Тамилдер

Тамильдер— Оңтүстік Азиядағы халық. Үндістанды (37 млн-ға жуық адам, көпшілігі Тамилнад штатында, 1971), Шри-Ланкада (2,5 мдн. адам), Малайзияны (0,6 млн. адам), Бирманы (180 мың адам), Сингапурды (90 мың адам), Австралия мен Мұхит аралдарын (35 мық) мекендейді. Тамиль тілінде сөйлейді. Діни нанымдары біркелкі емес. Басым көпшілігі индуистер, біраз бөлігі ислам дінін ұстайды. Антропология жағынан Т. оңт.-үнді нәсіліне жатады, жалпы шығу тегі дра-видтермен сабақтас. Б. з. б. 3 ғ. тамильдің Чола, Чера, Пандья деген мемлекеттері белгілі болды. 14 ғ-да Тамилнад («тамильдер мекені») Виджа-янагар империясының бөлігі еді. 17 ғ-да бұл бірнеше князьдыққа бөлінеді. Т-дің 80%-ке жуығы а. ш-мен айналысады. Олардың дәстүрлі кәсібі — жібек өндіру, тері, металл өңдеу. Өнердің дамыған саласы — архитектура және қола пластикалардан түрлі әшекей бұйымдар жасау, классикалық би, ұлттық театр.

Әдебиет

Народы Южной Азии, М., 1963; Алексеев В. И., Макаренко В. А., Страна тамилов, М., 1965; Ша* пошникоіва Л. В., Годы и дни Мадра-са. М.. 1971.