Нөсер

НӨСЕР – қысқа уақытта құйып өтетін жаңбыр. Басталғанда төгіп жауып, күрт тыйыла қалуы мүмкін. Өте қысқа уақытқа созылуы жеке бұлттан немесе салқын шептегі жіңішке өңірді ғана қамтитын бұлттан жаууымен байланысты. Жылы жер бетіндегі салқын ауа массасынан түсетін Н. жаңбыр кейде бірнеше минутта-ақ өте шығады. Жаздағы жергілікті конвекция жағдайында будақ жаңбыр бұлты кең алқапты қамтығанда немесе шептер өткенде Н. жаңбыр сағаттап жауады. Н. жауу екпіні түрліше, кейде 21,5 мм/мин-қа жеткен кездері байқалған. Н. жауу уақыты артқан сайын екпіні кеми береді. Н. жаңбыр тропиктік және экваторлық ендіктердегі жауын-шашынның негізгі түрі. Субтропиктік және қоңыржай белдеулерде де өтіп тұрады. Н. термині синоптик. метеорологияда жауын-шашынның барлық түріне де (қар, қиыршық) қолданылады.