Несіп Жүнісбаев

Қысқаша мәлімет

Жүнісбаев Несіп (10.12. 1950, Талдықорған облысы Қаратал ауданы Көпбірлік ауылы) – журналист, жазушы, тоғызқұмалақтан Қазақстанның спорт шебері (1987), жоғары дәрежелі төреші, Қазақстанның еңбек сіңірген жаттықтырушысы (1998). ҚазМУ-ды (1975), Қазақ дене тәрбиесі институтын (1995, қазіргі Қазақ мемлекеттік спорт және туризм академиясы) бітірген. 1975 – 91 жылы “Лениншіл жас” (қазіргі “Жас алаш”) газетінің бөлім меңгерушісі болды. 1991 жылдан “SPORT&ks” газетінің бас редакторы. Жүнісбаев Несіп Қазақстанның тоғызқұмалақтан өткен тұңғыш спартакиадасының чемпионы (1984) болды. Республикалық тоғызқұмалақ федерациясының тұңғыш президенті. Қазақстан спорт журналистері қауымдастығының төрағасы. Спорт тақырыбына арналған оннан астам кітабы жарық көрген.Спорт тақырыбына арнап оннан астам кітап жазған. "Үшінші раунд" (1980), "Ауылдан шыққан алыптар" (1986), "Мексикадағы футбол тойы" (1988), "Футболмен тыныстаған Испания" (1989), "Олимпийский маршрут" (1999, 2002) кітаптары жарық көрген. Жүнісбаев Қазақстанда тұңғыш "Намыс" ұлттық футбол клубын ұйымдастырушы. Әлем спорт журналистері қауымдастыгының мүшесі жане Азия спорт Журналистер одағы атқару комитеттінің мүшесі. Орыс тілінде жазылған "Олимиийский маршрут: Барселона - 92, Атланта - 96, Нагано - 98" атты кітабы 2000 жылдың қорытындысында Қазақстан Республикасы Президентінің алғысына ие болды. "Жалын" баспасы ұйымдастырған жабық бәйгесінің (1985) жүлдегері. "Әкемнің қамшысы" (2002), "Намыс жыртар ұл қайда?" (2003) атты ой толғамдары жарық көрген.

Сілтемелер

• журналист
• Жас алаш
• Талдықорған облысы
• жазушы
• тоғызқұмалақ