көрермендердің ілипатына үйренген, әйелдер де, ерлер де арасында өте танымал. Бес рет қатар әлем чемпионы аталған. Юри үшін Виктор жастайынан кумир болған.

Юрий Плисецкий (яп. ユーリ・プリセツキー Ю:ри Пурисэцуки:) — 15 жасар, Ресейден шыққан. Үш рет қатар жастар арасындағы чемпионаттың жүлдегері аталған. Өршіл, өз жеңісінде еш күмәнданбайды.

Тосия Кацуки (яп. 勝生 利也 Кацуки Тосия) — Юри мен Маридің әкесі, Ю-топии атты барлық отбасы қызмет ететін ыстық бұлақтардың қожасы.

Хироко Кацуки (яп. 勝生 寛子 Кацуки Хироко) — Юри мен Маридің анасы. Өте жақсы әрі қонақжай, жұбайына жұмыспен көмектеседі.

Мари Кацуки (яп. 勝生 真利 Кацуки Мари) — Юридің әпкесі, Ю-топиядағы жұмыспен шұғылданады.

Басқа елдің сырғанаушылары[өңдеу]

Отабек Алтын (яп. オタベック・アルティン Отабэкку Арутин) — 18 жасар қазақстандық, өз сезімдерін жасыратын, өте жігерлі әрі сыпайы, сырғанауы айқын және мәнерлі. Алдыңғы маусымдағы чемпионатта сениор категориясында қолаға ие болады.

Си Гуанхун (яп. ジ・グァンホン Дзи Гуанхон) — 17 жасар қытайлық, Голливуд жұлдызы атануын армандайды. Досы Пхичитпен тамсанады, оның арқасында барлық әлеуметтік желілерде отыратын болған.

Кристофф Джакометти (яп. クリストフ・ジャコメッティ Курисутофу Дзякомэтти) — 25 жасар, Швейцариядан келген спортсмен, Юримен жастайынан жарысқан. Виктор сияқты да өте танымал, оның қарсыласы болып табылады. Виктор қатыспаған маусымда жарысуға бар уәждемесін жоғалтқан.

Жан-Жак Леруа (яп. ジャン・ジャック・ルロワ Дзян Дзякку Рурова), немесе J.J., — 19 жасар канадалық, бос уақытында қайырымдылықпен айналысады. Сырғанаушылар әулетінен шыққан: әкесі олимпиадалық мұздағы билер бойынша чемпион аталса, інісі мен қарындасы жас жұлдыздар. Джей-джей Гран-придегі алтын жүлденің басты үміткері.

Пхичит Чуланонт (яп. ピチット・チュラノン Пититто Тюранон) — 20 жасар таиландтық, Юридің Детройтта болған кездегі көршілес досы. Бірақ қазір Пхичит Бангкокте жаттығады. Былтыр төрт континенттер чемпионатында үшінші орынға ие болған.

Басқалары[өңдеу]

Минако (яп. ミナコ Минако) - балет оқытушысы және Хасэцудағы би студиясының иегері. Юриға әлі де оқумен көмектеседі. Бұрын өзі әйгілі биші болған, және әркелкі елдерге балетті насихаттау мақсатымен аттанған.

Яков Фельцман (яп. ヤコフ・フェルツマン Якофу Фэруцуман) — Виктор Никифоровтың, Юрий Плисецкийдің оқытушысы. Өз оқушыларына өте қатал, Виктордың тәртібінен және Юрийдің тыңдамайтын кездерінен тез ашуланып кетеді.

Музыкасы[өңдеу]

Композиторлары Таро Умэбаяси мен Таку Мацусиба, ал музыкалық продюсер Кэйсукэ Томинага. Өзіне анимеде қолданылған барлық 24 өлеңді қосатын альбом Oh! SkaTra!!! Yuri!!! on ICE (яп. Oh! スケトラ!!! ユーリ!!! on ICE) 2016 жылы 21 желтоқсанда шықты.

  • Бастапқы композиция: History Maker, Дин Фудзиока
  • Соңғы композиция: You Only Live Once, Ватару Хатано
Ортаққорда бұған қатысты медиа файлдар бар: Category:Yuri on Ice