Қаршыға тұқымдасы

Қаршыға тұқымдасы (Accipitridae) – күндізгі жыртқыштар отрядына жататын құстар. Дене тұрқы – 28 – 114 см. Аяғы шомбал, тұмсығы имек, мықты. Қоразы мен мекиенінің реңі ұқсас. Ұясын ағашқа, жартас, шыңға, жерге салады. Көбіне орман, қалың бұта, ағаш өскен тау бөктерін мекендейді. Қалың ағаш арасында жемін аулауға, тез бұрылуға қысқа қанаты, ұзын құйрығы өте қолайлы. Қаршыға тұқымдасы құстарды, майда сүт қоректілерді, кейде бауырымен жорғалаушыларды, қос мекенділерді аулайды. Қазақстанда Қаршыға туысына жататын қырғи, тұйғын, мықи кең тараған. Бұлар қолға үйретіліп, аңға салынады.

Пайдаланған әдебиет

“Тараз энциклопедиясы”