Toyota

Toyota Motor Corporation Toyota Jidosha Kabushiki-gaisha トヨタ自動車株式会社
[[Сурет:|200x200px px|логотипі]]
Түрі	Ашық акционерлік қоғам
Биржадағы листингі	TYO: [1], OSX:7203, NSE:7203, NYSE: TM
Компанияның ұраны	Арманынды іске асыр (Қазақстан) Drive Your Dreams. жапон. 人、社会、地球の新しい未来へ (Жапония)
Құрылды	1937
Құрушы	Киитиро Тоёда
Орналасуы	Тойота, Aичи, Жапония
Басты адамдары	Фуджио Чо (Төраға және өкіл директор) Aкио Тойода (Президент және өкіл директор)
Саласы	Автомобиль шығару
Өнімі	Жеңіл және коммерциялық автомобильдер, автобустар Toyota, Lexus, Scion
Айналым	▼ 204,1 млрд (2010 жыл)
Таза табыс	▲ $ 2,3 млрд (2010 год)
Қызметкерлер саны	317,734 (2010)
Еншілес компания	Toyota Financial Services Daihatsu Hino Motors, Ltd. DENSO Toyota Industries
Сайты	Ресми сайты

Toyota Motor Corporation (жапон. トヨタ自動車株式会社 тоёта дзидо:шя кабушикигайшя) - әлемнің ең ірі машина жасау, сондай-ақ қаржылық қызмет көрсететін және қосымша бірнеше бизнес бағыттары бар корпорация. Штаб-пәтері - Жапонияның Тоёта қаласында, Айчи аумағында орналасқан. Fortune Global 500 (2010 жылы) – компания 5-ші орынды иеленген.

Toyota Motor Corporation - Toyota Group-тың басты мүшесі болып саналады. «Toyota» бренді көбінесе осы компаниямен байланысты. «Тойота» автокөліктерінің белгісі сопақ әрі оны перпендикуляр қиған доғал шеңберлер арқылы белгіленеді және осы перпендикуляр тұрған доғал шеңберді жартылай қиыс сызық кесіп өтеді. Бұл иненің көзі мен одан өткен жіпті білдіреді. Киичироның әкесінің тоқыма цехында сондай-ақ ине және жіп шығару ісі де жүзеге асқан. Содан бері осы белгі «Тойота» автомобильдерінің сауда белгісі болып қалыптасқан

Тарихы

Айчи қаласындағы Тойота мұражайы

«Toyota» жапондық автомобиль компаниясы 1933 жылы тоқыма станоктарын дайындаумен айналысатын Toyoda Automatic Loom Works зауытының бөлімшесі ретінде құрылды. 1929 жылы Киичиро Тоёда Еуропа мен АҚШ-қа машина өнеркәсібімен танысуға сапар жасады. 1930 жылы компания иесіні Сакичи Тойоданың ұлы Киичиро Тойода американдық үлгімен бензинді қозғалтқышты автомобильдер шығара бастады. Оның бірқатар өзгерген тегі фирманың сауда маркасы болды. Жапония Үкіметі Toyoda Automatic Loom Works компаниясының бұл бастамасын қолдады. 1934 жылы компания бірінші рет А типтегі қозғалтқыштағы жолаушы тасымалдайтын автомобиль шығарды, осы модель 1935 жылдың 1 мамырында пайдалануға берілді, осы жылы G1 жүк машинасы тамыз айында қолданысқа енді. АА маркалы көлігінің өндірісі 1936 жылы басталды. Алдыңғы моделдер Dodge Power Wagon и Chevrolet моделдеріне ұқсас болды.

Toyota Motor Co., Ltd.- 1937 ж. өздігінен қызмет атқаратын компания болып негізделді. Компанияны құрушының тегі «Тоёда» (豊田) болып аталатынына қарамастан, компанияға «Тоёта» (トヨタ) аты берілді. Өйткені, Жапонияда 8 саны сәттілік әкеледі деп саналады, ал катаканамен жазылған «Тоёта» (トヨタ) атауы дәл 8 сызықтан тұрады.

