Құран: Нұсқалар арасындағы айырмашылық

Уикипедия — ашық энциклопедиясынан алынған мәлімет
Навигацияға өту Іздеуге өту
Content deleted Content added
10-жол: 10-жол:
# [[Ямәмә соғысы|Ямәмә соғысында]] көптеген сахабалар шейіт болды. Осыдан кейін [[Омар]] [[Әбу Бәкір|Халифа Әбу Бәкр Зәйд ибн Сәбит]]тің бастауымен алқа құрып, Құранды бір кітап етіп жинаттырды.
# [[Ямәмә соғысы|Ямәмә соғысында]] көптеген сахабалар шейіт болды. Осыдан кейін [[Омар]] [[Әбу Бәкір|Халифа Әбу Бәкр Зәйд ибн Сәбит]]тің бастауымен алқа құрып, Құранды бір кітап етіп жинаттырды.


Құран жинауда жазылған түпнұсқалар Мұхаммед пайғамбардың (ғ.с.) нұсқауымен жазылған мәтін екендігін екі куәгер дәлелдеуі керек, аяттар “мансұқталса” (үкімі жойылған болса) жазылмауы тиіс деген негізгі талаптар қойылды. Мұхаммед пайғамбар (ғ.с.) өмірден өткенде дайындалған бұл жинақ “мұсхаф” деп аталды. Тері, құрма ағашы, сүйек, жапырақ, т.б әр түрлі нәрселерде жазылған Құран мәтіндерін қағазға жазып, бір кітап еткен Зәйдтің ісі бір жылға созылған. Оған хазіреті Омар, Әли, Оспан, Ибн Кағб көмектесті. “Мұсхаф” аталған осы кітап алдымен Әбу Бәкрде, ол қайтыс болғаннан кейін Омарда, одан кейін қызы Хафсаның қолында сақталған. Оспан кезеңінде [[ислам діні]] Арабстаннан тыс өлкелерге қанат жайды. Сол жақтарға арнайы мұғалімдер жіберіліп, олар өздері үйренген Құран қирағаттарын исламды жаңадан қабылдаған елдерге оқыта бастады. Осы кезеңде туындаған қайшылықтарды жою мақсатында Омардың қызы Хафсаның қолындағы түпнұсқаны Оспан көбейту үшін уақытша сұрап алды. Осы істі атқаруға хижраның жиырма бесінші жылы құрайыштықтар (меккелік) мен әнсарлықтардан (мединелік) он екі кісілік топ құрып, Зәйд ибн Сәбитті басшылыққа тағайындады. Жазылған жаңа “Имам Мұсхаф” кітабы мешітте оқылып, мұсылмандардың бәрі бір ауыздан мақұлдады.
Құран жинауда жазылған түпнұсқалар Мұхаммед пайғамбардың (ғ.с.) нұсқауымен жазылған мәтін екендігін екі куәгер дәлелдеуі керек, аяттар “мансұқталса” (үкімі жойылған болса) жазылмауы тиіс деген негізгі талаптар қойылды. Мұхаммед пайғамбар (ғ.с.) өмірден өткенде дайындалған бұл жинақ “мұсхаф” деп аталды. Тері, құрма ағашы, сүйек, жапырақ, т.б әр түрлі нәрселерде жазылған Құран мәтіндерін қағазға жазып, бір кітап еткен Зәйдтің ісі бір жылға созылған. Оған хазіреті Омар, Әли, Оспан, Ибн Кағб көмектесті. “Мұсхаф” аталған осы кітап алдымен Әбу Бәкрде, ол қайтыс болғаннан кейін Омарда, одан кейін қызы Хафсаның қолында сақталған. Оспан кезеңінде [[Ислам|ислам діні]] Арабстаннан тыс өлкелерге қанат жайды. Сол жақтарға арнайы мұғалімдер жіберіліп, олар өздері үйренген Құран қирағаттарын исламды жаңадан қабылдаған елдерге оқыта бастады. Осы кезеңде туындаған қайшылықтарды жою мақсатында Омардың қызы Хафсаның қолындағы түпнұсқаны Оспан көбейту үшін уақытша сұрап алды. Осы істі атқаруға хижраның жиырма бесінші жылы құрайыштықтар (меккелік) мен әнсарлықтардан (мединелік) он екі кісілік топ құрып, Зәйд ибн Сәбитті басшылыққа тағайындады. Жазылған жаңа “Имам Мұсхаф” кітабы мешітте оқылып, мұсылмандардың бәрі бір ауыздан мақұлдады.
[[File:Qur'anic Manuscript - 3 - Hijazi script.jpg|thumb|left|200px| Құран қолжазбасы, VII ғ.]]
[[File:Qur'anic Manuscript - 3 - Hijazi script.jpg|thumb|left|200px| Құран қолжазбасы, VII ғ.]]
Бұл “Имам Мұсхаф” төрт данаға көбейтілді. Біреуі Мединеде қалдырылып, қалған үшеуі [[Шам]], [[Куфа]], [[Басра]]ға жіберілді. Ислам діні пайда болғанда араб жазуында әріптердің ноқаттары мен қаракеттері жоқ болса да, сахабалар өз тіліндегі Құранды қатесіз оқыған. Хижраның 1 ғасырның 2-жартысынан бастап, өзге халықтың ислам дінін қабылдауы мен олардың араб тілін білмеулері себепті Құранды жаңылыс оқу белең ала бастаған. Осыған дейін Құран жазуының қарекеті мен ноқаты болмауынан туындаған қиындықты шешу үшін [[Әбул Әсуәд әд-Дуәли]] қаракеттердің жазылуын енгізді. [[Насыр ибн Асым]] (кейбір деректе Яхия ибн Ямәр) Құран әріптерін бір-бірінен ажыратқан ноқаттарды қойды. Бұны ғалымдар “[[Ижам]]” деп атады. Сахабалар Мұхаммед пайғамбардан (ғ.с.) әр түрлі қирағаттар үйренген;
Бұл “Имам Мұсхаф” төрт данаға көбейтілді. Біреуі Мединеде қалдырылып, қалған үшеуі [[Шам]], [[Куфа]], [[Басра]]ға жіберілді. Ислам діні пайда болғанда араб жазуында әріптердің ноқаттары мен қаракеттері жоқ болса да, сахабалар өз тіліндегі Құранды қатесіз оқыған. Хижраның 1 ғасырның 2-жартысынан бастап, өзге халықтың ислам дінін қабылдауы мен олардың араб тілін білмеулері себепті Құранды жаңылыс оқу белең ала бастаған. Осыған дейін Құран жазуының қарекеті мен ноқаты болмауынан туындаған қиындықты шешу үшін [[Әбул Әсуәд әд-Дуәли]] қаракеттердің жазылуын енгізді. [[Насыр ибн Асым]] (кейбір деректе Яхия ибн Ямәр) Құран әріптерін бір-бірінен ажыратқан ноқаттарды қойды. Бұны ғалымдар “[[Ижам]]” деп атады. Сахабалар Мұхаммед пайғамбардан (ғ.с.) әр түрлі қирағаттар үйренген;

