Ерейментау

Қала
Ерейментау
Әкімшілігі
Ел	ҚазақстанҚазақстан
Облысы	Ақмола облысы
Тарихы мен географиясы
Координаттары	51°37′ с. е. 73°06′ ш. б.51.617° с. е. 73.100° ш. б. / 51.617; 73.100
Уақыт белдеуі	UTC+5:00
Тұрғындары
Тұрғыны	11 724 адам (2010)
Сандық идентификаторлары
Автомобиль коды	03
Ерейментау
Ерейментау шекарасы

Ерейментау — Ақмола облысындағы қала , Ерейментау ауданының орталығы (1955 жылдан), т. ж. стансасы. Облыс орт. — Көкшетау қ-нан оңт-шығысқа қарай 440 км, Ерейментау тауының солт.-батыс баурайындағы бетеге, боз, сұлыбас, көде, айрауық өскен қызыл қоңыр және қара топырақты дала белдемінде орналасқан. Тұрғыны 15,1 мың адам (1999). Іргесі 1948 ж. Ақмола (қазіргі Астана) — Павлодар (1953) және Ерейментау — Айсары (1965) т. ж-дарын салуға байланысты қаланған. 1951 ж. кентке, 1965 ж. қалаға айналып, тез дами бастады. Қалада темір-бетон бұйымдары, қиыршықтас, әктас з-тары, т.ж. және автокөлік мекемелері, баспахана, 4 орта және 2 орталау мектеп және музыка, спорт мектептері, теміржолшылардың мәдениет сарайы, балалар мәдениет үйі, мәдениет-спорт кешені, кинотеатр, ауданы байланыс торабы, емхана, 2 аурухана, дәріхана, сан.-эпидемиол. ст. бар. Е. арқылы респ. маңызы бар Астана — Павлодар автомоб. жолы өтеді. Ерейментау – Сарыарқаның солтүстігіндегі таулы-орманды алқап. Ақмола және Қарағанды облыстары жерінде орналасқан. Абсолют биіктігі 901 м (Ақдің тауы). Таулы алқап оңтүстік-батыстан солтүстік-шығысқа қарай 100 км-ге созылып жатыр. Енді жері 30 км-ге дейін жетеді. Тау Өлеңті және Шідерті өзендерінің суайрығы болып табылады. Жарық, Қарасу, Олжабай, Тұрғынбай өзендерінің салалары тау беткейлерінен басталады. Тауаралық аңғарларында шипалық ем болатын тұзды және тұщы (Тайбай) көлдер мен бұлақтар көп кездеседі. Жер қыртысы континенттік шөгінділер мен көмкерілген кембрийге дейінгі кварцит және метаморфтық эффузивті жыныстардан түзілген. Олар Ерейментау антиклинорийін құрайды. Шығыс беткейлері тіктеу жартасты келген, аз тілімденген, кейбір жерлерінде қорымтастар кездеседі. Климаты қатаң континенттік. Қысы суық, қары аз (20 см). Қаңтар айының орташа темп-расы –17°С, шілдеде 20°С. Жылдық орташа жауын-шашын мөлш. 280 – 330 мм. Жер бетінде негізінен қызыл қоңыр, сортаңды күңгірт қызыл қоңыр топырақ қалыптасқан. Онда бетеге, сұлыбас, селеу, жусан, өзен-көл бойында қамыс, құрақ өскен. Тауаралық аңғарларында көктерек, қайың, үйеңкіден тұратын ормандар кездеседі. Орман ішінде және тау шатқалдарында қарағаш, тобылғы және жеміс-жидекті тоғай өскен. Өңірде орманды-дала белдемінің жануарлары (арқар, елік, ақ қоян, қарсақ, тиін, сарышұнақ, суыр, атжалман, күзен, түрлі тышқандар) мекендейді. Тауларында Ерейментау және Ақдөң қорықшалары орналасқан. Ерейментауда ірі қоңыр көмір кені барланған.