Түймедағы: Нұсқалар арасындағы айырмашылық

Уикипедия — ашық энциклопедиясынан алынған мәлімет
Навигацияға өту Іздеуге өту
Content deleted Content added
Жаңа бетте: ТҮЙМЕДАҒЫ (Matrіcarіa) – күрделі гүлділер тұқымдасына жататын бір жылдық шөптесін өсімдіктер. Қазақ...
(Айырмашылық жоқ)

16:09, 2011 ж. маусымның 19 кезіндегі нұсқа

ТҮЙМЕДАҒЫ (Matrіcarіa) – күрделі гүлділер тұқымдасына жататын бір жылдық шөптесін өсімдіктер. Қазақстанда Алтайда, Жетісу (Жоңғар), Қле, Күнгей Алатауларының көбінесе ашық жерлерінде өсетін 2 түрі: дәрілік Т. (М. recutіta) және кәдімгі Т. (М. matrіcarіoіdes) бар. Олардың биікт. 10 – 35 см. Сабағы бұтақты. Жапырақтары қауырсын тәрізді үш қайтара тілімделген, кезектесіп орналасқан. Гүлі ақ, гүлтозаңы сары түсті, себет гүлшоғырына топталып, дара гүлдері сабақтың ұшында жетіледі. Тұқымынан көбейеді. Мамыр – шілде айларында гүлдеп, маусым – қыркүйекте жемісі піседі. Жемісі – дәнек. Т. гүлшоғырының құрамында эфир майы (0,5 – 0,12%), терпен, спирт, органик. қышқылдар, витаминдер, т.б. заттар бар. Т. – дәрілік өсімдік, оны қабынғанға қарсы әсер ететін, тер шығаратын, ауырған жерді тыныштандыратын дәрі ретінде және клизма жасауға қолданылады. Қш өткенде, ішек түйнегенде ішеді. Сондай-ақ оның антисептик. қасиеті де бар. Парфюмерияда, шарап өндірісінде пайдаланылады, гүлінен сары түсті бояу алынады.

[1]

Пайдаланылған әдебиет

  1. “Қазақ Энциклопедиясы”, VIII-том