Бауыр ісігі

Бауыр рагы рактың өте сирек кездесетін түрі, көбінесе бауыр циррозына байланысты 50-60 жастан кейін дамиды.

Сыртқы көрінісіне қарап бауыр рагының: 1)түйінді; 2)ауқымды; 3)диффузды түрлерін ажыратады. Рактың түйінді түрінде бауырда бірнеше ісік түйіндері табылады. Олардың түрі ақшыл, сары немесе сарғыш жасыл, консистенциясы жұмсақ немесе қатты. Ісік түйіндері бірнеше жерден бір мезгілде өседі. Ауқымды рак бауырдың бір бөлігінде іріісік түйіні түрінде өседі. Кесіп көргенде ол ақшыл сұр немесе некроз, қан құйылуға байланысты, шұбар түсте көрінеді. Диффузды рак цирроздық өзгерістер негізінде дамиды, кейде ол бауыр тканіне араласа өсіп, сыртқы көрінісі анық білінбейді. Кейде рак диагнозы микроскопиялық тексеруден кейін ғана қойылады.

Бауыр рагын туындау көзі бойынша бірнеше топтарға бөледі: 1)бауыр клеткалары рагы; 2)өт жолдары рагы; 3)аралас рак; 4)дифференциаланбаған рак. Осылардың ішінде ең жиі ұшырайтыны гепатоллюлярлы рак. Рак клеткалары трабекула типіндегі құрылымдар түзеді, кейде олардың арасында без түзілісі тәрізді саңлаулар пайда болады.

Холангиоцеллюлярлы рак өт жолдарының эпителиіне ұқсайтын клеткалардан тұрып, безді рак құрылысына ие болады. Дифференциаланбаған рактарға ашық түсті клеткалардан тұратын рак және анаплазиялық рак кіреді, олар клетка атипизмінің басымдығымен сипатталады. Бауыр рагы лимфа түйіндеріне, гематогенді жолмен өкпеге, миға, бүйректерге метастаз береді. Кейде рак түйіні бауырдың өзінде метастаз жолымен таралады.