Таухид

Таухид (араб.: توحيد ‎ - Құдайды бір деп білу, Құдайды ерекшелеу) - Аллаһның бірлігіне сенім келтіру, Аллаһны бір деп білу, Аллаһны ерекшелеу. Шариғи мағынасы - Аллаһны тек өзіне қатысты сипаттарында бірлеу.

Ихлас немесе Таухид сүресі

Таухид (араб.: سورة التوحيد ‎) сүресінде жазылады:

بِسۡمِ اللّٰہِ الرَّحۡمٰنِ الرَّحِیۡمِ

1. قُلۡ هُوَ اللّٰہُ اَحَدٌ
   
   
2. اَللّٰہُ الصَّمَدُ
   
   
3. لَمۡ یَلِدۡۙ وَ لَمۡ یُوۡلَدۡ
   
   
4. وَ لَمۡ یَکُنۡ لَّہٗ کُفُوًا اَحَدٌ
   

Жуық аудармасы Халифа Алтай бойынша:

Аса қамқор, ерекше мейірімді Аллаһның атымен бастаймын.

1. (Мұхаммед Ғ.С. оларға) айт: Ол Аллаһ, біреу ақ.
2. Аллаһ мұңсыз. (Әр нәрсе оған мұқтаж)
3. Ол тумады да, туылмады.
4. Әрі оған ешкім тең емес.

Таухид мағынасы

Үш тұрғыдан қарастыру қалыптасқан, оның біреуі орындалмаса толық таухид болып саналмайды

Таухид әл Рубу`бийя

араб.: توحيد الربوبية‎; Таухидур-рубубийя: Аллаһ тағаланың Раббылығында Бірлігі

Аллаһ тағала Құранда айтады:

"Аллаһ барлық нәрсенің Жаратушысы. Алла тағала әр нәрсеге кепіл. "

—Құран кәрім, Зумәр сүресі, 62-ші аят

“Аллаһ сендерді де, жасаған нәрселеріңді де жаратты.”

—Құран кәрім, Саффат сүресі, 96–аят

"Сонда оларды сендер өлтірмедіңдер, бірақ оларды Алла өлтірді. (Әй Мұхаммед!), Атқан кезде сен атпадың, бірақ Алла атты. Бұл мүміндерді жақсы бір сынақпен сынау үшін. Расында Алла, толық естуші, білуші."

—Құран кәрім, Әнфал, 17–аят

"Алладан бұйрықсыз ешбір қайғы-қасірет болмайды. Ал және кім Аллаға иман келтірсе, оның жүрегін түзейді. Алла барлық нәрсені толық білуші."

—Құран кәрім, Әт-Тәғабун сүресі, 11–аят

Таухид әл `Улухийя

араб.: توحيد الألوهية‎; Таухидул-улухийя: Құлшылыққа тек Аллаһ лайықты

Аллаһ тағала Құранда айтады:

"(Мұхаммед Ғ.С.): «Сендерді аспаннан, жерден кім ризықтандырады? Құлаққа, көздерге кім ие? Өліден тіріні, тіріден өліні кім шығарады? Әр істі кім игерді?»,- де. Олар: «Алла» дейді. «Ендеше Алладан қорықпайсыңдар ма?»,- де."

—Құран кәрім, Юнус сүресі, 31-аят

"Егер олардан: “Кім жаратты?”,- деп сұрасаң, әлбетте: “Алла” дейді. Сонда, қалай бұрылып, барады?"

—Құран кәрім, Зухруф сүресі, 87-аят

"Ал егер олардан: “Көктен жаңбыр жаудырып, онымен жерді өлімнен кейін жандандырған кім?”,-деп сұрасаң, әлбетте: “Алла” дейді. (Мұхаммед Ғ.С.): “Барлық мақтау Аллаға лайық” де. Бірақ олардың көбі түсінбейді."

—Құран кәрім, Әл-Анкәбут сүресі, 63-аят

Таухид әл-Асма уас-Сифаат

араб.: توحيد الأسماء والصفات‎; Таухид әл-Асма уас-Сифаат): Аллаһ тағаланың есімдері мен аттрибуттарының Бірлігіне сену, Аллаһ тағала Құранда айтады:

"Көктер мен жердің жаратушысы; сендер үшін өз жыныстарыңнан жұбайлар жаратып, хайуандар үшін де жұптар жаратушы. Өстіп сендерді өсірді. Еш нәрсе Ол сияқты емес. Ол Алла, әр нәрсені естуші, толық көруші."

—Құран кәрім, Аш-Шура сүресі, 11–аят

Тағы қара

Монотеизм