Шыбыншылар тұқымдасы

Жалпылама ұғым

Шыбыншылар тұқымдасы (Muscicapidae) – торғайтәріздес құстар отрядына жататын 73 тұқымдастың біреуі. Шыбыншы тұқымдас құстар – ормандарда және қалың өскен бұталарда, сондай-ақ дақылды ландшафта да мекендейтін ұсақ тоғайтәріздес құстар. Дене бітімі едәуір тығыз, жабын қауырсындары тегіс, жұмсақ. Қанаты біршама үшкірлеу. Тұсығы – бунақдене жегіш құстар ретінде жіңішке, жұп жағы кең, жалпақтау, ұшында кішкене ілмегі бар. Езуінде аулағыш аумақты үлкенірек ететін жақсы дамыған қылтандары болады. Түрдің көпшілігі ұшып жүрген бунақденелілерді ағаш бұтақтарынан аңдып аулайды. Аяқтары – әлсіз және қысқа, жерде ұзақ жүруге бейімделмеген. Жабын қауырсындарының реңі – бір түстес реңсізден өте көрікті ашық түсті болып келеді. Бір түрлердің аталықтары аналықтарынан жақсы ажыратылса, екінші түрлерінде олар ұқсас болады. Жас құстар әрқашан теңбілді болғанымен, алғашқы күзде қауырсындарын ауыстырып, аналықтардан айырмашылығы болмай қалады.

Дереккөз

"Құстар" энциклопедиясы