Мұсылманбек Жұманұлы Сейітов

СЕЙІТОВ Мұсылманбек Жұманұлы (1887, Омбы қ. — 7.12.1937, Өскемен) — Алаш қозғалысының қайраткері. Омбы мұғалімдер семинариясында оқыған. “Бірлік” ұйымының белсенді мүшесі болып, “Балапан” журналының шығуына атсалысты. 1917 ж. Ақпан төңкерісінен кейін қазақтардың саяси белсенділігін арттыру жолында Омбы обл. қазақ к-тінің құрамына кірді. Бірінші жалпықазақ съезінде Омбы обл. қазақтары атынан Бүкілресейлік құрылтай жиналысына депутаттыққа кандидат ретінде ұсынылды. Алаш партиясының мүшесі болды. “Үш жүз” партиясын қазақтар арасындағы тұтастыққа нұқсан келтіреді деп санады. Кеңес өкіметі орнағаннан кейін Омбыда мұғалім, Павлодар обл-нда экономист болып еңбек етті. 1937 ж. саяси қуғын-сүргін құрбаны болды.