00:06, 2012 ж. сәуірдің 8 кезіндегі нұсқа

Құран (араб.: القرآنal-qurʾān [qurˈʔaːn] көп оқылатын кітап), Құран Кәрім - Мұсылмандардың қасиетті кітабы. Құран Ислам дінінің негізгі тірегі және қайнаркөзі болып табылады. Құран сүрелер мен аяттардан тұрады. Барлық аяттар Мұхаммед пайғамбарға (ғ.с.) құдайлық аян арқылы түскен Аллаһның сөзі. Құранның алғашқы аяттары..... жыды түсе бастады.

Тарихы

Құранның жиналуының қысқаша тарихы

Мұхаммед пайғамбардың (ғ.с.) өмірінің ақырына дейін уахи келуі ықтимал болғандықтан, оның көзі тірісінде Құрантолық бітті деп, бір кітап етіп жинақтау мүмкін емес еді. Ол өмірден өткеннен кейін ғана уахи тоқталғаны айқындалып, алғашқы халифа Әбу Бәкр кезінде Құран бір кітап етіп жинақталды. Құранның пайғамбар кезінде жиналып бір кітап етілмеуінде басқа да бірнеше себептер болған:

  1. Құран мәтінінің сенімді кепілі Мұхаммед пайғамбардың (ғ.с.) өзі тірі болған соң, Құран жазылған парақтар мемл. істердің бәрінде бірдей ресми түрде қолданылмады. Кейіннен келген халифалардың мұндай ерекшелігі болмағандықтан, жазылған парақтарды бір кітапқа жинақтау қажеттілігі туды.
  2. Әбу Бәкір “мұсхаф” кітапты сахабалардың қолдарындағы жазылған түпнұсқалары мен жаттаған Құран арқылы растап әрі кейбір адамдардың жеке қателіктерін дұрыстап, нәтижеде үмбеттің бәрі бір ауыздан қабыл еткен “Имам мұсхаф” — негізгі кітапты жинақтамақшы болды.
  3. Ямәмә соғысында көптеген сахабалар шейіт болды. Осыдан кейін Омар Халифа Әбу Бәкр Зәйд ибн Сәбиттің бастауымен алқа құрып, Құранды бір кітап етіп жинаттырды.

