Шерхан Мұртазаұлы Мұртаза

Шерхан Мұртазаұлы Мұртаза

1932 жылы 28 қыркүйекте Жамбыл облысы Жуалы ауданы Талапты ауылында туған. Қазақ.

Мәскеу полиграфиялық институтын (1953) редактор мамандығы бойынша; М.В.Ломоносов атындағы Мәскеу мемелекеттік университетін (1955) журналист мамандығы бойынша бітірген.

Қ.А.Иассауи атындағы Халықаралық қазақ-түрік университетінің құрметті профессоры.

Қазақ, орыс, татар, башқұрт, қырғыз, өзбек, түркмен,әзірбайжан және т.б. тілдерін біледі.

«41-ші жыл келіні», «Интернат наны», «Жүрек қартаймайды» әңгімелер жинақтарының; «Қара алқа», «Қызыл садақ» романдарының; «Сталинге хат», «Бесеудіңхаты», «Бесінші бұрыш» пьесаларының авторы.

2 томдық шығармалар жинағы жарық көрді (1982). Ш. Айтматовтың туындыларын қазақ тіліне аударды.

КОКП мүшесі (1961-1991).

1955 жылдан - Қазақ мемлекеттік көркем әдебиет баспасының проза бойынша редакторы, техникалық редакторы. 1956 жылдан - «Лениншіл Жас» газетінің аудармашысы, әдеби қызметкері, меншікті тілшісі, редактор орынбасарының қызметін атқарушысы. 1960 жылдан - сынау және библиография бөлімінің әдеби қызметкері, әдебиет, өнер және мәдениет бөлімінің әдеби қызметкері, Алматы облысы бойынша тілшісі, Қостанай облысы бойынша меншікті тілшісі, «Социалистік Қазақстан» газеті редакциясының өндіріс және көлік бөлімінің зертханашысы. 1963 жылдан - «Лениншіл Жас» газетінің редакторы. 1970-1972 жылдары - «Жазушы» баспасының балалар-жасөспірімдер әдебиетінің бас редакциясының бас редакторы. 1971 жылдан - «Жалын» журналының бас редакторы (қосарланған жұмыс). 1972 жылдан - «Жұлдыз» журналының бас редакторы. 1975 жылдан - Қазақстан Жазушылар одағы басқармасының екінші хатшысы. 1980 жылдан - «Қазақ әдебиеті» әдеби газетінің бас редакторы. 1989 жылдан-«Егемен Қазақстан» республикалық газетінің редакторы. «Қазақстан» мемлекеттік телерадиокомпаниясының төрағасы. 1990 жылдан - Ұлттық саясат, мәдениет және тілді дамыту жөніндегі комитет мүшесі. 1994 жылдан - Мәдениет, баспа, бұқаралық ақпарат құралдары, қоғамдық бірлестіктер жөніндегі комитет мүшесі, Мәдениет, баспа, бұқаралық ақпарат құралдары, қоғамдық бірлестіктер жөніндегі комитеттің мәдениет, әдебиет және өнер бөлімдік комитетінің төрағасы. 1995 жылдан - шығармашылық жұмыспен айналысуда. 1996 жылдан - «Егемен Қазақстан» газетінің қызметкері.

ҚазКСР Халық депутаты (1990-1993). ҚР Жоғарғы Кеңесінің (1994-1995), ҚР Парламенті Мәжілісінің 2-ші шақырылым (1999-2004)депутаты.

КСРО Жазушылар одағы басқармасы; ҚР Президенті жанындағы мемлекеттік саясат жөніндегі Ұлттық кеңес; ҚР әдебиет саласындағы Мемлекеттік сыйлықтар комиссиясы; «Алаш» әдеби сыйлығы комиссиясы; Ұлттық саясат, мәдениет және тіл дамыту жөніндегі комитет (1990 жылдан); Мәдениет, басылым, бұқаралық ақпарат құралдары және қоғам бірлестіктері жөніндегі комитет (1994 жылдан);Әлеуметтік-мәдени даму жөніндегі комитет (1999-2004) мүшесі.

«Құрмет белгісі», «Отан» ордендерімен марапатталған (1999). «Қара алқа» романы үшін ҚазКСР Мемлекеттік сыйлығының (1978); Қазақстандық Лениндік Коммунистік Жастар Одағы, Жалпыодақтық Лениндік Коммунистік Жастар Одағы, «Тарлан» тәуелсіз сыйлықтарының лауреаты (2000).

ҚазКСР мәдениетіне Еңбек сіңірген қызметкері. Қазақстанның Халық жазушысы (1992). Қырғыз Республикасының Халық ақыны.

Діни көзқарасы - «Жаратушыға сенімді».

Қазақстанның болашағы туралы болжамы - «Оптимистік. Егер империя жағынан ешқандай қысым көрсетілмесе, Қазақстан Республикасының болашағы жарқын болады».

Хоббиі - төс белгілер және асықтар жинау.