Ләйла Ахметова

Ләйла Ахметова (12.2.1954. Алматы) - журналист, ғалым. <ref> "Қазақ телевизиясы", Энциклопедия, "ҚазАқпарат" Алматы, 2009 1-т, ISBN 978-601-03-0070-5 . ҚазМУ-ді бітірген (1976). Журналистика саласын зерттеуші. 1976-78 жылдар ҚазМУ-дің телерадиожурналистика кафедрасының ассистенті, 1978- 82 жылдары кафедра аспиранты. Қызметті белсенді қоғамдық жұмыспен ұштастырды.

1981- 85 жылдары ҚазМУ студенттері кәсіподағының төрайымы. 1985- 93 жылдары халықаралық журналистика кафедрасының доценті. 1993-2000 жылдары әл-Фараби атындағы ҚазҰУ-дің қызметкерлері кәсіподағының төрайымы, 2000-2001жылдары ҚазҰУ-дің тәрбие жұмыстары және әлеуметтік мәселелер жөніндегі проректоры, 2001-2005 жылдары БАҚ менеджменті және жарнамасы кафедрасының меңгерушісі, 2005 жылы бастап журналистика тарихы кафедрасының профессоры 2009 жылы ҚазҰУ-дің журналистика факультінің жанындағы ЮНЕСКО кафедрасының меңгерушісі.

Университтегі қызметі кезінде жалпы және арнаулы курстарға, оның ішінде "Журналистика қоғамның саяси құрылымында", "Журналистика және конфликтология", "Журналистика және менеджмент", "Журналистика және экология" т.б. лекциялар дайындап, оқыды. Ахметова 80-нен астам ғылыми жарияланымы (соның ішінде шетелдерде де), 10 кітабы, 4 кітапшасы, 5 әдістемелік құралы бар. Тарих ғылымының докторы (1998)., профессор (1999). 1998 жылы "Қазақстандықтарды 1946- 91 жылдары кеңестік бұйрықты - әкімшілік жүйесі жағдайында патриоттық тәрбиелеу мәселелері (БАҚ материалдары бойынша)" деген тақырыпта докторлық диссертаия қорғады. Қазақстан БАҚ-қа белсенді қатысады, Қазақстан Журналистер одағы сыйлығының иегері.