Мүсілім Әмірханұлы Ермеков

ЕРМЕКОВ Мүсілім Әмірханұлы (15.12.1906, Қарағанды обл. Қарқаралы ауд. – 21.5.1973, Алматы қ.) – а. ш. ғыл. докт. (1969), проф. (1965), Қазақстан ҒА-ның корр. мүшесі (1962), Қазақ КСР-інің еңбек сің. ғыл. қайраткері (1956). Мәскеу а. ш. академиясын бітірген (1930). Алматы зоотех.-малдәрігерлік ин-тында (қазіргі Қазақ ұлттық агр. ун-ті) ассистент, доцент, кафедра меңгерушісі (1930–36), КСРО ҒА Қазақ бөлімшесінің Зоол. ин-ты мен Эксперименттік биол. ин-ттарында (қазіргі «Биоген» жабық акцион. қоғамы), Қазақ мал ш. ғыл.-зерт. ин-тында аға ғыл. қызметкер, бөлім меңгерушісі (1936–61), Қазақстан а. ш. министрінің орынбасары, 1-орынбасары (1961–63), Алматы зоотех.-малдәрігерлік ин-тының ректоры (1963–72) қызметтерін атқарған; сол ин-ттың проф. (1972–73) болды. Оның негізгі ғыл. еңбектері қой ш-н дамыту және оны зерттеу, оларды жетілдіру мәселелеріне арналған. Е. Қазақстанның қазақы қой тұқымын асыл қой тұқымды қоймен будандастыру, биязы және биязылау, құйрықты-қылшықты, ұяң-қылшықты және қаракөл қой тұқымдарын көбейтіп, олардың өнім сапасын арттыруға, қойдың жаңа тұқымдарын өсіріп, оларды жергілікті жерге тез бейімделуіне ат салысты. Е. республикамыздағы шөл-шөлейтті аймақтарда өсірілетін қой тұқымдарын шығарушылардың бірі. 2 рет Еңбек Қызыл Ту, «Құрмет Белгісі» ордендерімен және медальдармен марапатталған.