Таушық

Таушық ауылдық округі - Маңғыстау облысы Түпқараған аудандағы ауыл, өзімен аттас ауылдық округтің орталығы. Аудан орталығы – Форт-Шевченко қаласынан шығысқа қарай 95 км жерде орналасқан. Қргесі 20 ғ-дың 30-жылдарының басында қаланған. Тұрғыны 2,6 мың адам (2005). Қасында көмір кен орны бар. Соның негізінде мұнда 1932 – 39 ж. “Тау еңбек” көмір өндіретін артель жұмыс істеді. 1939 – 46 ж. “Маңғышлақ көмір тресі” орналасты. 2- дүниежүзілік соғыс жылдарында мұнда көмір өндірілді. 1993 жылдан тас көмір қайтадан өндіріле бастады. Таушықта бұрынғы “Жаңажол” түйе кеңшарының негізінде шұбат өндірумен айналысатын шаруа қожалығы құрылды. Шығыс жағынан 4 км жерден Ақтау – Қаражамбас – Қаламқас мұнай құбыры өтеді және мұнай айдау стансасы орналасқан. Таушық округі аумағында “Дәніспан”, “Итолы”, “Шақпақ Ата”, т.б. көпке танымал қорымдар мен тарихи ескерткіштер бар.