Ішкі ақпарат

Ішкі ақпарат – корпорация туралы ақпарат. І. а. директорлар мен қызметшілердің қолында болады, бірақ көпшіліктің пайдалануы үшін жарияланбайды. Онда корпорацияның қаржылық жағдайы, ғыл.-зерт. және тәжірибелік-құрастырымдық жұмыстары, стратегиясы мен жоспарлары, т.б. туралы неғұрлым егжей-тегжейлі ақпарат беріледі. Бұл ақпарат көпшілікке жариялана қалған күнде акциялардың бағамына әсерін тигізуі немесе бәсекелестердің білуі корпорацияның нарықтағы жағдайына салқынын тигізуі ықтимал. Бірқатар елдердің ұлттық заңнамасы басшы қызметкерлер мен қызметшілердің өздері жұмыс істейтін корпорация туралы І. а-ты жеке мүдделері үшін, соның ішінде бағалы қағаздар нарығында операциялар жасауда пайдалануға тыйым салады.

Пайдаланылған cілтемелер