Нефроздық синдром

Нефроздық синдромның дамуы бүйрек сүзгісінің өткізгіштігінің күшеюіне байланысты болып клиникада протеинурия, гпиопротеинемия, гиперхолестеринемия, гиперхолестеринурия белгілерімен ,дененің ісінуімен көрінеді.

Көбінесе нефроздық синдром бүйрек сырқаттарында:жіті мен созылмалы мембранозды гломерулонефритте, бүйрек амилоидозында, диабеттік нефропатияда және т.б. болып екіншілік нефроздық синдром липоидты нефроз немесе идиопатиялық нефроздық синдром деген атпен белгілі. Бұл патологияның негізінде подоциттердің туа біткен, ферментопатияға байланысты өзгерістері жатады.

Патологиялық анатомиясы

Нефроздық синдромның морфологиясын тек электронды микроскоппен ғана ажыратуға болады. Бұл жерде подоциттердің кіші өскіндерінің аяқшаларының бір-біріне қосылып, негізгі мембрананың үстіне жайылып кеткені көрінеді.

Бұл мембрананың өзі өзгермеген, депозиттер жоқ. Негізгі морфологиялық өзгерістер бүйрек өзектерінде дамиды. Ол жерге белокты және майлы дистрофия, некробиоз, десквамация құбылыстары; өзек ішіндегі гиалинді,түйіршікті дистрофия және цилиндрлер табылады. Бүйректер едәуір үлкейеді, олардың қыртысты қабаты өте қалыңдап ақшыл-сары түске кіреді, ал оның пирамидалары керісінше қанмен толып көкшіл-қызыл болып көрінеді. Бұл синдромнан кейін бүйректе еш өзгеріс қалмайды, тек кейбір жағдайларда ғана ошақты гломерулосклероз дамиды.

Ересек кісілерде осы синдром мембранозды гломерулонефрит деп аталып, негізгі мембранаға иммунды депозиттің шөгіп қалуымен,осыған байланысты оның қалыңдауымен сипатталады.