Кристофер Ингольд (Инголд)

(28.10.1893-08.12.1970)
Ағылшын химигі. 1924 жылдан бастап Лондон патшалық қоғамының мүшесі. 1913 жылы Лондон университетінің Империялық колледжін бітірген. 1913-1918, 1920-1924, 1930-1961 жылдары сонда жұмыс істеген (1930 жылдан бастап профессор болған). 1918-1919 жылдары Глазгода өндірістік компаниялардың бірінде, 1924-1930 Лидстегі университетінің профессоры болып қызмет еткен. Негізгі еңбектері, оның негізін салушы болған физикалық органикалық химияға арналған. 1926-1933 жылдары ароматтық қосылыстардың құрылысын зерттеген.
1926-1934 жылдары электрондық ығысулардың теориясын не мезомерия теориясын дамытқан. Электро-, нуклеофилді реагенттер мен реакциялар туралы түсінікті енгізген, электрондвқ ығысулар эффектілернінің классификациясының анықтады, оның себебін қарастырды, заттардың физикалық қасиеттері мен реакциялық қабілеттіліктерін олардың электрондық құрылысына тәуелділігін анықтауға арналған материалдың кең жалпылауын жүргізді (химиялық мәліметтер бойынша). Алкендердің галогенденуі мен гидратациясының механизмін зерттеген. Өзінің оқушысы мен әріптесі Э.Д. Хьюзбен бірге 1933-1946 жылдары қаныққан көміртегі атомындағы ығысу реакциясы кинетикасының фундаметалды зерттеуінің бірқатарын жүргізді. В. Прелогпен бірге 1966 жылы кеңістіктік конфигурацияларды R - және S - белгілеулерінің жалпы қабылданған жүйесін дайындады. Екі қайтара басылымнан өткен және орыс тіліне аударылған "Органикалық химияның теориялвқ негіздері" (1853 ж.) кітабының авторы. (1959, 2-ші басылым 1973 ж.).

Пайдаланған әдебиет:

С.К.Мырзалиева "Химия" (Балаларға арналған энциклопедиялық анықтамалық Алматы 2012ж.)