Жайсаңбек Молдағалиев

Молдағалиев Жайсаңбек (14.4.1935, Қостанай обл. Сарыкөл ауд. Жаңасу а. – 22.6.1986, Алматы) – жазушы. ҚазМУ-ды бітірген (1959). 1959 – 85 ж. “Қазақ әдебиеті” газетінде, “Жұлдыз” журналында әдеби қызметкер, бөлім меңгерушісі, “Жазушы” баспасында, Баспа, полиграфия және кітап саудасы жөніндегі мемл. к-тте аға редактор, Қазақстан Жазушылар одағында әдеби кеңесші қызметтерін атқарған. “Жүрек қазынасы” атты алғашқы повесі 1962 ж. жарық көрді. Ел-жер тарихын, замандастарының шынайы өмірін баяндаған “Жаз ерке” (1965), “Айналайын атыңнан” (1972), “Самал” (1972), “Ел суреттері” (1976), т.б. повесть, әңгімелер жинағы шықты. Оның “Екі дос” (1979), “Торғай толғауы” (3 кітап) атты шығармаларында 2-дүниежүз. соғыс жылдарындағы халықтың өмірі, қайсарлығы суреттелген. “Алғашқы қоңырау” (1978), “Таза бұлақ” (1984) романдары Ы.Алтынсариннің өміріне арналған. Л.Толстойдың, И.Буниннің әңгімелерін қазақ тіліне тәржімалаған. М. шығармалары бірнеше тілдерге аударылды. Ә. Нарымбетов