Тағай Қансейітов

Тағай Қансейітов
Дүниеге келгені:	10.5. 1950 Оңтүстік Қазақстан облысы Төле би ауданы Аққұм ауылы
Мансабы:	ауыл шаруашылық ғылым докторы

Тағай Қансейітов (10.5. 1950 жылы туылған, Оңтүстік Қазақстан облысы Төле би ауданы Аққұм ауылы) – ауыл шаруашылық ғылым докторы (2004). Самарқанд ауыл шаруашылық институтын бітірген (1973). Атырау облысы Махамбет ауданы «Новобогат» кеңшарында зоотехник (1973–75), Қазақ қаракөл шаруашылығын ғылым-зерттеу институтында зоотехник, ғылым қызметкер (1975–94) болды. 1994 жылдан қазіргі Батыс Қазақстан ауыл шаруашылық ғылым-өндірістік ортасында жетекші ғылым қызметкер. «Научные основы и практические приемы создания стад каракулево-курдючных овец окраски сур бронзовой расцветки» тақырыбында докторлық диссертациясын қорғады. Негізгі ғылым еңбектері өзіндік түсімен ерекшеленетін қойдың жаңа тұқымын анықтап, өндіріске енгізуге арналған. Қазақстан Республикасы Мемлекеттік сыйлығын лауреаты (2005).