Құран жинауда жазылған түпнұсқалар Мұхаммед пайғамбардың (ғ.с.) нұсқауымен жазылған мәтін екендігін екі куәгер дәлелдеуі керек, аяттар “мансұқталса” (үкімі жойылған болса) жазылмауы тиіс деген негізгі талаптар қойылды. Мұхаммед пайғамбар (ғ.с.) өмірден өткенде дайындалған бұл жинақ “мұсхаф” деп аталды. Тері, құрма ағашы, сүйек, жапырақ, т.б әр түрлі нәрселерде жазылған Құран мәтіндерін қағазға жазып, бір кітап еткен Зәйдтің ісі бір жылға созылған. Оған хазіреті Омар, Әли, Оспан, Ибн Кағб көмектесті. “Мұсхаф” аталған осы кітап алдымен Әбу Бәкрде, ол қайтыс болғаннан кейін Омарда, одан кейін қызы Хафсаның қолында сақталған. Оспан кезеңінде ислам діні Арабстаннан тыс өлкелерге қанат жайды. Сол жақтарға арнайы мұғалімдер жіберіліп, олар өздері үйренген Құран қирағаттарын исламды жаңадан қабылдаған елдерге оқыта бастады. Осы кезеңде туындаған қайшылықтарды жою мақсатында Омардың қызы Хафсаның қолындағы түпнұсқаны Оспан көбейту үшін уақытша сұрап алды. Осы істі атқаруға хижраның жиырма бесінші жылы құрайыштықтар (меккелік) мен әнсарлықтардан (мединелік) он екі кісілік топ құрып, Зәйд ибн Сәбитті басшылыққа тағайындады. Жазылған жаңа “Имам Мұсхаф” кітабы мешітте оқылып, мұсылмандардың бәрі бір ауыздан мақұлдады.

Құран қолжазбасы, VII ғ.

Бұл “Имам Мұсхаф” төрт данаға көбейтілді. Біреуі Мединеде қалдырылып, қалған үшеуі Шам, Куфа, Басраға жіберілді. Ислам діні пайда болғанда араб жазуында әріптердің ноқаттары мен қаракеттері жоқ болса да, сахабалар өз тіліндегі Құранды қатесіз оқыған. Хижраның 1 ғасырның 2-жартысынан бастап, өзге халықтың ислам дінін қабылдауы мен олардың араб тілін білмеулері себепті Құранды жаңылыс оқу белең ала бастаған. Осыған дейін Құран жазуының қарекеті мен ноқаты болмауынан туындаған қиындықты шешу үшін Әбул Әсуәд әд-Дуәли қаракеттердің жазылуын енгізді. Насыр ибн Асым (кейбір деректе Яхия ибн Ямәр) Құран әріптерін бір-бірінен ажыратқан ноқаттарды қойды. Бұны ғалымдар “Ижам” деп атады. Сахабалар Мұхаммед пайғамбардан (ғ.с.) әр түрлі қирағаттар үйренген;

A.
Құран.

Құран мағынасы сол заманнан бастап-ақ өзге тілдерге аударыла бастады. Кейбір деректерде сахаба Салман Парсы Мұхаммед пайғамбардың (ғ.с.) рұқсатымен Фатиха сүресінің мағынасын парсы тіліне аударып, ирандықтарға жібергендігі айтылады. Құран мағынасы үнді тіліне алғаш рет 833 ж., парсы тіліне 956 ж., латын тіліне 1143 ж., француз тіліне 1647 ж., ағылшын тіліне 1649 ж. аударылған. Қазіргі уақытта Құран мағынасы жүзден астам тілге тәржімаланған. Құранның түркі тіліндегі алғашқы мағыналық аудармасы 15 — 11 ғасырда жасалғаны туралы жорамалдар болғанымен, қазіргі заманға жеткен аударманың ең көнесі 14 ғасырда жазылған.

Құранның басқада аттары

  • әл-Китаб. Бұл сөз Құранда екі жүз отыз мәрте кездеседі, “Міне осы Кітапта күдік жоқ, бұл тақуалар үшін тура жол көрсетуші” (Бақара 2/2).
  • әл-Фурқан. “Ақиқат пен жалғанды айырушы” мағынасындағы бұл сөз Құранда алты рет кездеседі. “Күллі әлемге ескертуші болу үшін құлына Фурқанды түсірген Алла тағала ең ұлық” (Фурқан 25/1).
  • Нур, Мубин.

“Расында сендерге Алладан нұр және ”Мубин” ашық кітап келді” (Мәида 5/15). Құранның бұдан басқа да есімдері: Кәләм, Куда, Рахмәт, Шифа, Тәнзил, Уахи, Баян, Хақ, Адл, Бушра, Қасас, Азиз, Хикмәт, Хаблуллаһ, Рух, Муһәймин, Қайим, Зікір, Бәләғ, Мәжид, Уммул-Китаб‚ т.б. Қадір сүресінде айтылғандай, алғашқы құдайлық аян (уахи) 610 ж. [[рамазан айы[[ның Қадір түні Мекке тауының Хира үңгірінде Мұхаммед пайғамбарға (ғ.с.) ұалақ сүресінің (“Жаратқан Раббыңның атымен оқы!”) бес аятынан бастап түсті. Ең ұзақ аят Бақара сүресінің 282-аяты. Ең қысқа аяттар — Ясин, 36/1; Рахман, 55/1,64; Мүддессір 74/21; Фәжр 89/1; Дүха 93/1; Асыр 103/1. Құрандағы сөздер саны 77 934 екендігі анықталған. Құранда 6666 аят (Асым қирағаты бойынша), 114 сүре бар. Ең қысқа сүре үш аяттан тұратын Кәусар сүресі. Ал ең ұзағы 286 аяттан тұратын Бақара сүресі. Құран Алла құзырынан Жебірейіл періште арқылы, Мұхаммед пайғамбарға (ғ.с.) жиырма үш жыл бойы түскен.

