Жаңабұлақ

Кожехар, Жаңабұлақ - Ақжайық ауданындағы село, Жаңабұлақ әкімшілік округінің орталығы. Аудан орталығы — Чапаев с-сынан солтүстік-батысқа қарай 18 км жерде, Жайықтың оң жағалауындағы қамыс, құрақ аралас боз, бетеге, т.б. астық тұқымдас шөптер өскен шалғынды-қоңыр, қызыл қоңыр топырақты құрғақ дала белдемінде орналасқан. Түрғыны 1,5 мың адам (1999). Іргесі 1946 ж. «Родник новый» ұжымшарының құрылуына байланысты қаланды. Оның негізінде 1997 жылдан Кожехарда және Қосшығыр ауылында 16 шаруа қожалығы мен 3 ЖШС-тер жұмыс істейді. Орта, орталау мектептер, мәдениет үйі, кітапхана, дәрігерлік амбулатория, фельдшерлік пункт бар. Түрғындары елді мекендермен автомобиль және су жолы арқылы қатынасады.