Тапа-талтүс

Тапа, тапа тал түс. Түсіндірме сөздіктегі түсінік — шаңқай түс. «Дені сау адам тапа тал түсте із-тозсыз жоғалады деген не сұмдық» (Е. Оразақов, Дәрігер.). Бұл сөз тіркесіндегі бізге - мағынасы түсініксіз — «тапа». Ал қалған «тал түс» сөздерінің төркінін іздеп жатудың қажеті шамалы. Өйткені екеуі де өте ертеден қолданылып келе жатқан сөздер. Кейбір деректерге қарағанда, «тапа» сөзін «дапа» тұлғасымен байланыстырған жөн сияқты. Қырғыз тілінде «дапа»— мезгіл, уақыт мағынасында қолданылады. Қырғыздарға бұл сөздің арабтардан ауысқаны белгіленген. Егер осы мәлімет бойынша, түсінігін жеңілдетсек, «тапа тал түс»—«уақыт дәл түс» дегенмен бірдей.