Құран мағыналық мазмұны бойынша бөлімдері

Құран мағыналық мазмұны бойынша, негізінен, 3-ке бөлінеді:

  • иман, сенімге байланысты аяттар,
  • шариат үкімдеріне қатысты аяттар,
  • Пайғамбарлар өмірі жайлы қиссалар. Мұхаммед пайғамбар (ғ.с.) умми (оқу-жазу білмейтін) кісі болған еді. Ол құдайлық аян келгенде уахи хатшыларына сүре мен аяттарды түскен жерде жаздырып отырған. Хатшыларына жазғандарын дауыстап оқуды талап етіп, қателессе дереу түзеген. Зәйд ибн Сәбит бұл жайлы “Алла Елшісі (ғ.с.) Құдайлық аяндарды уахиды маған жаздыратын. Егер бір жерде қателік яки нұқсандық болса, дереу түзеттіретін. Ақырында мен жаңа келген уахиды адамдарға жеткізетін едім”, — дейді. Уахи хатшыларының саны шамамен қырыққа жетеді. Олардың атақтылары: Әбу Бәкр, Омар, Оспан ибн Аффан, Әли ибн Әбу Тәліп, Абдуллаһ ибн Сад, Зәйд ибн Сәбит, Зубәйір ибн Аууам, Убәй ибн Каб, т.б. Құранның бөлек-бөлек түсуі оның оңай жатталуына мүмкіндік жасады. Сахабалардың хат танитындары түскен мәтіндерді әрі жазып, әрі жаттап алды. Хат танымағандар Мұхаммед пайғамбардың (ғ.с.) намазда, уағыз-насихатта оқыған Құранын естіп, жаттаған. Құранды сақтау барысында жазуға қарағанда жаттау әлдеқайда қолайлы тәсіл болды. Құран сахабалардың тақуалық өмірлерінен бастап, Алла жолындағы күрестеріне, қоғамдық қарым-қатынастарына дейін жол нұсқап, тәрбиелеп отырды. Осылайша Құран олардың өмірінің мәніне айналды. Мұхаммед пайғамбар (ғ.с.) әр жылы рамазан айында Құранның сол уақытқа дейінгі түскен бөлімін Жебірейіл періштемен бірге оқыды, бұлай оқу “Арза” деп аталды. Әбу һурайра Жебірейіл әр жылы рамазанда Алла Елшісіне Құранды бір рет оқығанын, қайтыс болар жылы екі рет оқығанын жеткізген (Бухари, Фәдәилул-Қуран, 7). Мұхаммед пайғамбар (ғ.с.) сол күнге дейінгі түскен аяттардан құралған Құранды бастан аяқ оқығанда сахабалар да қолдарындағы Құранның түпнұсқаларын алып, қателіктері болса, түзетіп отырған. Мұхаммед пайғамбар (ғ.с.) өміріндегі ақырғы рамазан айында Жебірейіл екеуі бір-біріне Құранды екі рет қайталап оқып тексерген. Мұхаммед пайғамбар (ғ.с.): “Жебірейіл Құранды маған бастан-аяқ екі рет оқытты. Мен осыған қарап, жақында көз жұматынымды аңғардым”, — дейді. Жебірейіл періштенің Алла Елшісін тыңдаудағы мақсаты:
  1. Құранның сақталу жолын мұсылмандарға үйретіп, оның мінсіз сақталуы Алла үшін қаншалықты маңызды екенін білдіргендігі;
  2. Сол жылға дейінгі аят пен сүрелердің бір-бірінің жалғасын тауып, орналасу жүйесін тағы бір анықтау;
  3. сахабалардың жазғандарын, яки жаттағандарын түзетіп, бірлікке шақыру және Құранның кейіннен бір кітап болып жиналуына жағдай жасау;
  4. Құранда Алла әмірімен кейбір аяттардың мансұқталуы. Исламда қазіргі күнге дейін сақталған рамазан айындағы тарауих намазы кезінде Құранды хатым қылып бастан аяқ оқып шығу дәстүрі осының жалғастық табуынан еді.[1]