Екінші дүниежүзілік соғыс кезінде компания Жапония императорлығына жүк тасымалдаушы көлік шығарумен айналысты. Сол кездегі қатаң тапшылық үшін Жапонияның әскери жүк тасымалдаушы көлігі ең оңайлатылған нұсқада, мысалы, бір ғана фарасымен жасалды. Кейбіреулердің ойынша соғыстың жылдам біткені Аичи қаласындағы Toyota зауытын бомбылаудың әсерінен болды деп санайды.

Toyota Motor Corporation бас пәтері

Toyota Motor Corporation соғыстан кейін 1947 жылы коммерциялық жолаушы тасымалдайтын көлік SA моделін шығарды. 1950 жылы Toyota Motor Sales Co атаулы сатумен айналысатын жеке компания құрылды. (Ол 1982 жылға дейін қызмет атқарды). 1956 жылы сәуірде Toyopet делдалдық жүйе құрылды. 1957 жылы Toyota Crown Америкаға экспортқа жіберілетін алғашқы жапондық автомобиль болды. (Бразилияға да экспортталды).

Тойота 1960 жылы жылдам қарқынмен кеңейе бастады. Ең алғашқы «Тойота» маркалы автомобиль Жапония аумағынан тыс 1963 жылы Австралияның Мельбурн қаласында конвейерден шығарылды.

2009 жылдың мамыр айында компания қаржылық залалға ұшырады.Бұл 1950 жылдан бастап болмаған еді.

Меншік иелері мен басшылық

2008 жылдағы компания акцияларының негізгі иелері:

• The Master Trust Bank of Japan (6,29 %),
• Japan Trustee Services Bank (6,29 %),
• Toyota Industries Corporation (5,81 %),
• 9 % — қазынашылық акция [4].

Компанияның төрағасы — Фудзио Чё. Президенті — Акио Тоёда .

Қызметі

Компания Toyota, Lexus, Scion, Daihatsu, Hino деген жолаушы тасымалдайтын, жүк тасымалдайтын автомобильдер және автобустар брендтерін шығарады.

2008 ж. 31 наурызында аяқталған 2007-2008 қаржы жылында корпарация 9,37 млн автомобиль сатты. 2008 жылдың түсімі — $204,352 млрд, таза пайдасы — $-4,349 млрд құрады.

• 
  1936 Toyota Model AA, Toyoda бiртума логотипымен
• 
  Toyota Yaris
• 
  Toyota Corolla Axio
• 
  Toyota Camry
• 
  Toyota Allion
• 
  Toyota Avensis
• 
  Toyota Avalon

Әлемдегі ең ірі көлік шығарушы

2007 ж. I кварталында Toyota Motor, General Motors–қа қарағанда көп машина шығарып сатты. GM 76 жыл бойы «әлемдегі ең ірі көлік шығарушы» атқа ие болған. Соңғы жылдары GM және басқа да американдық көлік шығарушылар дағдарысқа байланысты өндірісті қысқартып, бірінші кезекте нарықта бәсекелесі Toyota маркасына орынды босатқан. І кварталда 2,37 млн автомобиль шығарып, 2,35 млн сатқаны туралы жапония 24 сәуірде хабарлаған. Осылайша ең алғаш рет 2,34 млн шығарып, 2,26 млн сатқан GM алдына шыққан. .

Toyota Қазақстанда

Сурет:Astana Motors.jpg

Астана моторс. Алматы.

Қазақстандағы ресми делдалы (дилері) ретінде 1993 ж. Алматыда Астана моторс құрылған. Ол көптеген мамандандырылған кәсіпорындар ашуға ұйтқы болды. Соның ішінде 1995 ж. компаниядан бөлініп шыққан “Алматы Тойота орталығы” (“Toyota Center Almaty”) тех. қызмет көрсету ст. бар. Жеңіл автомобильдер, джиптер, шағын автобустар, “Тойота” автобустарын сатады. Стансадан сатып алынған әрбір автомобильге “Toyota Motor Corporatіon” компаниясы 50 000 км қашықтыққа немесе 12 айға кепілдік береді. 1995 ж. “Астана моторс” компаниясынан оқшау отау тіккен “Астана секьюрити” (Astana Securіty — қауіпсіздік қызметі) жеке тұлғалар мен заңды тұлғаларды, объектілерді қорғайды, ҚР-да тасылатын жүктердің қауіпсіздігін қаматамасыз етумен айналысады. Астана, Қостанай, Ақтөбе қ-ларында компанияның филиалдары жұмыс істейді.

