Антон Антонович Дельвиг

Дельвиг Антон Антонович (1798-1831)- орыс ақыны.Дельвигтің өліндірін Абай жақсы білген. Оның «Сұрғылт тұман дым бүркіп, барқыт бешпент сулайды» атты өлеңін еркін аударған және оған ән жазған. Абай өлендерінің 1957 жылғы Әуезов жетекшілік еткен басылымында ғана бұл өлеңнің Дельвигтікі екені айтылған. Онда бұл шығарма «Не осенний мелкий дождичек» деп басталатын орыс халық өлеңінен (сөзі А. Дельвигтікі, музыкасы М. И. Глинканікі) жалпы мағынасы сақталып өте еркін аударылғанын, бүтіндей алғанда, өлең аударма көлемінде қалмай, тың, жаңа шығармаға айналғанына түсініктеме береді (Абай Құнанбаев. Шығармаларының екі томдық толық жинағы, 1957, 232-бет).