Құран мағыналарының аударылуы

Қазақ тілінде

Қазақ халқының рухани бастауларында болған ғұламалар Құранның мағыналық аудармасынан гөрі мәнін ашуға, хикметін сезуге ұмтылған. Абайдың “Адамды сүй, Алланың хикметін сез!”, “Адамның хикмет кеудесі”, — деген сөздерінен Құранды да, адамды да, әлемді де хикмет кітаптары деп біліп, оларды ажырамас өзара бірлікте, тығыз үйлесімде танығаны аңғарылады. “Құран рас Алланың сөзі-дүр ол, Тәуиліне жетерлік ғылымың шақ”, — деген Абай Құранның сөздік мағынасынан гөрі ішкі мәніне ұмтылуға үндейді. Құранның рухани мәнін, адамзат қоғамындағы орнын түсінуде ондағы адам мәселесін зерделеудің маңызы зор. Құран — адамзатты қараңғылықтан нұрға бастайтын құдайлық рахмет — мейірім көзі, (һұд, 17 аят) адамға бақилық бақыт жолын көрсететін Алланың сөзі (Исра, 9). Қ. жеке адам және қоғам тіршілігі үшін қажетті құқықтық, әлеуметтік-экономикалық саяси-басқару, этикалық-моральдық жүйелердегі негізгі қағидалар мен ұстанымдарды негіздеді. Құранда екі маңызды мәселе — Алланың жалғыздығына сенім (таухид-монизм) және Алланың құдіреті, сол құдіретімен жаратқан әлем, адам, олардың Алламен арасындағы байланыстары жүйеленген. Құранда адамның көңілі (қалбы-жүрегі) — таным көзі немесе танымға жетудің құралы мағынасында қолданылған. Құранда адам ақылын — “қалб көзі” (көңілдің көзі), Алланың жеке мәндік аяны (ал-уаһи-ул-жузи) ретінде, ал Құранды — объективтік аян, әлемді — Алланың танымдық кітабы, универсалдық аян ретінде танытады. Сопылық дүниетанымда бірлік (таухид-монизм) ұстанымын осы құдайлық үш аяндағы универсалдық тұтастық пен үйлесімділік негізінде топтастырған. Демек бірлік (таухид) ұстанымы адам, Құран және әлемді өзара тұтастықта қарайды. Құранда Құдайдың адамды “халифа” мақамында жаратқандығы айтылады. Бұл тұстағы Құдайдың халифасы (орынбасары) ұғымы — адамның әлемдегі орны мен маңызын анықтайтын діни категория, ең құрметті атақ болып саналады. Адамның мұндай жоғары атаққа лайық болуының сыры оның жаратылыс мақсаты мен ерекшелігінде жатыр. Құрандағы мәлімет бойынша рух әлемінде Алла мен адамның арасында “жаратушы-жаратылған” сипаттарын білдіретін, олардың өзара мақсаты мен міндетін анықтайтын, “Мисақ” яғни, ант, келісімсөз жүзеге асырылғанды. Адам бұл антты Алланың жердегі өкілі ретінде Жаратушысын ұмытпай, жердегі адамдық орны мен қызметін атқарып, алған аманатты (Азхаб, 172) сақтаймын деп берген болатын. Бұл жердегі “аманат” ұғымы иман, жауапкершілік, Құдай алдындағы парызға және адамдардың құқықтарына құрмет, сөз, ақыл, ойлау қабілетін дұрыс қолдануды, ар-намысын сақтауды білдіреді. Адам осы міндетін орындап, қабілеттерін орнымен қолданып, дамыта алғанда ғана “халифа” деген атқа лайық болады. Құран аяттары адамзаттың өзара туыстығын, бүкіл адамдардың бір Жаратушысы бар екендігін білдіргеннен кейін, мәдениет пен қоғамның, тайпалар мен ұлыстардың бір негізден пайда болғандығын ескертіп, олардың өзара тең сұхбат арқылы тұтастыққа, бірлікке ұласуын негізгі мақсат етіп көрсетеді. Сондықтан Алла адамзатты құдайлық табиғат негізінде өзара тең қылып жаратқан. Ал адамдардың кейінгі қоршаған ортасы, әлеуметтік-тарихи, әдет-ғұрыптық, мәдени-дүниетанымдық ерекшеліктері Жаратушының тең қылып жарату ақиқатын өзгерте алмайды. Адамның Аллаға берген сөзінде тұру-тұрмауы, құдайлық сынаққа сену-сенбеуі өз еркінде. Құран бойынша адам — таңдау еркіндігі бар, жауапкершілік иесі, сонымен қатар аманат тасушы болмыс. Сондықтан да Құранда айтылған ақыреттегі жағдай — иман етушілердің жұмақтағы орны және имансыздардың тамұқтағы хәлі жайында адамға жасалған негізгі ескерту болып табылады. (Кеһф, 29). Адам — жан мен тән және ақылдан тұратын біртұтас болмыс. Адамның тәні топырақтан жаралып, жаны Алладан берілгендіктен, тән топыраққа, жан рухани әлемге, өз негіздеріне оралуға құштар. Осындай жақсы мен жаман, ақ пен қара, тән мен жан, иман мен күпірлік, мойынсұну мен теріске шығару сияқты қарама-қайшы құбылыстарды жаратудағы сырды Құран аяттары түсіндіреді. Егер адам ерікті болмаса, сынақ жүйесі мәнсіз болып шығар еді. Бұл түсіндірулерден қарама-қайшылықтар мен күрестің нысаны адамның жаратылыс сырында екендігі көрінеді. Адам табиғатындағы қайшылықтар Алланың оны сынақтан өткізуі және оның кемелденуі мен рухани биіктеуі, Ақиқатты табуы үшін қажетті деп тапқан жүйесі. Құранның адамды басқа болмыстардан ерекше мақамға шығару себебі оған Алла өз рухынан үрлеген құдайлық жауһардың (субстанция) берілуіне байланысты болуы керек (Сәжде, 6-10). Осы құдайлық жауһар арқылы адам періштелерден де жоғары, Алланың халифасы болуға лайық болмыс ретінде жаралған (Баһара, 30). Сонымен қатар адам “ең көркем келбетте” және “мазмұнда (сиретте)” жаратылған ең сұлу болмыс (Тин, 4). Жақсылық пен жамандықты айыру қабілеті мен күші де (фурқан, тамииз) тек адамға ғана беріліп (Шамс, 8), әлемдегі мүмкіндіктердің барлығы адамға қызмет ету үшін жаратылған (Жасия, 13). Құранда адамның табиғаты мен мінезіне байланысты анықтамалар өте көп. Сонымен қатар адамның психол. қуаты мен қызметтері, рухани даму сатылары, адам типологисы сияқты мәселелер кеңінен қамтылған. Дегенмен Құранда басты мәселе ретінде адамның имандылық пен асылық, яғни Құдайды жоққа шығару психологиясы арасындағы моральдық таңдау, сонымен қатар аян және илһам, дәстүрлі әлеуметтік әдеттердің ықпалы, сол топтардың психологиясысы, діни үндеуге қарсылық және қорғану механизмдері сияқты көптеген мәселелер қарастырылған. Құранда адам ең жоғарғы мақамда жаратылғанымен, оның нәпсінің зынданына түсіп, “ең төменгі дәрежеге дейін құлдырайтын” (Тин, 4-5) моральдық азғындауға да бейім екендігі ескертіледі.

