Сараево

Сара́ево (серб. Сарајево, босн. Sarajevo) — Босния және Герцеговинаның астанасы және Сараеволық кантонның әкімшілік орталығы.

Қаланың негізі 1244 жылы қаланған. 1507 жылға дейін Врхбосна деп аталған. Босния және Герцеговина федерациясының аймағында орналасқан. Тұрғындардың көпшілігі босниялықтар мен хорваттар. Халқы - 438,757 адам.

Сараево - елдiң индустриалды және мәдениет орталығы. Қалада көптеген өнеркәсіптік кәсіпорындар орналасқан, сонымен қатар ғылым және өнер Академиясы, Босния және Герцеговина мұражайы, университет пен көркем галерея бар.

Қала халқының тұрғындары ислам, православие, католицизм және иудаизм діндерін ұстанады. Әлемге әртүрлі діни сенім өкілдерінің ғасырлар бойы қатар өмір сүріп жатқан қаласы ретінде танымал, өзінің дәстүрлі діни түрлілігімен белгілі. Осындай діни түрлілігі және ұзақ тарихы үшін Сараевоны "Еуропа Иерусалимі" немесе "Балқан Иерусалимі" деп жиі атайды. Үлгі:Link FA Үлгі:Link GA