Селевки әулеті

СЕЛЕВКИ ӘУЛЕТІ, б.з.б. 312 — 64 ж. Батыс Азияда эллиндік (грек-македон) мемлекеттердің бірін билеген. Негізін Селевк І Никатор қалаған. Астанасы — Селевкия, кейіннен Антиохия болды. С. ә. мемлекетіне Сирия, Месопатамия, Кіші Азияның бір бөлігі, Иран таулы өлкесі, Орт. Азияның бір бөлігі кірді. Мемлекетте егін, мал, жүзім ш., мата тоқу, метал өңдеу, қолөнер жақсы дамыды, ірі қалалары көп болды. Селевк І-нің алғашқы мирасқорлары тұсында Кіші Азияда — Пергам, Каппадокия, Вифиния, Понт бөлініп шықты. Ішкі тартыстардан С. ә. әлсіреп, көп жерлерінен айырылуына тура келді. Б.з.б. 64 ж. С. ә. мемлекетінің ең соңғы бөлігі (Сирия) Рим провинциясына айналды.