Құран IX ғ.

Адамның моральдық азғындауына берілген анықтамаларда оның “әлсіз, қан төгуші, жоюшы, залым, қиянатшыл, ашкөз, арамтамақ, сараң, надан екендігі сыналып (Ниса, 28; Бақара, 30; Наһыл,4; Азхаб, 72; Исра,11-27,100), Алла адамды осылардан қашуға, жиіркенуге үндейді. Өйткені Тәңірдің адамға қояр талабы — оның көркем құлықты, жамандыққа жаны қас, жақсылыққа жаршы болатын, Құдайдың еркін жүзеге асыратын құл болуы. Құдайдың шынайы құлы болу үшін адам, ең алдымен, өз болмысымен тұтастыққа жетіп, содан кейін өзін қоршаған әлеммен үйлесімділік құруы тиіс. Осы үндестікті қамтамасыз ету үшін Құдай Құран арқылы адамға құндылықтар жүйесін ұсынады. Бұл құндылықтар адамгершілік пен парасаттылықты қалыптастырудың негізгі қалыбы — тезі. Адамның жақсылық, парасат, ізгілікті іспен, сөзбен және оймен қарулануы оның иманының қуатына тікелей қатысты. Өйткені Құранда имандылық адамгершіліктің тұтқасы, негізгі көзі ретінде түсіндірілген. Имандылықтан туатын құндылықтарды әділеттілік, турашылдық, ар-ұят, намыс, сабыр, төзімділік, жомарттық, шыншылдық, мейірімділік, ата-анаға құрмет, отансүйгіштік, қанағатшылдық, тазалық, махаббат, адамды сүю, жүректілік деп тізіп, жалпы парасат (фазилат) құндылықтарына, ал имансыздықтан туындаған зұлымдық, жалғандық, екіжүзділік, опасыздық, менмендік, қорқақтық сияқты жаман қылықтарды масқаралық (разилат) сипатына жатқызып, бұлардан аулақ болуды ескертеді. Құран адамның бағынышты болуы қиын әлем екендігін, оны тек табиғи жолмен, ерікті сұхбат арқылы тәрбиелеуді, оны дінге шақыруда да ешқандай зорлық немесе қысым жасауға болмайтындығын ескертеді. Қорыта айтқанда, Құранда адамның қандай болмыс екендігі, өмір сүру ортасы мен тіршілігінің мәні, әлемдегі орны мен мақсаты туралы оның болмысын нақтылайтын тиянақты жауаптар айтылған. Бұл жауаптардың барлығы адамның рухы мен көңіліне қатысты психол. құбылыстар мен қуаттарды түсінікті әрі қарапайым тілмен берген. Құранның үндеуі адам санасына, рухы мен ақылына арналған. [2][3][4]