Toyota Ресейде

2011 жылы Ресейде компанияның екі еншілес компаниясы құрылды: ЖШС "Тойота Мотор" (автомобильді сатуға жауапты), басты офисі Мәскеуде; ЖШС "Тойота Мотор Мануфэкчуринг Россия" ( автомобильді Ресейде жасап шығаруға жауапты), басты офисі Санкт-Петербургте.

Автомобильді Ресейде сату

1998 жылы компания мәскеулік Toyota Motor Corporation өкілдігін ашты. Содан автомобиль нарығының динамикалық дамуына байланысты маркетинг және сату бойынша ЖШС «Тойота мотор» ұлттық компания ашуға шешім қабылданды. 2002 жылдың 1 сәуірінен бастап ЖШС «Тойота мотор» Ресей аумағында жұмыс істей бастады. . ЖШС «Тойота мотор» Президенттері:

• 2004—2009 жылы — Томоаки Ниситани;
• 2009 жылдың маусымынан — Такэси Исогая.

2007 жылы Ресейде ЖАҚ «Тойота Банк»жұмыс істей бастады, Мәскеу мен Санкт-Петербургете өкілдігі бар. Банк қызметі — жеке автонесиелеу және ресми делдардарды Toyota и Lexus автомобилдерімен корпоративті несиелеу. Toyota концерні, жеке деректер бойынша, Ресейде Банк ашқан халықаралық алғашқы көлік шығарушы болды..

:

Toyota Corolla ең әйгiлi және әлемдегі көп сатылған автокөлiктердiң бiрi болып табылады.

	2004				2005				2006				2007				2008
	3 ай.	6 ай.	9 ай.	Қорытынды	3 ай.	6 ай.	9 ай.	Қорытынды	3 ай.	6 ай.	9 ай.	Қорытынды	3 ай.	6 ай.	9 ай.	Қорытынды	3 ай.	6 ай.	9 ай.	Қорытынды
Yaris				с.				с.	229	1 125	1 776	2 714	920	2 256		4 775				5 693
Auris				ш.				ш.				ш.	11	3 774		10 908				19 342
Toyota Corolla	2 976	5 390	8 746	12 973	4 231	10 505	16 982	22 442	4 680	12 866	23 019	31 222	10 345	22 584		38 942			47 260	63 986
Toyota Verso				с.	−	−	230	402	236	661	987	1 228	242	559		1 039				923
Toyota Avensis	м.ж.	2 902	4 330	6 092	1 455	4 301	6 367	8 612	2 290	5 866	9 112	13 140	3 834	10 529		20 843				19 337
Toyota Camry	1 651	4 545	6 873	9 797	2 203	6 417	9 914	12 860	2 039	6 804	12 060	18 099	4 081	11 921		26 358			21 640	28 029
Toyota RAV4	1 090	2 664	4 406	6 156	1 268	3 596	4 977	6 335	2 346	5 445	8 589	12 030	5 058	10 704		22 856				22 918
Toyota Land Cruiser Prado	773	1 573	2 252	3 667	1 049	2 421	3 354	4 449	1 466	3 753	5 888	8 382	2 552	5 431		11 542				16 236
Toyota Land Cruiser 100	949	2 212	3 551	4 964	1 007	2 355	3 448	5 314	1 696	4 171	6 443	8 502	2 243	4 360		6 425
Toyota Land Cruiser 200				ш.				ш.				ш.				ш.				12 388
Toyota Hiace				с.	7	62	145	224	46	148	259	372	82	213
Барлығы:	9 213	19 404	30 323	43 649	11 220	29 798	45 417	60 638	15 028	40 839	68 133	95 689	29 368	72 331		144 975			144 547	188 866

с. — Ресейде сатылмады
ш. — шығарылмады
м.ж. — мәлiметтер жоқ

Түсініктеме: Көліктердің сатылымы сәйкес болмауы мүмкін, бұл есеп жаңа көрсеткіштерден алынды.

