Секреция

СЕКРЕЦИЯ (лат. secretіo — бөліну), тасшемен — тау жыныстарындағы қуыстардың кристалдық немесе коллоидтық заттармен толуынан қалыптасқан қоспа. Бұл заттар қуыстарда қабырғасынан ортасына қарай концентрлік тетелестік бойынша біртіндеп (ортасы қуыстанып) орналасады және түсі мен құрамы бір-бірінен өзгеше өте жұқа қабатшалар түзеді. С-ның орт. бөліктерінде талшықты агрегаттар, кішігірім қуыстарда друза түріндегі кристалдар, іркінді түзілімдер байқалады. Атпа тау жыныстары мен қалдық ерітінділердің кристалдарымен толған диам. 2 мм қуыстар — миаролит, 10 мм-дейі миндалина (бадамтас) С-сы, ал олардан ірілері жеода деп аталады. С-ның түзілуі гипергендік және гидротермалдық процестер нәтижесінде ерітінділермен келген заттарға байланысты. С. көбіне мұражайлар үшін бағалы коллекц. материал болып табылады.