Орыс тілінде

A.
Құран Кәрім.

Әбжәд

Құран сүрелері мен аяттары

Құранда 14 сәжде аяты бар. Олар:

  • Ағраф 206,
  • Раъд 15,
  • Нахл 41,
  • Исра 107,
  • Мәрйәм 58,
  • Хаж 18,
  • Фурқан 60,
  • Нәмл 25,
  • Сәжде 15,
  • Сад 24,
  • Фуссиләт 37,
  • Нәжм 62,
  • Иншиқақ 21,
  • Ъалақ 19.

Осы сәжде аяттарының қайсы бірін оқыған не естіген адамға тіләуәт сәждесін жасау уәжіп болады.

Құранда 114 сүре бар, 6 236 аят бар, “Құран Кәрім” сөзі 79 000 рет қайталанған және Құранда 323 670 әріп бар.

Егер Құранды толық оқып шықсаңыз әр әрпіне 10 сауаптан аласыз. Яғни 323 670 х 10 тең 3 236 700 болады екен. Демек Құранды толық оқып шықсаңыз 3 236 700 сауапқа ие боласыз. Сауаптан құр қалмаңыз…. [5]

Құранда қанша аят бар?

Құранда қанша аят бар екендігі жайлы ғалымдардың бірнеше пікірлері бар.

Бұның себептері кей ғалымдар ұзын сөйлемді бірнеше сөз деп есептесе, кейбірі бір аят деп есептеген. Шафиғи ғалымдары аяттардың басындағы бисмиллә сөзін сүренің ішінде деп есептесе, Ханафи ғалымдары бисмиллә сөзін бөлек бір аят деп есептеген. Сол секілді «Я-син»,

«Ха-Мим» секілді әріптерге байланысты осындай пікірлер бар.

Ибн Аббас Құранда 6616 аят,

Нафи 6217,

Шәйбә 6214,

Мысыр ғалымдары 6226,

Араб тілі және әдебиетін жақсы меңгерген риторик ғалым Замахшари Құранда 6666 аят бар деген пікірлер айтқан.

Ибн Хузайма «ән-Насиху уәл Мансуху» кітабында Құранда 6666 аят бар деген тоқтамға келіп, аяттарды мына төмендегідей бөліктерге бөлген:

Уаъд (уәде беру) аяттары – 1000

Уаъид (жазалану туралы ескерту) аяттары – 1000

Әмір аяттары – 1000

Наһи (тыйым) аяттары – 1000

Хабар және қисса аяттары – 1000

Мысал және ғибрат аяттары – 1000

Ахкам (үкімдер) аяттары – 500

Дұға және тасбих аяттары – 100

Насих және мансух (үкімдері жойылған) аяттар – 66

Осылайша барлығы – 6666 аят болады деп жазған.

Дегенмен Куфа ғалымдары Құранда 6236 аят бар деген пікір айтқан.

Бүгінгі күні Куфилердің пікірі бойынша Құранда 6236 аят бар деген тұжырымға тоқталған.

Қорыта айтар болсақ бүгінгі күні басылып жатқан Құран кітаптарының барлығында 6236 аят бар.[6]


Құранның алғашқысүресі

Құран кәрімде 30 пара яғни бөлік бар, 114 сүре бар. Осы 114 сүре 30 параға ұзындығына байланысты бөлінген.

