Александр Васильевич Суворов

Александр Васильевич Суворов
Туған күні	24 қараша 1730 (1730-11-24)
Туған жері	Мәскеу, Ресей империясы
Қайтыс болған күні	18 мамыр 1800 (1800-05-18) (69 жас)
Қайтыс болған жері	Санкт-Петербург, Ресей империясы
Мемлекет	Ресей империясы
Әскер түрі	жаяу әскер, атты әскер
Қызмет еткен жылдары	1748—1800
Атағы	Генералиссимус
Басқарды	Ресей империялық армиясы, Империялық армия
Шайқасы	Козлуджи, Кинбурн, Фокшана, Рымник, Измаил, Прага, Адда, Треббия, Нови
Марапаттары	Үлгі:Орден Святого апостола Андрея Первозванного Үлгі:Орден Святого Георгия 1 степени Үлгі:Орден Святого Георгия 2 степени Үлгі:Орден Святого Георгия 3 степени Үлгі:Орден Святого Владимира 1 степени Үлгі:Орден Святого Александра Невского Үлгі:Орден Святой Анны Үлгі:Орден Святого Иоанна Иерусалимского (Россия) Үлгі:Золотое оружие «За храбрость» с алмазами Үлгі:Золотое оружие «За храбрость» с алмазами Иностранные ордена: Үлгі:Военный орден Марии Терезии Үлгі:Орден Чёрного орла Үлгі:Орден Красного орла Үлгі:Орден Святого Губерта Үлгі:Кавалер Высшего ордена Святого Благовещения Үлгі:Кавалер Большого креста ордена Святых Маврикия и Лазаря
Қолтаңбасы	Суворов Рымникский автограф ЖЗЛ.svg

Суворов Александр Васильевич (13 (24) қараша 1729, Мәскеу қаласы – 6 (18) мамыр 1800, Санкт-Петербург) – әскери қолбасшы, орыс соғыс өнерін дамытушылардың бірі, генералиссимус (1799).

Сурет:В.Суриков. Суворовтың Альпі тауынан асуы.tif

Суворовтың Альпі тауынан асуы

Әскери қызметті 1748 жылы капрал дәрежесінде бастаған Суворовтың қолбасылық таланты орыс-түрік соғыстары кезінде көрінді. Бұл соғыстар барысында ноғай, қабарда-черкес, шешен, т.б. халықтар көп қырғынға ұшырады. Ноғайлардың бір бөлігі (180 мың отбасы) Түркияға қоныс аударды. 1774 жылы 10 маусымда Козлудж елді мекенінің түбінде Суворов 18 мың әскермен түрік армиясының 40 мың қолын талқандап, ірі жеңіске жетті. Ресей патшайымы Екатерина ІІ Суворовты Е.Пугачев бастаған шаруалар соғысын (1773 – 75) басуға да пайдаланды. 1774 жылы тамызда көтеріліс ошағы Еділ мен Жайық аймағына келген Суворовқа Пугачевті тұтқындау және көтерілісті жедел басу тапсырылды. Көтерілісті басуға жетекшілік жасаған генерал П.И. Панинге 1775 жылы 22 маусымда жазған хатында Суворов “Сырым бастаған қарулы топтар тосыннан шабуыл жасап, тез арада ғайып болады. Оның артынан қуғанмен ешкім жете алмайды. Бүгіннен бастап бірде-бір қолайлы сәтті жібермей, Сырым батыр бастаған қазақтарды қай жерде кездессе де өлтіріңдер”, – деп бұйрық берген. 1778 – 79 ж. Қырым және Кубань корпустарының қолбасшысы Суворов Қырым түбегін Ресей құрамына қосу бағытындағы әскери іс-шараларды жүргізді. Генерал-аншеф Суворовтың әскері 1789 жылы 11 қыркүйекте Рымник түбінде түрік әскерінің 90 мың қолын жеңді. 1790 жылы түріктің Измаил қамалын тіке шабуылмен алуы оның соғыс өнеріндегі үлкен жетістіктерінің бірі болды. 1794 жылы поляк халқының ұлт-азаттық көтерілісін басуға жіберілді. Брест, Крупница, Кобылка түбінде көтерілісшілерді талқандап, 24 қазанда Праганы, содан кейін Варшаваны алған Суворовқа фельдмаршал атағы берілді. Сувовров өзінің әскери және соғыс тәжірибесіне сүйене отырып, әскери оқу-жаттығу мен тәрбие жүйесін, әскери тактика мен стратегия мәселелерін баяндайтын “Жеңіс ғылымы” атты еңбегін жазды. Суворов тактикасы тегеурінді соққы, жылдам қимыл және тұтқиыл әрекетке негізделді. 1796 жылы Павел І таққа отырған соң, орыс әскеріне прусс тәртібі мен жарғысының енгізілуіне Суворов ашық наразылығын білдірді. 1797 жылы ақпанда Суворов отставкаға шығарылып, Кончанскоедегі имениесіне жіберілді. 1798 жылы Ресей Францияға қарсы коалицияға қосылғанда, ол қайта шақырылып, одақтастардың Италиядағы әскеріне қолбасшы болып тағайындалды. 1799 жылы сәуірде Адда өзені алабында француз әскеріне соққы берген Суворов алты аптада бүкіл Солтүстік Италияны басып алды. 1799 ж. 1 қазанда Альпі тауы арқылы Швейцарияғаөткен Суворовқа генералиссимус атағы берілді.

Суреттер