Toyota Land Cruiser Prado

Ресейдегі көлік өндірісі

2005 жылы Toyota Ресейдің Мин эконом дамуымен Санкт-Петербург әкімшілігімен (Шушары) қаласында көлік шығару зауытын салу келісіміне қол қойды. Өндіріс 2007 жылдың 21 желтоқсанында ашылды, бірінші этапта зауыт 1жылда Toyota Camry «Е»класты көлігін 20 мың көлік шығарып, ресейдің ішкі нарығына енгізу керек. (әріде экспортқа жөнелту мүмкін) Кейін өндіріс көлемі 1 жылда - 50 мың машинаға көтеріліп, ал болашақта 200-300 мың машинаға көтеріледі. Бұл жоба көлемі 150 млн долларға бағаланып отыр. .

2011 жылы компания Toyota Land Cruiser Prado өндірісінің жоспарын Алыс Шығысқа Sollers и Mitsui серіктес өндіріске жариялады..

ЖШС «Тойота Мотор Мануфэкчуринг Россия» (Toyota Motor Manufacturing Russia): Бас директоры:

• 2005 — 2008 жылдары— Масааки Мидзукава
• 2008 — 2011 жылдары — Мицуаки Сугимори;
• 2011 жылдың басынан — Ёсинори Мацунага.

Экологиялық технологиялар

Гибридты технологиялар

Гибридті седан Lexus LS 600

Toyota Motor 1997 жылдан бастап автомобиль нарығында гибридты технологияларды қарқынды ұсынған алғашқы компания, жаппай (Toyota Prius) гибридты автомобиль шығарып және сатушы. Кейінірек компания гибридты мықты жинақталған Camry моделін, Lexus моделін шығара бастады. Компания өзінің гибридты технологиясын «Hybrid Synergy Drive» деп атайды, ал Lexus моделі үшін «Lexus Hybrid Drive»деп аталады. Prius моделі АҚШ-та ең жақсы өтетін модель. Тойота қазір үш гибрид автосы «Hybrid Synergy Drive» жүйесімен негізделген : Prius, Highlander және Camry. Гибридты Toyota Sienna танымал минивэн машинасын 2010 жылы шығаруға жоспарлап отыр, ал 2030 жылы компания барлық өнімін «Hybrid Synergy Drive» жасауға жоспарлап отыр. 2011 жылыдың 28 ақпанына дейін компания 3,03 млн гибрид автомобиль сатты .

Электромобилдер

Toyota Estima Hybrid

General Motors компаниясы Chevrolet Volt электромобилін жасау жоспарын айтқаннан кейін, Toyota Motor соған ұқсасын жоспарлауға кірісті. Қазір компания Жапонияда, АҚШ пен Еуропада "Toyota Plug-in HV' сынақтан өткізуде. Ұқсас Chevrolet Volt бұл модель - Li-ion аккумуляторына негізделіп жасалған. Электромобилдер қоршаған ортаға, гидридты қозғағышы бар көліктерге қарағанда, ешқандай кері әсерін тигізбейді.

Елдер бойынша серiктестiктiң ұрандары

Toyota Camry көптеген елдерде құрастырылып, жиналады

• , Moving Forward
• (Испан тілдес) Avanza Confiado
• Maneja Confiado
• Today. Tomorrow. Toyota
• Oh What a Feeling!
• Nic není nemožné
•   Nichts Ist Unmöglich
•       (және Орталық Америка елдері) Avancemos Juntos
• Moviendo Vidas
• ағл. Make Things Better, фр Faire Toujours Mieux
• Lead the Way
• Ve Más Allá
•    Управляй мечтой
• Арманыңды іске асыр
• hайОм-махАр היום-מחר; Бүгін-ертең

Автоспорттағы белсенділігі

Формула 1 (F1)

Toyota F1 2003.

