Жақсы Сарысу

ЖАҚСЫ САРЫСУ– Сарысу алабындағы өзен. Қарағанды обл. Шет және Жаңаарқа аудандары жерімен ағып өтеді. Ұз. 113 км, су жиналатын алабы 3510 км2. Сарыарқаның орт. бөлігіндегі Бұғылы, Жақсытағылы тауларынан басталады да Сарысу өз-не сол жағынан құяды. Қар және жер асты суларымен толығады. Жоғ. жағында арнасы тар келеді. Саға төңірегінде кеңейіп, жайылмасы қалыптасады. Ірі салалары – Ақсу, Нарбақ. Жылдық орташа су ағымы 0,33 – 0,67 м3/с. Қараша – сәуір айларында мұзы қатады. Ағынын реттеу және шабындықты көлдетіп суғару үшін Нарбақ саласы құйған жерінен шағын бөген салынған. Мал суарылады. Алабы – жайылым.

Сурет:Сурак.jpg