  • 1-пара: Фатиха сүресі, Бақара сүресінің 141 аятына дейін.
  • 2-пара: Бақара сүресінің 142 аятынан басталып 252-ші аятына дейін.
  • 3-пара: Бақара сүресінің 253 аятынан соңына дейін. Әли Имран сүресінің 91 аятына дейі.
  • 4-пара. Әли Имран 92, Ниса сүресі 23.
  • 5-пара. Ниса 24, Ниса 147.
  • 6-пара: Ниса 148, Мәида сүресі 82.
  • 7-пара: Мәида 83, Анъам сүресі 110.
  • 8-пара: Анъам 111, Ағраф сүресі 87.
  • 9-пара. Ағраф 88, Әнфәл сүресі 40 аят.
  • 10-пара: Әнфәл 41, Тәубә сүресі 93 аят.
  • 11-пара: Тәубә 94, Юныс сүресі, Һуд серсі, Жүсіп а.с. сүресі 5 аятына дейін.
  • 12-пара: Жүсіп а.с. 6, Жүсіп а.с. 52.
  • 13-пара: Жүсіп а.с. 53, Раъд сүресі, Ибраһим сүресі мен 13 пара бітеді.
  • 14-пара: Жижыр сүресінен басталады, Нахл сүресімен бітеді.
  • 15-пара: Исра сүресінен басталады, Кәһф сүресі 74 аят.
  • 16-пара: Кәһф сүресі 75, Мәрйәм сүресі, Тоһа сүресімен бітеді.
  • 17-пара: Әнбия сүресі, Хаж сүресі.
  • 18-пара: Муминун сүресі, Нұр сүресі, Фурқан сүресі 20 аят.
  • 19-пара: Фурқан 21, Шуъара сүресі, Нәміл сүресі 55 аят.
  • 20-пара: Нәміл сүресі 56 аят, Қасас сүресі, Ъанкабут сүресі 45 аят.
  • 21-пара: Ъанкабут сүресі 46 аят, Рум сүресі, Лұқман сүресі, Сәжде сүресі, Ахзаб сүресі 30 аят.
  • 22-пара: Ахзаб сүресі 31 аят, Сәбә сүресі, Фатыр сүресі, Ясин сүресі 27 аят.
  • 23-пара: Ясин сүресі 28 аят, Саффат сүресі, Сад сүресі, Зумәр сүресі 31 аят.
  • 24-пара: Зумәр сүресі 32 аят, Ғафир сүресі, Фуссиләт сүресі 46 аят.
  • 25-пара: Фуссиләт сүресі 47 аят, Шура сүресі, Зухруф сүресі, Духан сүресі, Жасия сүресі 32 аят.
  • 26-пара: Жасия сүресі 33 аят, Ахқаф сүресі, Мұхаммед сүресі, Фатх сүресі, Хужрат сүресі, Қаф сүресі, Зәрият сүресі 30 аят.
  • 27-пара: Зәрият сүресі 31 аят, Тур сүресі, Нәжм сүресі, Қамар сүресі, Рахман сүресі, Уақиға сүресі, Хадид сүресімен 27 пара бітеді.
  • 28-пара: Мужәдәлә сүресімен басталады, Хашр сүресі, Мумтахина сүресі, Саф сүресі, Жұма сүресі, Мұнафиқун сүресі, Таъабун сүресі, Талақ сүресі, Тахрим сүресімен 28 пара бітеді.
  • 29-пара: Мүлк сүресімен басталады, Қалам сүресі, Хаққа сүресі, Маъариж сүресі, Нух сүресі, Жын сүресі, Музаммил сүресі, Мудәссир сүресі, Қиямет сүресі, Инсән сүресі, Мурсәләт сүресімен 29 пара бітеді.
  • 30-пара: Нәбә сүресімен басталады, Назиғат сүресі, Ғабәсә сүресі, Текуир сүресі, Ынфитар сүресі,Мұтаффифин сүресі, Іншиқақ сүресі, Бүруж сүресі, Тарық сүресі, Ағла сүресі, Ғашия сүресі, Фәжір сүресі, Бәләд сүресі, Шәміс сүресі, Ләйіл сүресі, Зұха сүресі, Шарх сүресі, Тин сүресі, Ғалақ сүресі, Қадыр сүресі, Бәййіна сүресі, Зілзал сүресі, Ғадият сүресі, Қариға сүресі, Тәкәсүр сүресі, Ғасыр сүресі, Һүмәзә сүресі, Філ сүресі, Құрайш сүресі, Мағұн сүресі, Кәусәр сүресі, Кәфирұн сүресі, Насыр сүресі, Мәсәд сүресі, Ыхлас сүресі, Фалақ сүресі, Нас сүресімен 30 пара бітеді.[7]

Пайдаланған әдебиет

  1. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1
  2. Қазақ ұлттық энцеклопедиясы 4 том
  3. Отырар. Энциклопедия. – Алматы. «Арыс» баспасы, 2005 ISBN 9965-17-272-2
  4. Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7
  5. «Кім кінәлі? Мақалалар, әңгімелер, аудармалар». Ұлықбек Алиакбарұлы. Шымкент-2011 ж. 104-бет. ББК 86.38 - 82.3 (Қаз) ISBN – 9965-903-02-6 «Алтын алқа» баспасы
  6. «Кім кінәлі? Мақалалар, әңгімелер, аудармалар». Ұлықбек Алиакбарұлы. Шымкент-2011 ж. 104-бет. ББК 86.38 - 82.3 (Қаз) ISBN – 9965-903-02-6 «Алтын алқа» баспасы-5
  7. «Кім кінәлі? Мақалалар, әңгімелер, аудармалар». Ұлықбек Алиакбарұлы. Шымкент-2011 ж. 104-бет. ББК 86.38 - 82.3 (Қаз) ISBN – 9965-903-02-6 «Алтын алқа» баспасы-5

Үлгі:Link GA Үлгі:Link GA Үлгі:Link FA