Халықаралық қазақ-түрік университеті

Қ.А.Ясауи атындағы Халықаралық қазақ-түрік университеті
Ұраны:
Терең тарихтан - жарқын болашаққа.
Университет атауы
Бұрынғы атауы	Түркістан мемлекеттік университеті
Жалпы сипаттамасы
Құрылған жылы	1991
Орналасуы
Орналасқан жері	Қазақстан Республикасы, ОҚО, Түркістан қаласы
Мекенжайы	Түркістан қаласы, Б.Саттарханов даңғылы, Университет қалашығы
Әкімшілік
Президенті	Әбдібеков Уәлихан Сейділдәұлы
Негізгі көрсеткіштер
Студенттер	15 мыңға жуық
Шетел студенттері	1200-ден астам
Бакалавриат	62 мамандық
Магистратура	29 мамандық
Докторантура	11мамандық
Сайты	iktu.kz

Халықаралық қазақ-түрік университеті

Бас ғимарат

Филология факультетінің ғимараты

Медицина факультетінің ғимараты

Қожа Ахмет Ясауи Клиникасы

Мәдениет сарайы

Мәдениет сарайының үлкен залы

Қожа Ахмет Ясауи атындағы Халықаралық қазақ-түрік университеті (түрікше: Hoca Ahmet Yesevi Uluslararası Türk-Kazak Üniversitesi) 1991 жылы 6 маусымда Президент Жарлығымен құрылған. Оңтүстік Қазақстан облысы Түркістан қаласында орналасқан. Алғашында Йасауи атындағы Түркістан мемлекеттік университеті болып аталған бұл оқу орны 1992 жылы 31 қазанда Қазақстан мен Түркия Республикаларының арасындағы келісім негізінде Халықаралық қазақ-түрік университеті болып қайта құрылды.

Жалпы мәліметтер

Университет – түркі тілдес мемлекеттер арасында ең алғаш халықаралық мәртебеге ие бірден-бір оқу орны. Мұнда әлемнің 32 түркі жұрағаты тұратын елдерден келген жастар білім алуда.

300 га жерді алып жатқан университет қалашығында ботаника бағы, профессорлық оқытушылар құрамына арналған тұрғын үйлер, оқу корпусы, т.б. ғимараттар орналасқан, шаруашылық, кілем тоқу, үлгілеу, тігу, шаштараз цехтары жұмыс істейді. Еуропалық үлгідегі мәдениет сарайы мен қонақ үй, 80 пәтерлік 10 коттеджі бар. Университетте алғаш небәрі 332 студент оқуға қабылданған болса, қазіргі таңда барлығы 30 мыңға жуық студент қазақ, түрік, орыс және ағылшын тілдерінде білім алады, 75 бакалавриат, 20 магистратура және аспирантура бағдарламалары бойынша жоғары білімді кәсіби мамандар дайындалады.

Білім ордасы Қазақстан мен Түркия Республикалары тарапынан құрылған 10 мүшеден тұратын Үкіметаралық Өкілетті Кеңес арқылы басқарылады.

Үкіметаралық Өкілетті Кеңестің бірінші төрағасы Намық Кемал Зейбек 1993-2006 жылдар аралығында университеттің өсіп-өркендеуіне үлкен үлес қосты. 2006-2008 жылдарда Четин Доған, 2008 жылдан бастап Өкілетті Кеңес төрағасы болып профессор Осман Хората тағайындалды.

Университеттің алғашқы президенті, х.ғ.д., профессор Мұрат Жұрынұлы Жұрынов 1991-2001 жылдар аралығында университет президенті қызметін атқарды. 2001-2003 жылдар аралығында э.ғ.д., профессор Оразалы Сәбден, 2003-2007 жылдары п.ғ.д., профессор Серік Жайлауұлы Пірәлиев басқарды. 2008 жылдың қаңтар айынан бастап, 2013 жылдың мамыр айына дейін техника ғылымдарының докторы, ҚР Ұлттық ғылым академиясының құрметті академигі Лесбек Тәшімұлы Тәшімов басқарды.

2013 жылдың мамыр айынан бастап Әбдібеков Уәлихан Сейділдәұлы басқарып келеді

Ашылу тарихы

Қожа Ахмет Ясауи атындағы Халықаралық қазақ-түрік университеті туысқан екі халық арасындағы байланысты нығайтып қана қоймайды, ол белді ғылым шаңырақтарының қатарына қосылады. Н.Ә.Назарбаев Қазақстан Республикасының Президенті

«... Ұлы ойшыл бабамыз Қожа Ахмет Ясауиге топырағы бұйырған қасиетті ата қонысымыз – Түркістанда шаңырақ көтерген бұл университет әлемдегі ең озық ғылым мен білім ордаларының біріне айналатынына кәміл сенемін». Сүлейман Демирел Түркия Республикасының Экс-Президенті

1992 жылы 1 мамырда Қазақстан Республикасы Президенті Н.Ә.Назарбаев пен Түркия Республикасы Премьер министрі С.Демирель кездесуінде Түркістан университетіне “халықаралық университет” мәртебесі берілді.

1992 жылы 31 қазанда “Түркістан қаласында Қожа Ахмет Ясауи атындағы Халықаралық қазақ-түрік университетін құру туралы” салалық келісім-шарт жасалды. Ахмет Ясауи атындағы Халықаралық қазақ-түрік университеті алғашында Елбасы Н.Ә.Назарбаевтың 1991 жылғы 6 маусымдағы №329 Жарлығымен Түркістан Мемлекеттік университеті болып құрылды. 1992 жылғы 31 қазанда Анкарада Қазақстан Республикасы мен Түркия Республикасы Үкіметтері арасында осы оқу орнын «Қожа Ахмет Ясауи атындағы Халықаралық қазақ-түрік университеті етіп қайта құру туралы» келісімге қол қойылды. Университет – түркі тілдес мемлекеттер арасында ең алғаш халықаралық мәртебеге ие бірден-бір оқу орны. Мұнда әлемнің 32 түркі жұрағаты тұратын елдерден келген жастар білім алуда.

Университетте алғаш небәрі 332 студент оқуға қабылданған болса, қазіргі таңда барлығы 30 мыңға жуық студент қазақ, түрік, орыс және ағылшын тілдерінде білім алады, 75 бакалавриат, 20 магистратура және аспирантура бағдарламалары бойынша жоғары білімді кәсіби мамандар дайындалады. Білім ордасы Қазақстан мен Түркия Республикалары тарапынан құрылған 10 мүшеден тұратын Үкіметаралық Өкілетті Кеңес арқылы басқарылады.

Үкіметаралық Өкілетті Кеңесінің бірінші төрағасы Намық Кемал Зейбек 1993-2006 жылдар аралығында университеттің өсіп-өркендеуіне үлкен үлес қосты. 2006-2008 жылдарда Четин Доған, 2008 жылдан бастап Өкілетті Кеңес төрағасы болып профессор Осман Хората тағайындалды.

Университеттің алғашқы президенті, х.ғ.д., профессор Мұрат Жұрынұлы Жұрынов 1991-2001 жылдар аралығында университет президенті қызметін атқарды.

Факультеттер

1. Медицина факультеті
2. Экономика факультеті
3. Заң факультеті
4. Ақпараттық Технологиялар және Инженерлік факультеті
5. Дайындық, тіл үйрету факультеті
6. Филология факультеті
7. Тарих педагогика факультеті
8. Жаратылыстану факультеті
9. Спорт және өнер факультеті

Сыртқы сілтемелер

http://www.iktu.kz// Ресми сайты