Григорий Николаевич Потанин

Г.Н.Потанин.

Григорий Николаевич Потанин (4.10.1835, Павлодар губерниясы Ямышево ауылы – 30.6.1920, Ресей, Томск қаласы) – Орта Азияның табиғатын, этнографиясын зерттеген саяхатшы, географ, этнограф, фольклоршы.

• 1852 Омбыдағы кадет корпусын бітірген.
• 1853-1858 Семей мен Омбыда әскери қызметте болды.
• 1859-1862 Сонда жүріп, Ш.Ш.Уәлихановпен достық қарым-қатынаста болды. Петербург университетінің табиғаттану бөлімінде оқыды.
• 1861 ж. студенттік толқуларға қатысқаны үшін Сібірге жер аударылды.
• 1863-1864 ж. Зайсан көлі мен Тарбағатай тауын зерттеді.
• 1876-1877 1879–80 ж. Моңғолияның солтүстік-батысы және Туваға, экспедицияларға қатысты.
• 1884-1886 және 1892-1893 Солтүстік Қытай, Шығыс Тибет, Орта Моңғолия экспедицияларға қатысты.
• 1899 ж. Үлкен Хинганға шыққан экспедицияларға қатысты.

Ғылыми еңбектер

Қазақ фольклоры үлгілерін, жалпы түркі тілдес халықтардың ауыз әдебиетін жинап, «Қазақтардың және алтайлықтардың аңыздары, аңыз-әңгімелері және ертегілері» (1916) атты еңбегін жазды. Потанин есімімен Наньшань тауындағы жота, Моңғол Алтайындағы мұздық аталған.