Антиль аралдары
| Антиль аралдары ағылш. Antilles, фр. Antilles, ис. Antillas, нидер. Antillen | |
 | |
| Антиль аралдары картасы | |
| Сипаттамасы | |
|---|---|
| Аралдар саны | 50 аса |
| Ірі аралы | Куба |
| Жалпы ауданы | 228 662 км² |
| Ең биік нүктесі | 3087 м |
| Тұрғындар (2009 жыл) | 42 000 000 адам |
| Халық тығыздығы | 183,677 адам/км² |
| Орналасуы | |
| 12°11′10″ с. е. 68°59′22″ б. б. / 12.18611° с. е. 68.98944° б. б. (G) (O) (Я)Координаттар: 12°11′10″ с. е. 68°59′22″ б. б. / 12.18611° с. е. 68.98944° б. б. (G) (O) (Я) | |
| Акватория | Атлант мұхиты |
| Елдер |  Куба Гаити Доминикан Республикасы Ямайка Пуэрто-Рико |
 Антиль аралдары Ортаққорда | |
Антиль аралдары — Орталық Америкадағы аралдар тобы. Олар Үлкен Антиль (Куба, Гаити, Ямайка, Пуэрто-Рико) және Кіші Антиль аралдары (Виргин, Жел өті, Ық аралдары) болып бөлінеді. Аум. 220 мың км². Тұрғыны 30 млн. адамға жуық (1995). Жер бедерінде таулар басым. Ең биік жері — Гаити ар-ындағы Дуарте тауы (3175 м). Жазықтар негізінен Куба, Гаити аралдарының оңт.-шығысын, Виргин және Жел өті аралдарын алып жатыр. Сөнбеген ең биік— Суфриер (1467 м.) жанартауы және 1902 ж. Мартиника ар-ндағы Сан-Пьер қаласын басып қалған Монтан-Пеле (1397 м) жанартауы осы аймақта. Аралдардың маңында Юкатан (7680 м), Кайман (7090 м), Пуэрто-Рико (8742 м) су асты шұңғымалары орналасқан. Ірі портты қалалары: Гавана, Кингстон, Саната-Доминго. А. а-нда никель мен кобальт, боксит, алюминий кентасы, мыс, хром кен орындары бар. Климаты тропиктік, ыстық ылғалды келеді. Ең салқын айдың темп-сы — 21-230 ең ыстық айдың темп-сы 26-270С. Жылдық жауын-шашын мөлш. Ық аралдарының оңт. батыс бөліктерінде 1000 мм-ден кем, ал Жел өті аралдарында 3000-5000 мм-ге дейін жетеді. Күзде аралдардың шығыс жағалауы арқылы тропиктік циклон (қарадауыл) өтеді. А. а-ның көпшілігі Куба, Гаити, Доминикан, Ямайка мемлекеттері аумағын құрайды. Қалған бөлігі АҚШ, Ұлыбритания, Нидерланд, Франция мемлекеттерінің иелігінде.