Бақытжан Әбдірайымов

Бақытжан Әбдірайымов (13.5.1965. Жамбыл облысы Қаратау қаласы) - ғалым, қоғам қайраткері.<ref> "Қазақ телевизиясы", Энциклопедия, "ҚазАқпарат" Алматы, 2009 1-т, ISBN 978-601-03-0070-5 . ҚазМУ-ді (1990), "Тұран" университетің (1997), ҚазМУ-дің аспирантурасын (1992), ҚР ҰҒА мемлекет пен құқық инстиутының докторантурасын (2001) бітірген.Заң ғылмдарының докторы профессор.

Еңбек жолын ҚР Мемлекеттік арбитражында заң кеңесшісі, экономика кеңесші және мемлекеттік төреші болып жұмыс істейді. ҚР Жоғарғы Арбитраждық сотының қазысы, 1995 жылы Жоғарғы Сот Кеңесінің мүшесі болып тағайындалады. Қазылардың III съезінде ҚР қазылар одағының төрағасы болып сайланды. 2002 жылы ҚР Президентінің өкілімен ҚР Парламентіндегі Өкілдігінің басшысы болып істеді. 2006 жылы бастап ҚР Парламенті Сенаты Аппаратының басшысы, Парламенттегі Мемлекет басшысы өкілдігін басқарды.

Қазіргі таңда Л.Гумилев атындағы ЕҰУ-дің ректоры. Әбдірайымов бірнеше монографиялардың авторы, олардың ішінде "ҚР жер процесіндегі заңдылықты қамтамасыз етудің құқықтық тетіктері" (1998), "ҚР заңнамасы бойынша келтірілген экологиялық зиянның орнын толтыру" (2001), "ҚР жер процесі" (2001) және т.б. Сондай-ақ жер, аграрлық және экологиялық заңнамалар проблемалары бойынша 20-дан астам оқу-практикалық және ғылыми-әдістемелік құралдардың авторы. Жер құқығы мен азаматтық процесс, сот және шаруашылық құқығы бойынша 50-ден астам жарияланымдары бар. ҚР жер кодексін әзірлеуге қатысты. "ҚР құрметті қазысы", "Үш би" қазылық қауымдастығының "Құрмет белгісімен", "Құрмет" орденімен, "Қазақстан Республикасына 10 жыл", "Қазақстан Республикасы Парламентіне 10 жыл" мерейтойлық медальдармен марапатталған.