2002 жылы Toyota- Toyota Team Europe-мен Кёльне, Германиядағы Формулы 1 қатысты. Үлкен бюджетке қарамастан, команда жанкүйерлер күткен нәтиже көрсеткен жоқ. 2004 жылы жобалаушы Майк Гаскойн жұмысқа алынды. Бірақ жоғары көрсеткіштер көрсетпегендіктен 2006 жылы контрактан босатылды. 2007 жылы Toyota Williams командасына өзінің қозғағыштарын жібереді. 2009 жылы, команда үшін соңғы маусым болды, пилоттары-Ярно Трулли мен Тимо Глок. 4 қарашада Toyota Формулы 1-ден кететіндігін жариялады.

Toyota Racing Development (TRD)

TRD құрастыраған Toyota Camry

7 маусым 1954 жылы Toyota Technocraft Co., Ltd., компаниясы құрылды. Оның басты мақсаты - Концерннің басты компанияларының көліктерін жөндеу және қызмет көрсету болды. Әр түрлі жарыстарға табысты қатысу үшін зауыттағы Toyota көлігіне Toyota Technocraft-тан автоспорттық Toyota Racing Development көлік бөлінді, қазіргі таңда тюнинг-ателье дәрежесіне бөлінген. 1979 жылы TRD USA бөлімі ашылды. Зауыттың TRD шеберлерінің маңызды жұмысы Формула-3 жарысына команда дайындау болды. Сондай-ақ Toyota Racing Development бөліміндегі жүк көліктерін Super GT чемпионатына дайындау. Ательенің қызықты жұмысы жеке клиенттерге азлитражды Toyota ist, Toyota Vitz и Toyota bB 2002 жылғы сериялары және жолсыз жерде жүретін Toyota FJ Cruiser көліктерін жөндеу. Бөлім шеберлеріне Toyota Racing Development, GT-Four Toyota Celica үшін үш буындағы модификацияланған көлік авторлық құқығы жатады. .

Бизнесті жүргізу қағидасы

Тойота (Toyota Production System) компания менеджментінің 14 қағидасы (Toyota Production System)

1. Қысқа мерзімді қаржылық нысанға залал келтіруіне қарамастан, басқарма шешімін ұзақ мерзімге қабылдау.
2. Үзілмейтін ағым процессі түпкі мәселені шешуге көмектеседі.
3. Қайта шығаруды болдырмау үшін «Тартылу» сұлбасын пайдалан. Тұтынушы қажетті сұрансын өз мерзімінде және өзінің қажетті санында алу үшін, өндіріс жұмысын сапалы ұйымдастыруды қажет етеді
4. Жұмыс көлемін түзе. Дұрыс, үнемді өндірісті құру және сапалы қызмет көрсету үшін - түскен тапсырысқа қарамастан өндіріс графигін дұрыс құру қажет.
5. Сапа қажет етсе, өндірісті тоқтат.
6. Стандартты есептер мен қызметкерлердің толық өкілеттілігі тоқтаусыз кемелдену негізі.
7. Бір де бір мәселе байқаусыз қалмау үшін бақылау жасап тұр.
8. Сенімді, сынақтан өткен технологияны пайдалан
9. Өз ісін толық меңгерген және де басқаларға да үйретеді деген оймен көшбасшыларды тәрбиеле.
10. Өз серіктестерің мен мердігерлерді сыйла, оларға қиын сауал қой және орындалуына көмектес.
11. Жағдайды шешкің келсе, оған өз көзіңмен қара .
12. Барлық жағдайды ойлап,өлшеп барып шешім қабылда.
13. Өз компанияңды талмай үйренуші жетілген және қорытынды жасалған ұйымға айналдыр.
14. Қажырлы еңбек - бәрін жеңбек

Тағы қараңыз

Ортаққорда бұған қатысты медиа санаты бар: Toyota

• Формула-1

Сілтемелер

• Үлгі:Ресми веб-сайты