Уикипедия

Wikipedia Уикипедия
URL	http://www.wikipedia.org/
Коммерциялық	емес
Сайттың түрі	Желілік энциклопедия
Тіркелу	Міндетті емес
Тіл(дер)і	275 белсенді (барлығы 285)
Сервердің орналасқан жері	Майами, Флорида
Иесі	Wikimedia Қоры
Авторы	Джимми Уейлс және Ларри Сенгер
Ашылған уақыты	15 қаңтар 2001 жыл
Қазіргі статусы	белсенді

Уикипедия - (ағылш. Wikipedia, IPA: /ˌwiːkiːˈpiːdi.ə/, не /ˌwɪkiːˈpiːdi.ə/, немесе /ˌwɪkɪˈpiːdi.ə/) – Уики технологиясының негізінде жасалған оқырмандар мен авторлар үшін тегін және ашық, көптілді, онлайн энциклопедия. Энциклопедия Уикимедиа қорының www.wikipedia.org доменінде орналасқан. Жобаның иесі және оның дамуына жауапты Уикимедиа қоры болып саналады. Жобаның атауы «уики» немесе wiki (сайт құру технологиясы) және энциклопедия сөздерінен құрылған. Қазіргі уақытта энциклопедияның 285 тілде тараулары бар. Барлық тілдердегі мақалалардың жалпы саны 24 миллионнан асты.

Уикипедия сайтына кірген кез келген тұтынушының ондағы материалдар мен тақырыптарды өзгертуге құқығы бар. Уикипедияны толықтырып, мақала жазуға қатысып отыратын тұрақты қатысушыларды «Уикипедияшылар» деп атайды.

Тұңғыш рет 2001 жылдың қаңтар айында Джимии Уэлсон мен Ларри Сэнгером іске қосқан «Уикипедия» бүгінгі күні ғаламтордағы ең ірі және ең әйгілі мағлұматнама болып отыр. Көлеміне және қамтитын тақырыптар санына байланысты «Уикипедия» әлем тарихындағы ең толық энциклопедия болып саналады және оның үлкен ең артықшылықтарының бірі - ондағы мақалалардың әлемнің түрлі тілдерінде болуы.

Уикипедиядағы мақалалардың мазмұны сенімсіз әрі нақты деректер емес. Сыншылар Уикипедия вандализмге біртабан жақын екенін айтуда және олардың пікірінше ондағы материалдар сенімсіз дереккөздерге сүйенген, жалған ақпараттар болуы мүмкін. Алайда ғылыми зерттеулер нәтижелері әдетте Уикипедияшылар тарапынан вандализмге жол берілмейтінін көрсетіп отыр.

Энциклопедиялық мағлұматнама функциясын атқарумен қатар, жиі жаңартылып отыратындықтан Уикипедия желілік ақпарат тасымалдау көзіне айналды.

Уики - (ағылш. Wiki) арнайы құралдармен сайт құрылымын әр тұтынушыға өзгертуге мүмкіндік беретінт веб-сайт. Әйгілі уики-сайт - Википедия. Ең алғаш «уики» терминін сайттарды сипаттау үшін 1995 жылы Уорд Каннингем қолданды, бірінші уики-жүйе Wikiwikiweb, гавай тілінде «жылдам» деген мағынаны білдіреді.

Уорд Каннингем және оның көмекшісі Бо Леуф өздерінің «The Wiki Way: Quick collaboration on the web» кітабында «Уики» концепциясын былай тұжырымдаған:

• Уики кез келген қолданушыға сайтты өзгертуге және жаңа беттер құруға мүмкіндік береді және бұл үшін қарапайым веб браузер жарайды.
• Уики жүйесі парақтар арасындағы байланысты қамтамасыз етеді.
• Уики сайты кездейсоқ қолданушыларға арналмай қайта сайт құру процесіне үзіліссіз ынтымақтасатын қолданушыларды жұмылдыруға арналған

Уики жүйесі қасиеттерінің сипаттамасы:

• Бір мәтінді бірнеше рет өзгертуге мүмкіндік береді.
• Ерекше тіл белгілері - «уики белгілер» деп аталады, мәтін құрылымын элементтер мен гиперссылкалармен, әр түрлі көркемдеуге мүмкіндік береді.
• Өзгерісін есепке алу- жаңа өзгертулер мен ескі өзгертулерді салыстыру және ескі ақпаратты қайта орнына келтіруге мүмкіндік береді.
• Көп авторлар- сайтты барлық кірген тұтынушыларға өзгертуге мүмкіндік береді.

Тағы қараңыз

• Қазақша Уикипедия