Құмарлық: Нұсқалар арасындағы айырмашылық

Уикипедия — ашық энциклопедиясынан алынған мәлімет
Навигацияға өту Іздеуге өту
Content deleted Content added
Өңдеу түйіні жоқ
Өңдеу түйіні жоқ
1-жол: 1-жол:
'''Құмарлық''' - Қазақ ақыны [[Шәкәрім Құдайбердіұлы]]ның XX-ғасырдың алғашқы жартысында жазылған көркем-әдеби туындысы.
'''«Құмарлық»''' - Қазақ ақыны [[Шәкәрім Құдайбердіұлы]]ның XX-ғасырдың алғашқы жартысында жазылған көркем-әдеби туындысы.





11:23, 2012 ж. мамырдың 2 кезіндегі нұсқа

«Құмарлық» - Қазақ ақыны Шәкәрім Құдайбердіұлының XX-ғасырдың алғашқы жартысында жазылған көркем-әдеби туындысы.


Құмарлық деген бір ит бар,

Жаныңа жау шын ит бар.

Алды-артыңа қаратпас,

Рахымы жоқ тым ит бар.



Бай баласын көп көрдім,

Кедейлікті жек көрдім.

Сауық көрсем, құмар боп,

Мен де сүйтсем деп көрдім.



Мылтық атты, құс салды,

Домбыра кезіп, гормонь қолға алды.

Ауыл кезіп, ән салды,

Көрген адам таң қалды.



Дойбы, қарта - бәрі бар,

Жүз құбылған әні бар.

Киім біткен қынаулы,

Таңырқарлық сәні бар.



Мен де осындай болам ба,

Бола алмасам оңам ба?

Бар малымды шашсам да,

Жетпей қойсам соған ба!



Арпалыстым, алыстым,

Жағаластым, жарыстым.

Дәл өзіндей болған соң,

Озамын деп қарыстым.



Жеттім, оздым - жер білді,

Маңайдағы ел білді.

«Бәрекелді, батыр», - деп,

Қыз-бозбала сол күлді.



Мақтағанға бу ала,

Селкілдедім дуана.

Баяны жоқ, пайдасыз

Бір сағымды қуала.



Әлі келем далақтап,

Қызыл тілім салақтап.

Менен озған кім бар деп,

Алдыңғы жаққа алақтап.



Қара көрсем, кетемін,

Жетуге талап етемін.

Пайдасында ісім жоқ,

Не де болса жетемін.



Заман өтті, жас өтті,

Қайрат, өнер бос кетті.

Абұйыр жоқ, сана жоқ,

Өз басыңа не жетті?



Естігенді ұға бер,

Ыдысың болса - тыға бер.

Пайдасыз болса құмарың,

Сілкініп тастап шыға бер.[1]
 

Пайдаланған әдебиет

  1. Шәкәрім Құдайбердіұлы шығармалары, I том.—Алматы: Жібек Жолы, 2006. ISBN 9965-759-33-2